JOSHUA 1:8 - Navajo Bible

⁸ Díí naaltsoos biyi' bee haz'áanii bee ak'e'ashchínígíí ts'ídá bee yáníłti' doo, nidi hazhó'ó nabik'ítsíníłkeesgo i'ii'aahdóó niyiiłkaah dooleeł; kót'éego hazhó'ó ádaa nilzįįhgo bee ak'e'ashchínígíí bik'ehgo t'áá át'é bik'eh ánít'ée doo, áko yá'át'éehgo ná áhooníiłgo hinínáago ádi'díílnííł, índa baa nanináii t'áá ałtso yá'át'éehgo ła' danile' doo.

JOSHUA 1:8 ပူးပေါင်းရင်းမြစ်များ

GENESIS 24:63

Áko i'íí'ą́ągo Áízak halgaigóó joogáałgo na'ák'ítsídzílkeesgo áádóó ajííghal, nít'éé', shoo, ghą́ą́'ask'idii náákahgo dziiłtsą́.

II CHRONICLES 26:5

Áádóó Diyin God hájít'į́įgo Zekaráíyah bíiníłką́; bí éí Diyin God dílzingo bił bééhózin, áko Bóhólníihii t'áá hájít'į́įgo Diyin God éí náás ajiyoołdiłgo áhósin nít'éé'.

PSALMS 119:11

Doo nich'į' ádił ni'iisíih da doo biniyé nizaad shijéí bii' nídé ł'į́į́'.

PSALMS 119:15

Nibik'ehgo iináanii nabik'ítséskees doo, áádóó ánít'éii shił nilį́į doo.

PSALMS 119:97

Dooládó' nibee haz'áanii ayóó'óósh'níi da! Shá bíighah nabik'ítséskeesgo shee e'e'ááh.

PSALMS 119:99

Nidashinitinii t'áá ałtso biláahgo shił ééhózin, háálá bee hahíínídzíi'ii éí nabik'ítséskeesii ádaat'é.

PSALMS 19:14

Bee shidziil nílíinii, shik'é niná'íínídláii, Bóhólníihii nílíinii, saad bee hahasdziihii áádóó shijéí bee nabik'ítsískeesii hiniizįįh le'.

PSALMS 40:10

Nit'áá ákogi át'éii doo t'áá shijéí biyi'ídi bił ánísht'ée da nít'éé'; na'ahódlíhígíí áádóó yisdá'ayíníiłii baa hweeshne'; diné t'óó ahayóí áłah nilį́įgi éí aa a'ááh nínízinii índa nit'áá aaníinii t'áadoo ła' bits'ąą nídíł'į́į' da.

PROVERBS 3:1

Shiye', bee hosíł'áanii baa yóónééh lágo, nidi shibik'eh ó'oo'níiłii éí nijéí bee bik'eh honíł'į́į le'.

ISAIAH 59:21

Áko shí éí díí bee bił aha'da'dinisht'ą́, ní Bóhólníihii; ShiNíłch'i nik'igi hólónígíí áádóó shizaad nizáíláhígíí doo nizéé'dóó hahodooleeł da áádóó na'áłchíní áádóó banááda'áłchíní doo bizéé'dóó kodóó hool'áágóó hahodooleeł da, ní Bóhólníihii.

MATTHEW 12:35

Diné yá'át'éehgo hináanii éí yá'ádaat'éehii bijéí bii' hólóonii bits'ą́ą́dóó yá'át'éehii hahwiileeh, áádóó diné doo yá'áshóonii éí doo yá'ádaat'éehii bijéí bii' hólóonii bits'ą́ą́dóó doo yá'át'éehii hahwiileeh.

MATTHEW 28:20

áádóó bee nihich'į' hahásdzíi'ii t'áá ałtso yik'eh dahół'į́į dooleełgi bee nidanohtin, áádóó jó'akon, łahgo náhodeesdzáajį' t'áá áłahjį' nihił honishłǫ́.

MATTHEW 7:21

T'ááłá'í jinítínígo, Bóhólníihii, Bóhólníihii, dashijinínígíí doo t'áá ádzíłtso yá'ąąshii bee bóhólníihgo bił haz'áanii biih dahizhdookah da, nidi t'áá háiida shiTaa' yá'ąąshdi hólóonii íinízinii bik'eh ájít'éhígíí t'éiyá.

MATTHEW 7:24

Áko t'ááłá'í jinítínígo díí shizaad dazdiits'a'go bida'jił'ínígíí éí diné léi' hóyą́ągo tsé'éłkáa'gi bikin niiní'ánígíí nidahojílin,

LUKE 11:28

Nidi ázhdííniid, Ákondi Diyin God bizaad deidiits'a'go yik'eh dahół'ínígíí éí aláahgo bik'idahojidlí!

JOHN 13:17

Díidí nihił béédahózin ládą́ą́', baa naahkaigo nihił dahózhǫ́ǫ doo.

JOHN 14:21

Bee nahoséł'áanii hoł bééhózingo bik'eh hojíł'íinii éí ayóó'áshijó'ní, áko ayóó'áshijó'nínígíí éí shiTaa' ayóó'áhó'níi doo, shí ałdó' ayóó'áhósh'níi doo, áko hach'į' ádééhodeeszįįł.

EPHESIANS 4:29

Saad nichǫ́'í t'áadoo bee yádaałti'í, nidi ashja'oolíiłgi saad bidahónéedzáanii bee yádaałti', áko éí deidiits'a'ii bee bik'idahojidlíigo dadínóosééł.

DEUTERONOMY 29:8

Áko bikéyah bighadasidiit'ą́ągo Rúben dine'é áádóó Géed dine'é índa Manáseh dine'é ałníí'dóóígíí bíí' dadooleełgo baa dadiniit'ą́.

DEUTERONOMY 29:9

Éí bąą díí saad bee aha'deet'áanii bik'eh ádanoht'éego bida'íínóhsin, áko baa nidaahkaígíí t'áá át'é yá'át'éehgo nihá ááníił doo.

DEUTERONOMY 30:14

Nidi saad éí níighahgóó hólǫ́; nihizálátahdóó índa nihijéí bii' hólǫ́ǫgo bee yádaołti'go éí bik'eh ádaahníił doo.

DEUTERONOMY 31:11

Ízrel dine'é t'áá ałtso Bóhólníihii nihiDiyin God binááł ninádahakahgo Bóhólníihii t'áá bí náhodidoo'áłígi ninádahałaahgo, díí bee haz'áanii éí Ízrel dine'é t'áá ałtso bich'į' nídeínółtahgo dayíists'ą́ą' doo.

DEUTERONOMY 31:24

Áádóó ákódzaago Mózes éí díí bee haz'áanii bits'ą́ą́dóó daasaadígíí naaltsoos bii' bee ak'e'jishchį́įgo hazhó'ó hasht'ejiilaago

DEUTERONOMY 5:1

Áko Mózes éí Ízrel dine'é t'áá ałtso hágo bizhdííniidgo ábijiní, Da'íísółts'ą́ą́', Ízrel dine'é nohłíinii, díí yee nihwiiz'áanii áádóó yee nihodii'aahii bee nihich'į' yáshti'go díí jį́ nihijeeh hwiish'aah, áko bídahooł'aah doo, áádóó bik'eh dahonoł'į́į doo, índa bida'oł'į́į doo.

DEUTERONOMY 5:29

Dooládó' t'óó laanaa da, dabijéí biyi'di t'áá áłahjį' dashidósingo shibik'eh ó'oo'níiłii yik'eh dahół'į́į laanaa, áko bí áádóó bada'áłchíní náás da'ahílchíihii yá'át'éehgo bá áhooníiłgo ahóyéel'áa doo.

DEUTERONOMY 5:32

Éí bąą Bóhólníihii nihiDiyin God nihich'į' yee haadzíi'ii bik'eh dahonoł'į́įgo ádaa daahsįįh, áádóó nish'náajigo índa nishtł'ajigo doo hadoohkah da.

COLOSSIANS 3:16

Haa'íyee' Christ bizaad lą'ígo bee ákidaahdláa le', bee hódzáanii t'áá ałtso bee ahidiníłnáago nida'ahinohtin, índa chánah áda'ahíínółzin, áádóó Diyin God bizaad biyi'dóó sin, áádóó sin bee Diyin God baa ha'niihii, índa ajooba' nihijéí bii' hólǫ́ǫgo Níłch'i Diyinii k'ehgo sin bee Bóhólníihii bich'į' dahohtaał.

JOSHUA 1:7

Nidi nidziilgo í'díí'nílzin áádóó yéego chánah í'díí'nílzin, áko bee haz'áanii t'áá át'é bik'ehgo ánít'ée dooígíí hazhó'ó ádaa nilzįįh; éí Mózes shá naal'a'í nich'į' yee haadzíí'; nish'náajigo, doodaii' nishtł'ajigo doo dah didíínáał da, áko t'áá yínááłgóó t'áá ałtsoní yá'át'éehgo ná ááníił doo.

JOSHUA 8:34

Íídą́ą́' Jáshowa éí bee haz'áanii bits'ą́ą́dóó saadígíí t'áá ałtso jííłta'; bee ak'ihojidlí áádóó hóyée'go á ha'iidziih bik'ehgo éí t'áá ałtso naaltsoos bii' bee haz'áanii bee ak'e'ashchį́.

REVELATION 22:14

Ha'éé' dadzizgisii hoł dahózhǫ́. Éí iiná tsin sikaadii baa dahizhdookahgo, áádóó kin haal'áagi ch'é'étiin góne' yah adahizhdookahgo bee há nahaz'ą́.