JOSHUA 1:7 - Navajo Bible

⁷ Nidi nidziilgo í'díí'nílzin áádóó yéego chánah í'díí'nílzin, áko bee haz'áanii t'áá át'é bik'ehgo ánít'ée dooígíí hazhó'ó ádaa nilzįįh; éí Mózes shá naal'a'í nich'į' yee haadzíí'; nish'náajigo, doodaii' nishtł'ajigo doo dah didíínáał da, áko t'áá yínááłgóó t'áá ałtsoní yá'át'éehgo ná ááníił doo.

JOSHUA 1:7 ပူးပေါင်းရင်းမြစ်များ

I KINGS 2:2

Nihokáá' dine'é t'áá ałtso bá nidahwiit'ééhjí dah diishááh; éí bąą nidziil le' áádóó diné nílį́įgo i'díí'nílzin,

I KINGS 2:3

áádóó Bóhólníihii niDiyin God bik'eh yínáałgo bik'eh ánít'éego yee nihwiiz'áanii áádóó bibik'eh ó'oo'níiłii áádóó yee nihodiiz'áanii índa yee hahaadzíi'ii éí bee ak'e'ashchį́įgo Mózes bibee haz'áanii bii' yisdzohígi át'éego baa honíyą́, áko yá'át'éehgo ná áhooníiłgo ła' danile' dooleełii baa nanináii t'áá ałtso t'áá hidínááhgóó t'áá ni yá'át'éehgo áálíił doo,

II KINGS 22:2

Bóhólníihii binááł t'áá ákogi át'éego ááníiłgo bizhé'é David yę́ę níyá nít'é'ígi át' éego naayá; nish'náajigo, doodaii' nishtł'ajigoda t'áadoo nahjį' hááyáa da.

I CHRONICLES 22:13

Bóhólníihii éí Ízrel dine'é bídéét'i'go yee nihwiiz'áanii índa yee nihodiiz'áanii Mózes bee bich'į' ha'oodzíi'ii hazhó'ó bik'eh honíł'į́įgo yá'át'éehgo nich'į' áhooníił doo. Nidziilgo í'díínílzin, áádóó yéego chánah nílį́; t'áadoo nił yé'í índa doo nidi nídíníílyis da.

II CHRONICLES 15:7

Éí bąą danihidziil le', t'áadoo nihąą ninádahaka'í, háálá nihinaanish bideená nihik'idahozhdoodliił.

II CHRONICLES 26:5

Áádóó Diyin God hájít'į́įgo Zekaráíyah bíiníłką́; bí éí Diyin God dílzingo bił bééhózin, áko Bóhólníihii t'áá hájít'į́įgo Diyin God éí náás ajiyoołdiłgo áhósin nít'éé'.

JOB Naaltsoos Biyi' Job Baa Hane'ii 1:8

Áko Bóhólníihii éí Séítan áyidííniid, Shá naal'a'í Job wolyéiísh baa ákoninizį́į́'? Nahasdzáán bikáá'góó t'áadoo ła' ákójít'éhí da; éí diné t'áadoo bee bik'íhót'ahíii nilį́ áádóó t'áá ákogi ááníiłii nilį́ áádóó Diyin God yidósin índa bąąhági át'éii yá doolnihii nilį́.

PSALMS 80:19

T'áá ałtsoní bee Bóhólníihii Diyin God nílíinii, hasht'éénihídlééh; ayóó ánít'éii bee i'díłdlaadgo yisdánihidi'doo'nił.

PROVERBS 4:27

Nish'náajigo dah doóya' lágo, doodaii' nishtł'ajigo dah doóya' lágo; doo yá'át'éehii bits'ánínááh.

PROVERBS 8:20

T'áá ákogi át'éego áhoot'éégóó índa doo haada yit'éii bee dahonít'i'góó yishááł.

DANIEL 10:19

Áko áshidííniid, Diyin God ayóó'ánó'níinii nílíinii, t'áadoo nił yé'í; nich'į' hózhǫ́ǫ doo, nidziilgo í'díínílzin, t'áá aaníí nidziilgo í'díínílzin. Áko shich'į' haadzíi'go bee shitah náhóółdziłgo ádíshní, Shibóhólníihii bíni' shich'į' yáníłti', háálá ts'ídá shidziilgo ánáshiinidlaa.

NUMBERS 27:23

áádóó Jáshowa bik'i dasdees'nii'go binaanish dooleełígíí baa dadzisįįdgo Mózes hwee Bóhólníihii yee haadzí'ígíí ájiilaa.

DEUTERONOMY 11:8

Éí bąą bik'eh ó'oo'níiłii t'áá át'é díí jį́ nihich'į' bee haasdzí'ígíí bik'eh dahonoł'į́, áko éí bee danihidziil doo, índa kéyah íí' dooleełii bich'į' disoonánígíí biih wohnéehgo ádíí' ádaahłééh,

DEUTERONOMY 12:32

Nihich'į' bee haasdzí'ígíí ádaa daahsįįhgo bida'íínóhsin; doo ła' bíidooh'áał da, doodaii' doo ła' bididooh'áał da.

DEUTERONOMY 28:14

Saad bits'ą́ąjį' doo t'áá ádzaagóó naa nánoojah da doo, nihósh'níigo, díí saadígíí díí jį́ nihich'į' bee haasdziih; t'ááká nish'náajigo, doodaii' nishtł'ajigo diyin dabidi'níinii bikéé' dah dahidoohkáahgo bich'į' nidahohłá yíila'.

DEUTERONOMY 29:8

Áko bikéyah bighadasidiit'ą́ągo Rúben dine'é áádóó Géed dine'é índa Manáseh dine'é ałníí'dóóígíí bíí' dadooleełgo baa dadiniit'ą́.

DEUTERONOMY 29:9

Éí bąą díí saad bee aha'deet'áanii bik'eh ádanoht'éego bida'íínóhsin, áko baa nidaahkaígíí t'áá át'é yá'át'éehgo nihá ááníił doo.

DEUTERONOMY 31:7

Áádóó Mózes éí Jáshowa hágo yidííniidgo Ízrel dine'é t'áá ałtso binááł ííłní, Nidziilgo í'díí'nílzin áádóó chánah í'díí'nílzin, háálá díí dine'é bił kéyahgóó nídidíínéełgo Bóhólníihii éí dabizhé'é yę́ę yeididoo'áałgo yich'į' yee ádee hadoodzíi'ii bíí' dadooleełgo biih díí'ish.

DEUTERONOMY 4:2

Saad bee nihich'į' haasdzí'ígíí doo ła' bíidooh'áał da, doodaii' doo ła' bididooh'áał da. Áko Bóhólníihii nihiDiyin God bibik'eh ó'oo'níiłii bee nihich'į' haasdzí'ígíí bik'eh dahonoł'į́į doo.

DEUTERONOMY 5:32

Éí bąą Bóhólníihii nihiDiyin God nihich'į' yee haadzíi'ii bik'eh dahonoł'į́įgo ádaa daahsįįh, áádóó nish'náajigo índa nishtł'ajigo doo hadoohkah da.

JOSHUA 1:1

Mózes éí Bóhólníihii yá naal'a'í nilíinii daaztsą́ą́dóó bik'ijį' áhóót'įįd; Bóhólníihii éí Nan biye' Jáshowa joolyéii áyidííniid; éí Mózes yéeni' bá naal'a'í jílį́į́ nít'ée'go ííłní,

JOSHUA 1:8

Díí naaltsoos biyi' bee haz'áanii bee ak'e'ashchínígíí ts'ídá bee yáníłti' doo, nidi hazhó'ó nabik'ítsíníłkeesgo i'ii'aahdóó niyiiłkaah dooleeł; kót'éego hazhó'ó ádaa nilzįįhgo bee ak'e'ashchínígíí bik'ehgo t'áá át'é bik'eh ánít'ée doo, áko yá'át'éehgo ná áhooníiłgo hinínáago ádi'díílnííł, índa baa nanináii t'áá ałtso yá'át'éehgo ła' danile' doo.

JOSHUA 1:9

Da' díísh doo bee nich'į' haasdzíi' da? Nidziilgo í'díí'nílzin áádóó chánah í'díí'nílzin; t'áadoo náníldzidí, doodaii' t'áadoo ádił nisindáhí, háálá Bóhólníihii niDiyin God éí t'áá hidínááhgóó nił hólǫ́.

JOSHUA 11:15

Bóhólníihii éí Mózes há naal'a'í nilį́įgo bich'į' bee hadzoodzí'ígi át'éego Mózes ałdó' t'áá ákót'éego Jáshowa yich'į' yee haadzíí', áko Jáshowa éí t'áá ákódzaa; Bóhólníihii éí Mózes yich'į' yee haadzíi'ii bik'ehgo Jáshowa í'jiilaaígíí ałtso ła' dajiilaa.

JOSHUA 23:6

Éí bąą yéego chánah danohłį́įgo naaltsoos bii' Mózes bibee haz'áanii bee ak'e'ashchínígíí t'áá ałtso bik'eh dahonoł'į́įgo bik'eh ádanoht'ée doo, áko nish'náajigo, doodaii' nishtł'ajigo ts'ídá doo bits'ą́ąjį' kódadoohníił da,