JOSHUA 10:30 - Navajo Bible

³⁰ áádóó Bóhólníihii éí Líbna dine'é áádóó aláahgo binanit'a'í Ízrel dine'é yílák'eidíí'ą́ągo atídayiilaa áádóó diltłish yee nideistseed, áko diné t'áá át'é ałtso nideistseedgo t'ááłá'í nidi t'áadoo ła' áádeisįįd da; t'áá Jériko kin haal'áádóó aláahgo naat'áanii ádayiilaa yę́ęgi át'éego díí aláahgo naat'áanii ałdó' ákódayiilaa.

JOSHUA 10:30 ပူးပေါင်းရင်းမြစ်များ

II KINGS 10:11

Kót'éego Jííhu éí Jézriyelgi Éíhab ba'áłchíní daadziihígíí índa bidiné ayóó ádaat'éii áádóó bik'is danilíinii índa binááda'iiłniihii ałtso neistseedgo wónáásdóó t'áadoo ła' yidzíi' da.

NUMBERS 32:22

Bóhólníihii binááł éí kéyahgi kéédahat'ínígíí bik'eh dasidoohdlį́į'go índa nídoohkah, áádóó Bóhólníihii índa Ízrel dine'é binááł doo nihihodiit'i' da doo, áko Bóhólníihii binááł díí kéyah danihíí' dooleeł.

DEUTERONOMY 2:33

Áádóó Bóhólníihii nihiDiyin God nihich'į' ho'níłnii'go hó áádóó haye'ké índa hodine'é ałtso bił ádahosiildįįd.

DEUTERONOMY 7:2

Bóhólníihii nihiDiyin God nihinááł nihílák'ee dahodiiz'ą́ągo bik'ijį' nidaahbaah doo, áádóó ałtso ádadoołdįįł; doo bił ahadadi'dooht'áał da, doo nidi baa a'ááh dadínóosįįł da.

JOSHUA 10:28

Áko éí bijį́ Jáshowa éí Makíídah kin haal'áii dadzisná áádóó diltłish bee ałtso nidadzistseed; aláahgo binanit'a'í t'áá bił ádadzisdįįd, áko diné t'áá át'é ałtso nidadzistseedgo t'ááłá'í nidi t'áadoo ła' áádadzisįįd da; t'áá Jériko kin haal'áádóó aláahgo naat'áanii ádajiilaa yę́ęgi át'éego Makíídah kin haal'áádóó aláahgo naat'áanii ałdó' ákódajiilaa.

JOSHUA 10:29

Áko Jáshowa éí Makíídah hoolyéédę́ę́' Ízrel dine'é t'áá ałtso bił Líbna kin haal'áajį' jíkaigo Líbna kin haal'áii bik'i jiijéé'

JOSHUA 10:31

Áko Líbna kin haal'áádę́ę́' Jáshowa dah diiyáago Léíkish kin haal'áajį' Ízrel dine'é t'áá ałtso hoł yíkaigo kin haal'áii biníjíshzhiizh áádóó bik'i jiijéé',

JOSHUA 11:12

Áádóó aláahgo naat'áanii danilíinii bikin hadaas'áii t'áá ałtso índa aláahgo binanit'a'í danilíinii t'áá ałtso dadzisnáago éí Jáshowa hadine'é bił diltłish bee nidadzistseedgo ts'ídá ałtso ádadzisdįįd; Mózes éí Bóhólníihii binaal'a'í nilį́įgo hach'į' yee haadzíi'ii bik'eh hojííł'įįd.

JOSHUA 12:15

Líbna dine'é aláahgo binanit'a'í t'ááłá'í, Adálam dine'é aláahgo binanit'a'í t'ááłá'í,

JOSHUA 8:24

Áádóó ákódzaago Ízrel dine'é éí Éí'aigi kéédahat'íinii honoojíígóó hakéé' yóó'ííjé'ígíí t'áá ałtso nideistseedgo Éí'ai dine'é ts'ídá ałtso diltłish yee dayííghą́ą́', áko Ízrel dine'é éí t'áá ałtso Éí'aijį' t'ą́ą́' nákai; áadi ałdó' diltłish yee nideistseed.

JOSHUA 8:29

Áádóó Éí'ai dine'é aláahgo binanit'a'í yę́ę tsin bąąh dah hizhdiilo'go t'áá yąąh dahidíłtį́įgo i'íí'ą́, áko jį́honaa'éí ííyáago Jáshowa áníinii bik'ehgo éí aláahgo naat'áanii bits'íís éí tsin bąąhdę́ę́' nida'iidiiłtį́įgo kin haal'áhígíí bich'é'étiinjį' adayiisxan áádóó ayóó át'éego tsé éí yik'i yáádayiitsi; éí díí jį́įjį' ákót'é.

JOSHUA 9:3

Nidi Gíbiyangi kéédahat'íinii éí Jériko kin haal'áagi áádóó Éí'ai kin haal'áagi Jáshowa áát'įįdígíí yaa dahodiizts'ą́ą'go