JOSHUA 1:5 - Navajo Bible5 Diné ts'ídá doo ła' nik'eh dódle' át'éégóó níyoołkáał dooleeł; Mózes bił honishłǫ́ yę́ęgi át'éego nił honishłǫ́ǫ doo; ts'ídá doo ch'ééh ná ádeesht' įįł da; ts'ídá doo yóó'andideesh'áał da. အခန်းကိုကြည့်ပါ။ |
Áko kót'ée doo, shá naal'a'í David yę́ę ádzaaígi át'éego bee nich'į' hahasdziihii t'áá át'é bik'eh honíł'į́įgo áádóó shik'ehgóó yínáałgo áádóó shinááł t'áá ákóne' ááníiłgo índa bee nihoyí'áanii áádóó shibik'eh ó'oo'níiłii bik'eh honíł'į́įgo nił honishłǫ́ǫ doo áádóó t'áá David bidine'é doo nidoot'ihgóó náás ahoolchíiłgo áshłaa yę́ęgi át'éego ni ałdó' nidine'é náás ahoolchííłgóó doo nidoot'ihgóó ádeeshłííł índa Ízrel dine'é naa dideesh'ááł.
Nít'éé' David biye' Sálaman ííłní, Nidziilgo í'díínílzin, áádóó chánah nílį́įgo bi'íínísin; t'áadoo nił yé'í áádóó t'áadoo ádił nisindáhí, háálá Bóhólníihii Diyin God t'áá éí shiDiyin nilíinii nił hólǫ́ǫ doo, índa Bóhólníihii bikin bii' sohodizin ałtso binishínílnishjį' doo ch'ééh ádííł'įįł da, áádóó doo yóó'andidoo'áał da.
Áádóó Bóhólníihii éí ándahodii'aahii há néidiinilgo Bóhólníihii éí ándahodii'aahii nídaadleehii yił dahólǫ́ǫ́ nít'éé', áko hweda'ana'í bits'ą́ąjį' ánihodii'aahii yisdáhwiiníiłgo yiiníłką́; Bóhólníihii łahgo át'éego hąąh tsíńdeezkééz, háálá hweda'ana'í hade ádahósingo bik'ee chaał nidahojiyiinííh nít'éé' áádóó hóda'ats'ihgo bik'ee ti'dahojiyooznii'.