JOSHUA 10:41 - Navajo Bible

⁴¹ Áko Kéídesh-barníya kin haal'áádóó Géíza kin haal'áajį' Jáshowa hadine'é bił ak'eh dazdeesdlį́į́', índa Góshen kéyahgóó t'áá át'é; t'áá Gíbiyan kin haal'áajį' nidi t'áá át'é ak'eh dazdeesdlį́į́'.

JOSHUA 10:41 ပူးပေါင်းရင်းမြစ်များ

GENESIS 10:19

Áko Sáídan kin haal'áádóó Géízagi Jíírar kin haal'áhíjį' áádóó Sádam áádóó Gomárah áádóó Ádmah índa Ziibówim kin hadaas'áajį' éí Léísha hoolyéejį' Kéínan dine'é bikéyah nineel'ą́.

I KINGS 3:5

Áko Gíbiyandi Sálaman éí tł'ée'go Bóhólníihii hach' į' yit'íní í'diilyaago baa nijiiyeełgo Diyin God kóshíłní jinízin, Shííníkeedígíí naa dideesh'ááł.

ZECHARIAH 9:5

Áshkelan díí yiyiiłtsą́ągo t'óó báhádzidgo bił yéé' hodooleeł; Géíza ałdó' t'áá íiyisí yínííł nilį́į doo áádóó Ékran ałdó' ákót'ée doo, háálá t'áadoo bee ił chonááhoot'į́'ígóó baa yáznízin doo; Géízadóó aláahgo naat'áanii ádoodįįł; Áshkelan doo ła' yii' kééhat'íní da doo.

NUMBERS 13:26

Áko Mózes áádóó Éran índa Ízrel dine'é dah yinéłígíí t'áá ałtso Péíran honoojíigi Kéídesh hoolyéedi baa níjíkaigo hane' baa nídadziz'ą́, áádóó Ízrel dine'é dah yinéłígíí t'áá ałtso éí kéyahdóó aneest'ą' nídajizhjaa'ígíí bich'į' ííshjání ádajiilaago deinééł'į́į́'.

NUMBERS 32:8

Danihizhé'é yę́ę ałdó' ákódáát'įįd; Kéídesh-barníyadóó kéyah hadeidoohsił biniyé nidaséł'a' yę́ędą́ą́' ákódaadzaa.

NUMBERS 34:4

áádóó shádi'ááhdóogo naaná'ásdzo dooígíí éí Akrábim kéyah góde Zingóó hoodzo doo áádóó Kéídesh-barníya shádi'áahjigo ahoodzo doo, índa Héízar-ádar bíighahgóó Ázman hoolyéejį' ahoodzo doo,

ACTS 8:26

Bóhólníihii bidiyingo naal'a'í ła' Philip yich'į' haadzíi'go ání, Nídiidáahgo, shádi'áahjigo Jerúsalemdóó Géízagóó atiiníjį' dínááh. Éí honoojíígóó atiin.

DEUTERONOMY 1:19

Dził Hóreb hoolyéédóó dah dii'ná yę́ędą́ą́' ts'ídá ayóó át'éego áádóó t'óó báhádzidgo honoojí t'áá át'é dahoołtsą́; Bóhólníihii nihiDiyin God ánihidííniidígi át'éego Ámor dine'é bidził ní'áhígóó nii'náago Kéídesh-barníyajį' ninii'ná.

DEUTERONOMY 2:23

Áádóó Éívim dine'é éí Hazíírim hoolyéegi kin dah naazhjaa'góó, t'áá Géíza kin haal'áajį' kéédahat'į́į́ nít'éé'. Éí Káftor hoolyéédę́ę́' Káftor dine'é danilíinii ádabisdįįdgo kéédahat'į́į́ nít'éé' yę́ęgóó dabighan ádahoolaa.)

DEUTERONOMY 9:23

T'áá ákót'éego ałdó' Bóhólníihii kóníigo, Kéyah nihaa diní'ánígóó dohnéehgo nihíí' ádaahłééh, nihiłníigo, Kéídesh-barníya hoolyéédóó adanihiis'a', áko nít'éé' Bóhólníihii nihiDiyin God bibik'eh ó'oo'níiłii bich'į' nídadoołtee', áádóó t'áadoo deisoohdląąd da, índa biinéé' doo deínółts'ą́ą' da nít'éé'.

JOSHUA 10:12

Áko Bóhólníihii éí Ámor dine'é danilíinii Ízrel dine' é yeidiní'ą́ bijį́į́dą́ą́' Jáshowa éí Bóhólníihii yich'į' haadzíi'go Ízrel dine'é yinááł ání, Jį́honaa'éí nílíinii, niníltłáago Gíbiyan kin haal'áajį i'dííníłdíín, Índa tł'éhonaa'éí nílíinii, Éíjalan kin haal'áii honíteeljį' i'dííníłdíín.

JOSHUA 10:2

Áko hadine'é t'áá bił ayóó át'éego hoł yéé' dahazlį́į́', háálá Gíbiyan kin haal'áii éí ayóó át'éego nahat'á kin haal'áii nahalin, áádóó Éí'ai biláahgo kin yíl'áá nít'éé', índa diné danilíinii t'áá ałtso dahayóí nít'éé'.

JOSHUA 11:16

Áko Jáshowa éí kéyah t'áá át'éé nít'éé' yisná; dah daask'idgóó áádóó kéyah shádi'áahjigo t'áá át'é áádóó kéyah Góshen hoolyéhígíí t'áá át'é áádóó Áraba dzígaigóó áádóó Ízrel dine'é bikéyah dah daask'idgóó índa dadzígaigóó

JOSHUA 11:22

Ízrel dine'é bikéyah biyi' éí Éínak dine'é t'áadoo ła' yidzíi' da, t'áá hazhó'ó Géíza kin haal'áagi áádóó Gath kin haal'áagi índa Áshdad kin haal'áagi t'éiyá ła' t'áá daadzíí'.

JOSHUA 15:51

Góshen, Hólan índa Gáílo; éí bikin dah naazhjaa'ígíí t'áá bił ła'ts'áadahgo kin hadaas'áhígíí Júdah dine'é bíí' daazlį́į́'.

JUDGES 16:1

Sámson éí Géíza kin haal'áágóó jiníyáago áadi asdzání ałjiłnii léi' dziiłtsą́, áko bił jineezhtéézh.

JUDGES 16:21

Áko Filístiya dine'é dahasiłgo hoda'aztł'ǫ́ índa hanáá' hayída'ashiizhgo Géíza kin haal'áá góyaa adahazlóóz. Áko béésh łitsoii béésh da'ahólzha'ígíí yee hweda'aztł'ǫ́, índa awáalyaa góne' ajik'áago ádahoolaa.

I SAMUEL 6:17

Díí óola bee ch'ozh bééda'alyaii éí doo ákǫ́ǫ́ ájíít'įįdjí nááhániihii át'éego Filístiya dine'é éí Bóhólníihii yich'į' náádayiisnii'ii át'é: ła' éí Áshdad kin haal'áii bá, ła' éí Géíza kin haal'áii bá, ła' éí Áshkelan kin haal'áii bá, ła' éí Gath kin haal'áii bá, ła' éí Ékran kin haal'áii bá náádayiisnii'.