JOSHUA 1:9 - Navajo Bible

⁹ Da' díísh doo bee nich'į' haasdzíi' da? Nidziilgo í'díí'nílzin áádóó chánah í'díí'nílzin; t'áadoo náníldzidí, doodaii' t'áadoo ádił nisindáhí, háálá Bóhólníihii niDiyin God éí t'áá hidínááhgóó nił hólǫ́.

JOSHUA 1:9 ပူးပေါင်းရင်းမြစ်များ

GENESIS 28:15

Jó'akon, nił honishłǫ́; t'áá hidínááhgóó naa áháshyą́ą doo, áádóó díí kéyahgi nił nínáádeesht'ash; bee nich'į' haasdzíi'ii bi'iishłaajį' doo nits'ą́ą́' dahodideeshłeeł da.

GENESIS 39:2

Áko Jóseph éí Bóhólníihii bił hólǫ́, áádóó diné bohónéedzáanii dzizlį́į́', áko Ííjip diné honanit'a'í nilíinii bighan góne' kééhojit'į́į́ nít'éé'.

GENESIS 39:3

Áko honanit'a'í éí Bóhólníihii hoł hólǫ́ǫgo áádóó baa nijigháhígíí t'áá ałtso Bóhólníihii há náás áyoolíiłgo yiyiiłtsą́.

II SAMUEL 13:28

Áko Ábsalam bá nidaal'a'í yich'į' haadzíi'go ání, Díí k'ad baa ákodadínóohsįįł: Ámnan éí wáin bił honiiłdoigo áádóó, Ámnan atídahohłééh, nihidííniidgo dadiyoołhééł. Da' doósh t'áadoo bik'ee nihił daayé'í, nihidishníigo nihich'į' bee haasdzíi' da? Chánah ída'díínół zin áádóó t'áadoo ninádahinołyésí.

I CHRONICLES 28:20

Nít'éé' David biye' Sálaman ííłní, Nidziilgo í'díínílzin, áádóó chánah nílį́įgo bi'íínísin; t'áadoo nił yé'í áádóó t'áadoo ádił nisindáhí, háálá Bóhólníihii Diyin God t'áá éí shiDiyin nilíinii nił hólǫ́ǫ doo, índa Bóhólníihii bikin bii' sohodizin ałtso binishínílnishjį' doo ch'ééh ádííł'įįł da, áádóó doo yóó'andidoo'áał da.

II CHRONICLES 15:7

Éí bąą danihidziil le', t'áadoo nihąą ninádahaka'í, háálá nihinaanish bideená nihik'idahozhdoodliił.

PSALMS 46:7

T'áá ałtsoní bee Bóhólníihii éí nihił hólǫ́. Jéíkab biDiyin God bine' adahiniichééh. Síilah.

ISAIAH 41:10

T'áadoo nił yé'í, háálá nił honishłǫ́; t'áadoo yéego nąąh nááháka'í, háálá niDiyin God nishłį́; nidziilgo ándeeshłííł; t'áá aaníí, níká adeeshwoł; t'áá aaníí, shíla' nish'náájí t'áá ákogi ánísht'éii bee de áníínísin doo.

ISAIAH 43:1

Nidi k'ad Bóhólníihii éí ániilaii, Jéíkab dine'é nílíinii, t'áá éí hasht'eniilaii, Ízrel dine'é nílíinii ándi'ní, T'áadoo nił yé'í, háálá nik'é niná'níshdlá; nízhi' bee níízhi'; shíí' nílį́.

ISAIAH 43:5

T'áadoo nił yé'í, háálá nił honishłǫ́; ha'a'aahdę́ę́' na'áłchíní nihideesh'ish índa e'e'aahdę́ę́' ná áłah ádeeshłííł;

ISAIAH 8:12

Nihiya'iidleeh, daanínígíí ni t'áadoo ákódíníní, nidi yik'ee bił daayé'ígíí t'áadoo bik'ee nił yé'í, doodaii' t'áadoo náníldzidí.

DANIEL 10:19

Áko áshidííniid, Diyin God ayóó'ánó'níinii nílíinii, t'áadoo nił yé'í; nich'į' hózhǫ́ǫ doo, nidziilgo í'díínílzin, t'áá aaníí nidziilgo í'díínílzin. Áko shich'į' haadzíi'go bee shitah náhóółdziłgo ádíshní, Shibóhólníihii bíni' shich'į' yáníłti', háálá ts'ídá shidziilgo ánáshiinidlaa.

HAGGAI 2:4

Bóhólníihii ání, Zerábabel, nidziilgo í'díínílzin áádóó Jásedek biye' Jéshuwa alą́ąjį' náá'iiłniihii nílíinii, nidziilgo í'díínílzin índa kéyahdóó dine'é danohłíinii t'áá ánółtso, danihidziilgo ída'díínółzingo nidaałnish, ní Bóhólníihii, háálá nihił dahonishłǫ́, ní t'áá ałtsoní bee Bóhólníihii.

HAGGAI 2:5

Ííjip kéyahdę́ę́' ch'ínoohkai yę́ędą́ą́' t'áá bee nihoní'áanii bik'ehgo shiNíłch'i bee nihitahgóó honishłǫ́; t'áadoo nihił daayé'í.

ACTS 4:19

Nidi Peter índa John ázhdííniid, T'áá nihí baa nitsídaahkees, Diyin God yiníł'į́įgo nihíjí nihik'eh dahoniil'į́įgo daats'í yá'át'ééh, doodaii' Diyin God bik'eh honiil'į́įgo daats'í yá'át'ééh.

DEUTERONOMY 1:21

Jó, Bóhólníihii nihiDiyin God nihilą́ąjį' kéyah nihá hasht'eyiilaago ákóde dohnéehgo nihíí' ádaahłééh; éí danihizhé'é yę́ę biBóhólníihii Diyin God nihich'į' yee haadzíi'go ání, T'áadoo nihił daayé'í; t'áadoo nihąąh nidahwiikaadí.

DEUTERONOMY 20:1

Nihi'ana'í danilíinii bik'iiojée'go łį́į́' áádóó tsindaabąąs bijáád naakiígíí índa siláo nihilááh ánéelą́ą'go baa ákodanoozį́į'go t'áadoo béédaałdzidí, háálá Bóhólníihii nihiDiyin God éí Ííjip kéyahdę́ę́' ch'ínihiní'eezhii nihił hólǫ́.

DEUTERONOMY 31:23

Áádóó Nan biye' Jáshowa wolyéii binaanish dooleełii yeidiní'ą́ągo ííłní, Nidziilgo í'díínílzin áádóó chánah í'díí'nílzin, háálá Ízrel dine'é éí kéyah baa dideesh'áałgo bee ádee hadeesdzíi'ii biih díí'ish, áko nił honishłǫ́ǫ doo.

DEUTERONOMY 31:28

Nihidine'é yá aląąjį' naazíinii índa nihinanit'a'í danilíinii shaa áłah ádaohłééh, áko díí saad bee hadeesdzihgo deididoots'į́į́ł áádóó yá'ąąsh índa nahasdzáán bíká ádíshníigo oo'íinii k'ehgo nihik'ijį' yáłti' doo.

JOSHUA 1:10

Áko Jáshowa éí diné aląąjį' naazíinii yich'į' haadzíi'go ání,

JOSHUA 1:17

T'áá ałtsojį' Mózes deísíníilts'ą́ą́' yę́ęgi át'éego daníísíilts'ą́ą' doo; Mózes yił hólǫ́ yę́ęgi át'éego Bóhólníihii niDiyin God éí nił hólǫ́ǫ doo.

JOSHUA 1:18

T'áá háiida nibik'eh ó'oo'níiłii yik'ijį' yistee'ii áádóó nizaad bee bich'į' hahídziihii t'áá ałtso doo yiyíists'ą́ą'ii bidi'yoolyééł. Nidi nidziilgo í'dílnééh áádóó chánah í'dílnééh.

JOSHUA 10:25

Áko Jáshowa áhodííniid, T'áadoo ádił dahonołyé'í; t'áadoo ádił nisidaahkaí; nihidziilgo ída'díí'nółzin áádóó chánah ída'díí'nółzin, háálá Bóhólníihii éí nihi'ana'í t'áá ałtso bił da'ahohgánígíí nihá yik'eh didlį́į dooleeł.

JOSHUA 10:8

Áko Bóhólníihii éí Jáshowa áyidííniid, T'áadoo bik'ee nił yé'í, háálá éí nílák'ee dahodíí'ą́ągo doo ł a'da nik'eh didoodleeł da.

JOSHUA 3:7

Áko Bóhólníihii éí Jáshowa áyidííniid, Díí jį́ Ízrel dine'é t'áá ałtso dabinááł ayóó át'éii nílį́įgo ándeeshłííł, áko díí bił béédahózin doo: Mózes bił honishłǫ́ yę́ęgi át'éego nił honishłǫ́ǫ doo.

JOSHUA 6:27

Áko Bóhólníihii éí Jáshowa yił hólǫ́ǫ́ nít'éé', áádóó éí kéyah biyi'góó t'áá át'éé nít'éé' bééhózínígo tádííyá.

JOSHUA 8:1

Bóhólníihii éí Jáshowa áyidííniid, T'áadoo nił yé'í; t'áadoo ádił nisindáhí; nídiidáahgo diné nidaabaahii t'áá ałtso dah dii'éeshgo nihílááh, Éí'ai kin haal'áágóó dohkááh; jó, Éí'ai dine'é áádóó aláahgo binanit'a'í áádóó bidine'é áádóó bikin haal'áhígíí índa bikéyah nihílák'eidíí'ą́.

JUDGES 6:14

Áko Bóhólníihii honíł'į́įgo áhodííniid, Nílááh, nidziilgo Ízrel dine'é danilínígíí Mídiyan dine'é bits'ą́ąjį' yisdádíínił. Da' shíísh doo nííł'aad da?

I SAMUEL 10:7

Áko díí bee éédahózinii nich'į' ádzaago baa nidíínaałígíí baa nanináa doo, háálá Diyin God nił hólǫ́.