JOSHUA 10:11 - Navajo Bible

¹¹ Áko Ízrel dine'é bits'ąą Ámor dine'é yóó'aheezhjée'go Beth-hóran kin shijaa' góyaa dayíjeehgo Bóhólníihii éí wódahdę́ę́' yik'ijį' nílótsoh Azííkah kin shijaa'jį' ayóó át'éego nayííłtą́ągo nidahastseed; Ízrel dine'é danilíinii diltłish yee nidahastseedígíí biláahdi át'éego nílótsoh yee nahwésdįįd.

JOSHUA 10:11 ပူးပေါင်းရင်းမြစ်များ

GENESIS 19:24

Ákohgo Bóhólníihii éí Sádam kin haal'áii áádóó Gomárah kin haal'áii bik'ijį' tsékǫ' łitsoii índa kǫ' nihiníłtánígíí Bóhólníihii bits'ą́ą́dóó yádiłhiłdę́ę́' nayííłtą́.

II SAMUEL 18:8

Áko anaa' hazlį́į'go kéyahgóó t'áá át'é da'ahijigą́; íídą́ą́' diltłish bee nahózdįįdígíí bilááh ázhnéelą́ą'go hodíłch'il bii'góó yóó'adahizdineeskaigo áhásdįįd.

JOB Naaltsoos Biyi' Job Baa Hane'ii 38:22

Yas bá hooghan góne'ésh t'áá yah ííníyá? Éí doodaii' níló bá hooghanísh t'áá yiniłtsą́?

JOB Naaltsoos Biyi' Job Baa Hane'ii 38:23

Éíyee' ach'į' nahwii'ná áádóó ałk'éé dajiijah índa anaa' náhádleeh biniyé áá sésįįd?

PSALMS 11:6

Diné doo yá'ádaashóonii bik'ijį' tsííd t'óó ahayóí nidoołtį́į́ł; tsííd t'áá dadiltłi'go índa tsékǫ' łitsooí nidoołtį́į́ł, áádóó níyol azéesgo níyol doo; díí bee adlání yee deidoodlį́įłgo k'éédabidi'doolnííł.

PSALMS 147:17

Bááh bizéí ajiiłkaad nahalingo níló nihiyiiłkaad; deesk'aazgo ánáyiil'įįhgoshą' háí yii' sizį́įgo yíneel'ą́?

ISAIAH 28:2

Shoo, Bóhólníihii éí bidziilii áádóó hayóígíí bee hólǫ́; éí níló naałtin áádóó ayóó'íits'a'go níyol índa tó ayóó át'éego daaląąhgo wó'ąnídaanahígi át'éego t'áá na'níle'dii nihokáa'jį' iidiyoołhą́ą́ł.

ISAIAH 28:21

Bóhólníihii dooldził t'áá Dził Pérazimdi ádzaaígi át'éego áádóó Gíbiyan honíts'aa'di doo bił hóózhǫǫdgóó atí'iilaa yę́ęgi át'éego doo bił hodoozhǫǫłgóó binaanish; t'áadoo ájóne' hasingi áyoolíiłii binaanish íidoolííł áádóó t'áadoo ájóne' hasingi ádooníłígíí baa hodoolzhish.

ISAIAH 30:30

Biinéé' ayóó át'éii bá didoots'į́įłgo íidoolííł, áádóó hashké niidzį́'ígíí yee báhóóchįįdgo kǫ' ó'oołdįįłii áádóó níyoltsoh áádóó ayóogo nahałtingo áádóó nílótsoh éí bigaan yee ni'jį' íidoolíiłgo yidooltsééł.

EZEKIEL 13:11

łeezh łigaií yee da'azhdlézhígíí ábidiní, Éí nidoołdas; tó yajiiłį́ nahalingo nahodoołtį́į́ł, nílótsoh nidoołtį́į́ł áádóó ayóó át'éego dooyoł.

DEUTERONOMY 20:4

Háálá Bóhólníihii nihiDiyin God nihił yikahgo nihi'ana'í yich'į' nihá anaa' áhodoolíiłgo yisdánihidoonił.

REVELATION 11:19

Áádóó yá'ąąshdi Diyin God bikin bii' sohodizin ąą ádzaago, biyi'di tsits'aa' dílzinii bibee aha'deet'áanii bii' sinilii yit'íní silį́į́'. Áádóó atsiniltł'ish anídahata' áádóó ayóó íits'a'go dahodiists'ą́ą́', áádóó da'di'ní, áádóó ni' nidaha'ná, índa nílótsoh nááłtą́.

REVELATION 16:21

Yá'ąąshdę́ę́' níló ayóó ádaníłtsogo neeznádiindi daats'í dah da'diidloh ádaníłdáasgo diné bik'ijį' nááłtą́, áko níló bee t'óó báhádzidgo ach'į' nahwiiłnánígíí biniinaa diné éí Diyin God dayíídzíí'.

JUDGES 5:20

Yádiłhiłdę́ę́' sǫ' hoł da'ahoogą́ą́', sǫ' dabideetiindę́ę́' Sísera yił da'ahoogą́ą́'.