JOSHUA 1:16 - Navajo Bible

¹⁶ Áádóó diné éí Jáshowa yich'į' hadaasdzíi'go ádeiłní, Nihich'į' bee háínídzíi'ii t'áá ałtso bik'eh ádadii'nííł, áádóó t'áá nihíł'áágóó nideiikai dooleeł.

JOSHUA 1:16 ပူးပေါင်းရင်းမြစ်များ

EZRA 10:4

Nídii'nééh; jó, díí nídadéét'i'ii át'é; nihí éí nił dahoniidlǫ́ǫgo nizhónígo chánah nílį́įgo ádíínííł.

NUMBERS 32:25

Géed dine'é áádóó Rúben dine'é Mózes yich'į' hadaasdzíi'go ádaaní, Nihinanit'a'í nílíinii, ná nidaal'a'í bá bee hwiinił'a'ígíí ádayoolíił doo.

NUMBERS 32:31

Áádóó Géed dine'é índa Rúben dine'é hach'į' hadaasdzíi'go ádaaní, Ná nidaal'a'í bich'į' Bóhólníihii haadzí'ígi át'éego nihí ákódadii'nííł.

DEUTERONOMY 34:9

Nan biye' Jáshowa éí níłch'i k'ehgo hódzą́ hwii' hadeezbin; jó, Mózes t'ah hiná yę́ędą́ą́' hak'i dah deesnii'go Ízrel dine'é dahwíists'ą́ą'go hak'eh dahół'į́į́ nít'éé'; Bóhólníihii éí Mózes yich'į' yee haadzíi'ii yida'ósin nít'éé'.

DEUTERONOMY 5:27

Nílááh, bit'áahjį' ninínááh; Bóhólníihii nihiDiyin God yee hahidoodzihígíí yídííłts'įįł, áádóó Bóhólníihii nihiDiyin God yee nich'į' hahaasdzí' ígíí t'áá ałtso bee nihich'į' hahidíídzihgo nihí ałdó' dadidiits'į́į́ł áádóó bik'eh ádaniit'ée doo.

TITUS 3:1

Oodlání danilíinii díí béédabiyíłnííh: naat'áanii danilínígíí índa bídahólníhígíí bídahojółníih doo, bik'eh dahojíł'į́į doo, t'áá ałtsojį' yá'át'ééh ó'oo'níiłii bee hasht'e'ádazhdólzin doo,

JOSHUA 1:15

Bóhólníihii éí háádaa łyį́įhgo ánihiilaaígi át'éego nihik'isóó háádaalyį́įhgo áyiilaajį' áádóó ałdó' kéyah íí' dooleełii Bóhólníihii nihiDiyin God beididoo'áłígíí ádíí' ádayiilaajį' bíká adoohjah, ákohgo nihí kéyah bich'į' nát'ą́ą́' nídoohkahgo ádíí' ádadoohłííł áádóó baa nihił dahózhǫ́ǫ doo; éí kéyah Jórdan tooh wóshch'ishdi ha'a'aahjigo haz'ánígi nihaidiní'ą́.

JOSHUA 1:17

T'áá ałtsojį' Mózes deísíníilts'ą́ą́' yę́ęgi át'éego daníísíilts'ą́ą' doo; Mózes yił hólǫ́ yę́ęgi át'éego Bóhólníihii niDiyin God éí nił hólǫ́ǫ doo.