JOSHUA 1:6 - Navajo Bible

⁶ Nidziilgo í'díí'nílzin áádóó chánah í'díí'nílzin, áko díí diné éí kéyah íí' dooleełii bá aháhidíízoh; éí dabizhé'é yę́ę bich'į' bee ádee hadeesdzíi'go baa diní'ą́ą ni'.

JOSHUA 1:6 ပူးပေါင်းရင်းမြစ်များ

GENESIS 12:7

Áko Bóhólníihii éí Éíbram yich'į' yit'íní í'diilyaago ádííniid, Na'áłchíní náás noot'į́į́łgóó díí kéyah baa dideesh'ááł. Ákwii Bóhólníihii bich'į' náázhdi'yoołnih biniyé bikáá' náá'iiniihí ájiilaa; éí hach'į' yit'íní í'diilyaa.

GENESIS 26:3

Díí kéyahígíí bikáá' nidíínééł, áko nił honishłǫ́ǫgo nik'ijishdlíi doo, áádóó ni índa na'áłchíní náás da'ahílchíihii díí kédaayahígíí t'áá ałtso nihitaadideesh'aał, áko Éíbraham nizhé'é bich'į' bee ádee hadeesdzíi'ii bi'deeshłííł.

II SAMUEL 10:12

Chánahgo í'díínílzin; haa'íshą' diné daniidlíinii nihidine'é bá ana'í bił da'ahidiigą́ą́ł áádóó nihiDiyin God bikin hadaas'áii bá ákódadii'nííł, áko Bóhólníihii t'áá bí bił yá'át'éhígi íidoolííł.

I KINGS 2:2

Nihokáá' dine'é t'áá ałtso bá nidahwiit'ééhjí dah diishááh; éí bąą nidziil le' áádóó diné nílį́įgo i'díí'nílzin,

I CHRONICLES 22:13

Bóhólníihii éí Ízrel dine'é bídéét'i'go yee nihwiiz'áanii índa yee nihodiiz'áanii Mózes bee bich'į' ha'oodzíi'ii hazhó'ó bik'eh honíł'į́įgo yá'át'éehgo nich'į' áhooníił doo. Nidziilgo í'díínílzin, áádóó yéego chánah nílį́; t'áadoo nił yé'í índa doo nidi nídíníílyis da.

I CHRONICLES 28:10

K'ad hazhó'ó baa nitsíníkees, háálá Bóhólníihii bá kin hodiyingo haz'ą́ ádíílíiłgo ná nidiiłtį́; nidziil ádíínílzin índa ánílééh.

I CHRONICLES 28:20

Nít'éé' David biye' Sálaman ííłní, Nidziilgo í'díínílzin, áádóó chánah nílį́įgo bi'íínísin; t'áadoo nił yé'í áádóó t'áadoo ádił nisindáhí, háálá Bóhólníihii Diyin God t'áá éí shiDiyin nilíinii nił hólǫ́ǫ doo, índa Bóhólníihii bikin bii' sohodizin ałtso binishínílnishjį' doo ch'ééh ádííł'įįł da, áádóó doo yóó'andidoo'áał da.

II CHRONICLES 15:7

Éí bąą danihidziil le', t'áadoo nihąą ninádahaka'í, háálá nihinaanish bideená nihik'idahozhdoodliił.

II CHRONICLES 20:11

Shoo, kódíshní, K'éédanihididlééh yiniyé nihich'į' yinééł; nikéyah áádóó nihíí' dooleełgo nihaa dííní'ánídóó ch'ídanihidínóoł kał.

II CHRONICLES 20:7

NihiDiyin God nílíinii, da' doósh díí kéyahgi kéédahat'íinii Ízrel dine'é nidine'é nilíinii binááł ch'ínííníłkaad da, áádóó kéyah éí nik'is Éíbraham ba'áłchíní náás ahoolchíiłii hool'áágóó baa dííní'ą́ą da?

PSALMS 27:14

Bóhólníihii biba' ánít'ée le'; chánah nílį́į le', áko nijéí bidziilgo íidoolííł; t'áá aaníí, Bóhólníihii biba' ánít'ée le'!

DANIEL 10:19

Áko áshidííniid, Diyin God ayóó'ánó'níinii nílíinii, t'áadoo nił yé'í; nich'į' hózhǫ́ǫ doo, nidziilgo í'díínílzin, t'áá aaníí nidziilgo í'díínílzin. Áko shich'į' haadzíi'go bee shitah náhóółdziłgo ádíshní, Shibóhólníihii bíni' shich'į' yáníłti', háálá ts'ídá shidziilgo ánáshiinidlaa.

HAGGAI 2:4

Bóhólníihii ání, Zerábabel, nidziilgo í'díínílzin áádóó Jásedek biye' Jéshuwa alą́ąjį' náá'iiłniihii nílíinii, nidziilgo í'díínílzin índa kéyahdóó dine'é danohłíinii t'áá ánółtso, danihidziilgo ída'díínółzingo nidaałnish, ní Bóhólníihii, háálá nihił dahonishłǫ́, ní t'áá ałtsoní bee Bóhólníihii.

ZECHARIAH 8:9

T'áá ałtsoní bee Bóhólníihii kóní, Kin bii' sohodizin ádoolnííł biniyé t'áá ałtsoní bee Bóhólníihii bikin bitł'ááh nástł'inii ályaa yę́ędą́ą́' dahalne'í bizaad díí yoołkáałdi dadoohts'a'ígíí háni'dii nihigaan bidziilgo ádeínóhsin.

NUMBERS 26:53

Díí daházhi'ígíí bik'ehgo kéyah daahó dooleełígíí há ahádadíízoh.

NUMBERS 33:53

áko dabikéyah bigha dahodidooht'áałgo bii' kéédahoht'į́į doo, háálá kéyah danihíí' dooleeł biniyé nihaa diní'ą́.

I CORINTHIANS 16:13

Hada'ísídół'į́į́', áádóó na'nitin woodláanii bee nihidziilgo nisoozį́, t'áadoo dasoohti'í, danihidziilgo áda'díínółzin.

EPHESIANS 6:10

Shik'isóó danohłíinii, díí bee hanáánásdziihgo bee ninisht'ééh, Bóhólníihii bee áádóó yee ayóó ábóodziilii bee danihidziil le'.

DEUTERONOMY 1:21

Jó, Bóhólníihii nihiDiyin God nihilą́ąjį' kéyah nihá hasht'eyiilaago ákóde dohnéehgo nihíí' ádaahłééh; éí danihizhé'é yę́ę biBóhólníihii Diyin God nihich'į' yee haadzíi'go ání, T'áadoo nihił daayé'í; t'áadoo nihąąh nidahwiikaadí.

DEUTERONOMY 1:8

Shoo, t'áá nihilą́ąjį' kéyah nihá hasht'eishłaa; kéyah biih doohkahgo nihíí' ádadoohłíiłii Bóhólníihii éí danihizhé'é yę́ę yich'į' yee ádee hadoodzíí'; éí Éíbraham, Áízak áádóó Jéíkab bada'áłchíní náás ahidoolchíiłii yeidiní'ą́.

DEUTERONOMY 11:8

Éí bąą bik'eh ó'oo'níiłii t'áá át'é díí jį́ nihich'į' bee haasdzí'ígíí bik'eh dahonoł'į́, áko éí bee danihidziil doo, índa kéyah íí' dooleełii bich'į' disoonánígíí biih wohnéehgo ádíí' ádaahłééh,

DEUTERONOMY 31:23

Áádóó Nan biye' Jáshowa wolyéii binaanish dooleełii yeidiní'ą́ągo ííłní, Nidziilgo í'díínílzin áádóó chánah í'díí'nílzin, háálá Ízrel dine'é éí kéyah baa dideesh'áałgo bee ádee hadeesdzíi'ii biih díí'ish, áko nił honishłǫ́ǫ doo.

II TIMOTHY 2:1

Éí bąą shiye' nílíinii, ajooba' Christ Jesus bii' hólónígíí bee nidziil doo.

JOSHUA 1:18

T'áá háiida nibik'eh ó'oo'níiłii yik'ijį' yistee'ii áádóó nizaad bee bich'į' hahídziihii t'áá ałtso doo yiyíists'ą́ą'ii bidi'yoolyééł. Nidi nidziilgo í'dílnééh áádóó chánah í'dílnééh.

JOSHUA 1:7

Nidi nidziilgo í'díí'nílzin áádóó yéego chánah í'díí'nílzin, áko bee haz'áanii t'áá át'é bik'ehgo ánít'ée dooígíí hazhó'ó ádaa nilzįįh; éí Mózes shá naal'a'í nich'į' yee haadzíí'; nish'náajigo, doodaii' nishtł'ajigo doo dah didíínáał da, áko t'áá yínááłgóó t'áá ałtsoní yá'át'éehgo ná ááníił doo.

JOSHUA 1:9

Da' díísh doo bee nich'į' haasdzíi' da? Nidziilgo í'díí'nílzin áádóó chánah í'díí'nílzin; t'áadoo náníldzidí, doodaii' t'áadoo ádił nisindáhí, háálá Bóhólníihii niDiyin God éí t'áá hidínááhgóó nił hólǫ́.

JOSHUA 10:25

Áko Jáshowa áhodííniid, T'áadoo ádił dahonołyé'í; t'áadoo ádił nisidaahkaí; nihidziilgo ída'díí'nółzin áádóó chánah ída'díí'nółzin, háálá Bóhólníihii éí nihi'ana'í t'áá ałtso bił da'ahohgánígíí nihá yik'eh didlį́į dooleeł.

JOSHUA 13:6

Dził Lébanan si'ánídóó kéyah aghá dahaz'áágóó kéédahat'íinii t'áá ałtso Mísrefath-méíyim kin shijaa'jį' éí t'áá át'é Sáídan dine'é t'ah daadziih. Ízrel dine'é danilíinii bilą́ąjį' éí t'áá ałtso ch'ídínéeshkał, ákondi Ízrel dine'é éí kéyah bíí' dadooleeł biniyé nich'į' bee haasdzí'ígi át'éego bá ałts'ádadíízo.

JOSHUA 18:3

Áko Jáshowa éí Ízrel dine'é áyidííniid, Haa nízádígishą' nida'áhodołziidgo kéyah íí' dooleełii bich'į' wohnééł? Éí danihizhé'é yę́ę biBóhólníihii Diyin God nihaidiní'ą́ą́ nít'éé'.

JOSHUA 21:43

Áko Bóhólníihii éí Ízrel dine'é dabizhé'é yę́ę bich'į' kéyah t'áá át'é yee ádee hadoodzíi'ii yeidiní'ą́, áádóó bíí' daazlį́į'go yikáa'gi nidahaazná.

JOSHUA 5:6

Háálá Ízrel dine'é éí honoojíidi naaldeehgo dízdiin nááhai; éí diné anada'ał'íinii t'áá ałtso Ííjip kéyahdę́ę́' ch' ídahaaznánígíí t'áá ałtso ádadzisdįįdjį' tádííná, háálá Bóhólníihii bizaad doo bik'eh dahojíł'į́į da nít'éé'. Bóhólníihii éí kéyah doo deizdoołtsééłgóó yich'į' yee ádee hadoodzíí'; t'áá éí kéyahígíí dahazhé'é yę́ę yich'į' yee ádee hadoodzíi'go nihaididoo'áłígíí bikáá' abe' índa tsés'ná bitł'izh bee áda'azįįd.

I SAMUEL 4:9

Danihidziil le' índa diné bidziiliigi át'éego áda'díínółzin, Filístiya dine'é danohłíinii, áko bí nihinaalte' danilį́į́ nít'éé' yę́ęgi át'éego doo Hííbrew dine'é binaalte' dadoohłeeł da. Diné bidziiliigi át'éego áda'díínółzin áádóó bił da'ahohgą́.