JOSHUA 10:4 - Navajo Bible

⁴ Hágo shaa nohkáahgo shíká oohjeeh; Gíbiyan kin haal'áii atídadiilnííł, háálá éí Jáshowa índa Ízrel dine'é yił k'é da'ahó'ní.

JOSHUA 10:4 ပူးပေါင်းရင်းမြစ်များ

MATTHEW 16:24

Áko Jesus éí hódahooł'aahii ábizhdííniid, Diné t'áá háiida shikéé' dashdiigháhígíí éí ádeizhdiyoo'nah, áko hatsin ałnáoszid nízhdidootį́į́ł áádóó shikéé' joogáał doo.

JOHN 15:19

Nihokáá' dine'é bíí' danohłį́įgo, nihokáá' dine'é ayóó'ádanihó'níi doo nít'éé', háálá t'áá daabíi'ii t'éiyá ayóó'ádayó'ní, nidi nihokáá' dine'é doo bíí' danohłį́į da, nidi t'áá nihokáá' dine'é bitahdóó nánihiyéláá', éí bąą nihokáá' dine'é danihijoołá.

ACTS 21:28

hadadeeshghaazhgo ádaaní, Ízrel dine'é nohłíinii, nihíká oohjeeh! Díí hastiin t'áá ałtsogóó diné kéédahat'íinii éí nihidine'é áádóó bee haz'áanii índa kwe'é haz'ánígíí yik'ijį' yáłti'go na'nitin. T'ah nááyówehgo, Gríik dine'é kin bii' sohodizin bił haz'ą́ą́ góne' yah ayíí'eezhgo, díí hodiyingo haz'áanii yiyííłchxǫ'.

II TIMOTHY 3:12

Christ Jesus bił łá'í nishłį́įgo Diyin God k'ehgo iiná bee hinishnáa dooleeł daznízinii t'áá ádzíłtso atídaho'dil'į́į doo,

JAMES 4:4

Nihí adiléhí danohłíinii, nihokáá' bił nidahazt'i'ii nihił bidáádahaníigo Diyin God bi'ana'í danohłínígíísh doo nihił béédahózin da? Éí bąą t'áá háiida nihokáá' bił nidahazt'i'ii hoł bidááhánínígíí Diyin God bi'ana'í íz'dólzingo át'é.

JOSHUA 10:1

Ákódzaago Jerúsalem kin haal' áádóó aláahgo naat'áanii Adónai-zíídek wolyéii díí yaa hodiizts'ą́ą́': Jáshowa éí Éí'ai kin haal'áii yik'eh deesdlį́į'go ts'ídá ałtso íísdįįdígíí áádóó Jériko kin haal'áii aláahgo binanit'a'í t'áá bił áyííł'įįdígi át'éego Éí'ai kin haal'áii áádóó aláahgo binanit'a'í ákónááyiidlaaígíí índa Gíbiyan dine'é éí Ízrel dine'é yił k'é da'ahó'níigo áyiilaa áádóó bił kééhojit'į́į́ nít'éé'.

JOSHUA 10:5

Éí bąą Ámor dine'é aláahgo bindanit'a'í ashdlalt'éego, éí Jerúsalem dine'é aláahgo binanit'a'í áádóó Hííbran dine'é aláahgo binanit'a'í áádóó Jármath dine'é aláahgo binanit'a'í áádóó Léíkish dine'é aláahgo binanit'a'í índa Églan dine'é aláahgo binanit'a'í, díí t'áá ła' bizhi'ee áłah silį́į́', índa bisiláo t'áá ałtso yił dah diikaigo t'áá dah oonééł nít'éé'; Gíbiyan kin haal'áii yik'iijeehgo anaa' dahasłį́į́'.

JOSHUA 9:15

Áádóó Jáshowa éí bił k'é hólǫ́ǫgo diné bił aha'dazdeest'ą́ągo bíni'dii dahináa doo, áko dah oonéłígíí bindanit'a'í hach'į' ádee hadadeesdzíí'.

I PETER 4:4

Áko doo da'oodlání k'ad t'áá íiyisí tsi'naaldeehgi doo éédadoohjahgóó yik'ee t'óó bił adahayóí, áádóó danihi'į́įgo yádaałti'.

REVELATION 16:14

Éidí níłch'i bida'iiníziinii álílee k'ehgo bee éédahózinii ádayoolíiłii ádaat'é. Nahasdzáán t'áá si'ą́ą́ nít'éé' bikáá'góó aláahgo naat'áanii danilíinii éí Diyin God Aláahgo Ayóó'ábóodziilii ayóó át'éego bik'eh ha'doo'áałdi ałk'i iidoojahgo áłah ádahodoolííł biniyé yaa hakááh.