JOSHUA 10:1 - Navajo Bible

¹ Ákódzaago Jerúsalem kin haal' áádóó aláahgo naat'áanii Adónai-zíídek wolyéii díí yaa hodiizts'ą́ą́': Jáshowa éí Éí'ai kin haal'áii yik'eh deesdlį́į'go ts'ídá ałtso íísdįįdígíí áádóó Jériko kin haal'áii aláahgo binanit'a'í t'áá bił áyííł'įįdígi át'éego Éí'ai kin haal'áii áádóó aláahgo binanit'a'í ákónááyiidlaaígíí índa Gíbiyan dine'é éí Ízrel dine'é yił k'é da'ahó'níigo áyiilaa áádóó bił kééhojit'į́į́ nít'éé'.

JOSHUA 10:1 ပူးပေါင်းရင်းမြစ်များ

GENESIS 14:18

Áko Séílem binanit'a'í Melkízedek éí bááh índa wáin yił yiníjaa'; éí Diyin God Aláahgo Ayóó'át'éii yich'į' náá'iiłniihii nilį́.

HEBREWS 7:1

Melkízedek, éí Séílemgi aláahgo naat'áanii jílį́įgo, Diyin God Aláahgo Ayóó'át'éii bináá'iiłniihii jílį́. Éíbraham aláahgo naat'áanii danilíinii neistseedę́ę́' náádáałgo Melkízedek bidááh níyá áádóó bá sodoolzingo bik'ijisdli'.

JOSHUA 10:3

Ákohgo Jerúsalem dine'é aláahgo binanit'a'í Adónai-zíídek wolyéii éí Hííbran kin haal'áádóó aláahgo naat'áanii Hóham wolyéii áádóó Jármath kin haal'áádóó aláahgo naat'áanii Páíram wolyéii áádóó Léíkish kin haal'áádóó aláahgo naat'áanii Jafáíya wolyéii índa Églan kin haal'áádóó aláahgo naat'áanii Dííber wolyéii yich'į' i'iis'a'go kóní,

JOSHUA 6:21

Áko kin haal'áhígi dahólónígíí, diné áádóó asdzání ániid nidaakaii áádóó hadaastihii, béégashiida, dibéda índa téliida ts'ídá ałtso diltłish yee ádeisdįįd.

JOSHUA 8:2

Áko t'áá Jériko kin haal'áii áádóó aláahgo naat'áanii ííníł'įįdígi át'éego Éí'ai kin haal'áii áádóó aláahgo naat'áanii ákónáádíídlííł. Nidi Éí'ai dine'é bindaalye'é áádóó dabilį́į́' deidoołbįįłígíí t'áá nihí ádá nídadidoohnił. Kin haal'áhígíí bine'dę́ę'go baa nidahidoohkah.

JOSHUA 8:21

Áko Jáshowa áádóó Ízrel dine'é t'áá ałtso éí aa nidahaaskaígíí kin haal'áii deisnáago łid hááyáhígíí dayiiłtsą́ągo Éí'ai dine'é yich'į' t'ą́ą́' naanázhjée'go nideistseed.

JOSHUA 9:3

Nidi Gíbiyangi kéédahat'íinii éí Jériko kin haal'áagi áádóó Éí'ai kin haal'áagi Jáshowa áát'įįdígíí yaa dahodiizts'ą́ą'go