JOSHUA 10:5 - Navajo Bible

⁵ Éí bąą Ámor dine'é aláahgo bindanit'a'í ashdlalt'éego, éí Jerúsalem dine'é aláahgo binanit'a'í áádóó Hííbran dine'é aláahgo binanit'a'í áádóó Jármath dine'é aláahgo binanit'a'í áádóó Léíkish dine'é aláahgo binanit'a'í índa Églan dine'é aláahgo binanit'a'í, díí t'áá ła' bizhi'ee áłah silį́į́', índa bisiláo t'áá ałtso yił dah diikaigo t'áá dah oonééł nít'éé'; Gíbiyan kin haal'áii yik'iijeehgo anaa' dahasłį́į́'.

JOSHUA 10:5 ပူးပေါင်းရင်းမြစ်များ

GENESIS 15:16

Nidi dį́įdi są́ ná'oogą́ą'go kwe'é nináhidookah, háálá Ámor dine'é doo ákwii át'éii t'ah doo bide ánéeh da.

JEREMIAH 34:7

Bábilan dine'é aláahgo binanit'a'í bisiláo dah yinéłígíí éí Jerúsalem áádóó Júdah kéyahgi kin hadaas'á, t'áá éí Léíkish áádóó Azííkah kin hadaas'á ditą́ągo binaa ahééda'astł'inii daadziihígíí yił da'ahoogą́ą́'.

NUMBERS 13:29

Ámalek dine'é éí kéyah shádi'ááhjígo kéédahat'į́; Het dine'é, Jííbas dine'é áádóó Ámor dine'é éí dziłghą́ą́'góó kéédahat'į́ índa Kéínan dine'é éí tónteel bibąąhgi áádóó Jórdan tooh nílíní bibąąh góyaa kéédahat'į́.

JOSHUA 10:16

Aláahgo naat'áanii ashdlalt'éhígíí adahineezhchą́ą'go Makíídah kin haal'áadi tsé'áán góne' nídadeest'į́į́'.

JOSHUA 10:6

Áko Gíbiyan dine'é éí Gílgaldi dah deínééhgóó Jáshowa bich'į' ada'dziis'a'go ádabijiní, Ninaal'a'í niidlį́įgo ádandii'ní t'áadoo na'áhodílziidí; ts'ídá tsį́įłgo nihaa nohkáahgo yisdádanihohnííł. Nihíká oohjeeh, háálá Ámor dine'é aláahgo binanit'a'í danilíinii t'áá ałtso dziłgo nahaz'ánígóó kéédahat'į́įgo áłah daazlį́į'go nihik'iijeeh.

I SAMUEL 7:14

Ékran kin haal'áádóó Gath kin haal'áajį' Ízrel dine'é bikin hadaas'áago Filístiya dine'é bighadeideest'ánígíí éí Ízrel dine'é baa nídeet'ą́, áádóó Ízrel dine'é danilíinii dabikéyah Filístiya dine'é yigháádeideest'ą́. Áko Ízrel dine'é áádóó Ámor dine'é bita'gi hodéezyéél.