JOSHUA 10:8 - Navajo Bible

⁸ Áko Bóhólníihii éí Jáshowa áyidííniid, T'áadoo bik'ee nił yé'í, háálá éí nílák'ee dahodíí'ą́ągo doo ł a'da nik'eh didoodleeł da.

JOSHUA 10:8 ပူးပေါင်းရင်းမြစ်များ

I KINGS 20:13

Áádóó shoo, Diyin God yá halne'ii léi' Ízrel dine'é yá aláahgo naat' áanii Éíhab yaa níyáago ání, Bóhólníihii kóní, Díí t'óó ahayóí dah oonéłígíísh t'áá át'é yiniłtsą́? Jó, díí jį́ naa dideesh'ááł, áko shí Bóhólníihii ásht'į́įgo nił bééhodoozįįł.

ROMANS 8:31

Kódaat'éhígíí bąą ha'át'íishą' dadidii'niił áko? Diyin God nihich'ijí nilį́įgo t'áadoo nihik'eshdódle'í da.

DEUTERONOMY 3:2

Áádóó Bóhólníihii áshíłní, T'áadoo bik'ee nił yé'í; bí áádóó bidine'é índa bikéyah nihaa dideesh'ááł, áko Héshban kin haal'áádóó Ámon dine'é aláahgo binanit'a'í Sáíhan wolyéii ádaoł'įįdígi át'éego bí ałdó' ákódadoohłííł.

DEUTERONOMY 7:24

Áádóó aláahgo binanit'a'í danilínígíí nihílák'ee yidii'aahgo yádiłhił biyaagi yízhí bee béédaho'dílzinígíí dadoołchxǫǫł, índa nihinááł diné ła' na'abaah doo yíneel'ą́ą́góó ałtso ádasoołdįįdjį' ákót'ée doo.

JOSHUA 10:25

Áko Jáshowa áhodííniid, T'áadoo ádił dahonołyé'í; t'áadoo ádił nisidaahkaí; nihidziilgo ída'díí'nółzin áádóó chánah ída'díí'nółzin, háálá Bóhólníihii éí nihi'ana'í t'áá ałtso bił da'ahohgánígíí nihá yik'eh didlį́į dooleeł.

JOSHUA 10:9

Éí bąą Jáshowa éí Gílgaldóó ch'í'ní'eezhgo tł'éé' bíighah jookahgo yiską́, áko t'áadoo kót'é ílíní ana'í bik'ijį' hajizhjéé'.

JOSHUA 11:6

Áádóó Bóhólníihii éí Jáshowa áyidííniid, Éí t'áadoo bééníldzidí, háálá yiską́ągo kóhoodzaago éí t'áá ałtso naa dideesh'áałgo Ízrel dine'é dabinááł nidííłtsił áádóó dabilį́į́' dabijáts'id k'íhidííłniił índa dabitsindaabąąs bijáád naakiígíí adahididííłk'ą́ą́ł.

JOSHUA 8:1

Bóhólníihii éí Jáshowa áyidííniid, T'áadoo nił yé'í; t'áadoo ádił nisindáhí; nídiidáahgo diné nidaabaahii t'áá ałtso dah dii'éeshgo nihílááh, Éí'ai kin haal'áágóó dohkááh; jó, Éí'ai dine'é áádóó aláahgo binanit'a'í áádóó bidine'é áádóó bikin haal'áhígíí índa bikéyah nihílák'eidíí'ą́.

JUDGES 6:16

Áko Bóhólníihii áhodííniid, T'áá aaníí nił honishłǫ́ǫ doo, áádóó diné t'ááłá'í dziisxį́ nahalingo Mídiyan dine'é ałtso áhodííłdįįł.

JUDGES 7:9

T'áá éí bitł'éé' Bóhólníihii áhodííniid, Nídiidááh, ana'í dah yinéłígóó dínááh, háálá éí nílák'edíí'ą́.

I SAMUEL 17:47

Áádóó díí áłah nilínígíí díí bił béédahodoozįįł: Bóhólníihii éí diltłish índa tsiidétáán doo yee yisdá'iiníił da. Jó, Bóhólníihii t'áá bí ana'ał'į́, áko bí nihílák'ee nihididoo'ááł.