JOSHUA 1:2 - Navajo Bible

² Mózes shinaal'a'í yę́ę daaztsą́; éí bąą nílááh, Jórdan tooh ha'naagóó dohnééh; díí dine'é t'áá ałtso éí kéyahígíí baa dideesh'áałgo Ízrel dine'é bíí' át'é.

JOSHUA 1:2 ပူးပေါင်းရင်းမြစ်များ

GENESIS 17:8

Áádóó dé'éyóní nílį́įgo kéyah biyi' kééhót'ínígíí naa dideesh'ááł; Kéínan kéyah t'áá át'éé nít'éé' áádóó na'áłchíní náás da'ahílchíihii hool'áágóó daabíí' dooleeł, áádóó biDiyin God nishłį́į doo.

NEHEMIAH 9:23

Yádiłhił biyi' di sǫ' yíl'áhígi át'éego bada'áłchíní ałdó' k'ee'ąą díníníłt'ą́, índa kéyah hóó' dadooleeł biniyé biih dazhdoonéełgo dahazhé'é yę́ę baa dííní'áanii biih hwííní'eezh.

JOB Naaltsoos Biyi' Job Baa Hane'ii 1:8

Áko Bóhólníihii éí Séítan áyidííniid, Shá naal'a'í Job wolyéiísh baa ákoninizį́į́'? Nahasdzáán bikáá'góó t'áadoo ła' ákójít'éhí da; éí diné t'áadoo bee bik'íhót'ahíii nilį́ áádóó t'áá ákogi ááníiłii nilį́ áádóó Diyin God yidósin índa bąąhági át'éii yá doolnihii nilį́.

ISAIAH 42:1

Shá naal'a'í de íínísinii, éí nídiiłtíinii shii' sizíinii yaa bił hózhóonii níníł'į́; shiNíłch'i Diyinii baa diní'ą́; t'áá ákogi át'éii ał'ąą dine'é bich'į' bééhózingo íidoolííł.

NUMBERS 12:7

Shá naal'a'í Mózes éí doo ákót'éego bich'į' hadeesdzih da; éí t'éí shidine'é t'áá ałtso bitahdóó ba'ahódlí.

DEUTERONOMY 3:28

Nidi Jáshowa bich'į' handziihgo chánah ánílééh áádóó bidziilgo ánílééh, háálá díí dine'é yoo'ishgo ha'naa nidoogááł, áko kéyah íí' dooleełii ádíí' ádeidoolíiłgo íidoolíłígíí yidííłtsééł.

DEUTERONOMY 31:7

Áádóó Mózes éí Jáshowa hágo yidííniidgo Ízrel dine'é t'áá ałtso binááł ííłní, Nidziilgo í'díí'nílzin áádóó chánah í'díí'nílzin, háálá díí dine'é bił kéyahgóó nídidíínéełgo Bóhólníihii éí dabizhé'é yę́ę yeididoo'áałgo yich'į' yee ádee hadoodzíi'ii bíí' dadooleełgo biih díí'ish.

DEUTERONOMY 34:5

Áko Mózes éí Bóhólníihii yá naal'a'í nilíinii Mó'ab kéyahgi daaztsą́; Bóhólníihii bizaad k'ehgo ádzaa.

JOSHUA 1:1

Mózes éí Bóhólníihii yá naal'a'í nilíinii daaztsą́ą́dóó bik'ijį' áhóót'įįd; Bóhólníihii éí Nan biye' Jáshowa joolyéii áyidííniid; éí Mózes yéeni' bá naal'a'í jílį́į́ nít'ée'go ííłní,

JOSHUA 1:11

Nihílááh, dah oonéłígíí bitahgóó dohkááh, áko bił ch'ídahonoh'aahgo ádabidohní, Nihist' e' hasht'edaahłééh, háálá táá' yiską́ągo Jórdan tooh ha'naagóó nídidoohnééł; kéyah nihíí' ádadoohłíiłgo Bóhólníihii nihiDiyin God nihaidiní'ánígíí ádíí' ádadoohłííł.