JOSHUA 10:6 - Navajo Bible

⁶ Áko Gíbiyan dine'é éí Gílgaldi dah deínééhgóó Jáshowa bich'į' ada'dziis'a'go ádabijiní, Ninaal'a'í niidlį́įgo ádandii'ní t'áadoo na'áhodílziidí; ts'ídá tsį́įłgo nihaa nohkáahgo yisdádanihohnííł. Nihíká oohjeeh, háálá Ámor dine'é aláahgo binanit'a'í danilíinii t'áá ałtso dziłgo nahaz'ánígóó kéédahat'į́įgo áłah daazlį́į'go nihik'iijeeh.

JOSHUA 10:6 ပူးပေါင်းရင်းမြစ်များ

II KINGS 4:24

Nít'éé' télii yik'i dah aznilgo bá naal'a'í ííłní, Tsxį́įłgo shilą́ąjį' yílwoł; shiniinaa t'áadoo honiitłóhí yílwoł, át'ahálo nidishníigo t'éiyá.

PSALMS 125:2

T'áá Jerúsalem binaagóó dził naaznilígi át'éego k'ad náás hoolzhishgóó índa hool'áágóó Bóhólníihii bidine'é yinaagóó hólǫ́.

ISAIAH 33:22

Háálá Bóhólníihii ánihwii'aahii nihá nilį́, Bóhólníihii bee haz'áanii nihaidii'aahígíí nilį́, Bóhólníihii aláahgo nihinanit'a'í nilį́; éí yisdánihidoonił.

NUMBERS 13:29

Ámalek dine'é éí kéyah shádi'ááhjígo kéédahat'į́; Het dine'é, Jííbas dine'é áádóó Ámor dine'é éí dziłghą́ą́'góó kéédahat'į́ índa Kéínan dine'é éí tónteel bibąąhgi áádóó Jórdan tooh nílíní bibąąh góyaa kéédahat'į́.

LUKE 1:39

Áko íídą́ą́' Mary dashdiiyáago tsxį́įłgo kéyahgi dził naaznilígóó, Júdah kéyahdi kin haal'áadi jiníyá,

DEUTERONOMY 1:15

Áko ał'ąą dine'é danohłíinii nihá aląąjį' naazíinii nihá ninínil; éí diné dahóyáanii áádóó béédaho'dílzinii nihindant'áa doogo nihá ninínil; éí míilgo ádazhnéelą́ą'ii áádóó neeznádiingo ádazhnéelą́ą'ii áádóó ashdladiin ádazhnéelt'e'ii índa neeznáá dazhníjaa'ii hondant'áa doo, áko ał'ąą dine'é danohłíinii nihitahgi nihee bídahólníih doo biniyé ninínil.

JOSHUA 10:5

Éí bąą Ámor dine'é aláahgo bindanit'a'í ashdlalt'éego, éí Jerúsalem dine'é aláahgo binanit'a'í áádóó Hííbran dine'é aláahgo binanit'a'í áádóó Jármath dine'é aláahgo binanit'a'í áádóó Léíkish dine'é aláahgo binanit'a'í índa Églan dine'é aláahgo binanit'a'í, díí t'áá ła' bizhi'ee áłah silį́į́', índa bisiláo t'áá ałtso yił dah diikaigo t'áá dah oonééł nít'éé'; Gíbiyan kin haal'áii yik'iijeehgo anaa' dahasłį́į́'.

JOSHUA 10:7

Áko Jáshowa éí Gílgaldóó dashdiiyá; diné anaa' da'ał'íinii t'áá ałtso bił índa diné ayóó át'éego nidaabaahígíí bił dashdiikai.

JOSHUA 21:11

Éínak dine'é yizhé'é nilíinii Árba wolyéii bikin haal'áii Hííbran hoolyéhígíí baa dazdeez'ą́; éí Júdah dine'é bikéyah dah daask'idígi dahootsooígíí t'áá bił baa dazdeez'ą́.

JOSHUA 5:10

Ízrel dine'é éí Gílgalgi ninínáago éí átsé nídízídígíí binih, dį́į́'ts'áadahgóó yoołkáałgo i'íí'ą́ągo Jériko honíteelgi atis'adeesdzá bee bééhániihii bee nidahojisá.

JOSHUA 9:15

Áádóó Jáshowa éí bił k'é hólǫ́ǫgo diné bił aha'dazdeest'ą́ągo bíni'dii dahináa doo, áko dah oonéłígíí bindanit'a'í hach'į' ádee hadadeesdzíí'.

JOSHUA 9:6

Áko Gílgaldi dah oonéłígóó yíkaigo Jáshowa áádóó Ízrel dine'é ádeidííniid, Kéyah doo deeghánídę́ę́' niikai, áko k'ad bee aha'deet'áanii bee nihił ahadadi'diit'ááł.

JOSHUA 9:8

Nít'éé' Jáshowa ádeidííniid, Ninaal'a'í daniidlį́. Áko Jáshowa áhodííniid, Háishą' ádaaht'į́? Háádę́ę'shą' nidaahkaigo ádaaht'į́?