JOSHUA 1:14 - Navajo Bible

¹⁴ Nihe'asdzą́ą́ áádóó nihada'áłchíní áádóó danihilį́į́' bíni'dii t'áá Mózes éí kéyah nihaidiní'ánígi Jórdan tooh wóshch'ishdi nidaakai doo, nidi nihí éí nihik'isóó bilą́ąjį' dohkáahgo anaa' biniyé hasht'e'ádadołnééh; ayóó át'éego diné nidaahbaah danohłíinii, t'áá ánółtso bíká adoohjah.

JOSHUA 1:14 ပူးပေါင်းရင်းမြစ်များ

EXODUS 13:18

Nidi Diyin God éí diné yoo'ishgo honoojíígóó Tónteel Łichíí' bich'į'go yiní'eezh, áko Ízrel dine'é éí anaa' yiniyé hasht'e'ádadólzingo Ííjip kéyahdę́ę́' ch'íníná.

NUMBERS 32:26

Nihada'áłchíní, nihida'asdzą́ąda, danihidibéda, danihilį́į'da t'áá át'é Gíliyad kéyahdi kin hadaas'áágóó dahólǫ́ǫ doo,

DEUTERONOMY 20:8

Áádóó siláo binanit'a'í diné yich'į' hanáádadoodzihgo ánáádeididoo'niił, Háísh diné shį́į́ bił yée'go bił ánáhádįįh? Bíni' éí bighangóó nídoodááł; éí doodaii' nídzíldzidígi át'éego hak'isóó ałdó' nídadooldzííł.

DEUTERONOMY 3:19

Nidi nihida'asdzą́ą́ áádóó nihada'áłchíní yázhí índa danihilį́į́' dahólǫ́, (jó, t'áá hazhó'ó nihilį́į́' deíl'áago shił bééhózin,) éí nihikin hadaas'áhígóó t'áá nihaa hodiní'ánígi bíni'dii t'áá ákǫ́ǫ́ nidaakai dooleeł.

DEUTERONOMY 33:21

Áádóó t'áá hó ádá átsé náhozhdii'ą́, háálá ákwii bee haz'áanii ííł'íinii bá haa yiszįįd, áádóó diné aląąjį' naazíinii yił yíkaigo Bóhólníihii bit'áá ákogi át'éii t'áadoo át'éhígóó ájiilaa, índa yee nihodiyii'aahii Ízrel dine'é bá hasht'ejósin.

JOSHUA 1:13

Díí béédaałniih: éí Bóhólníihii yá naal'a'í Mózes yéeni' saad yee nihich'į' haadzíi'ii kóníini', Bóhólníihii nihiDiyin God háádaałyį́įh doogi nihaa hodiní'ą́, áádóó díí kéyah nihaidiní'ą́.

JOSHUA 1:15

Bóhólníihii éí háádaa łyį́įhgo ánihiilaaígi át'éego nihik'isóó háádaalyį́įhgo áyiilaajį' áádóó ałdó' kéyah íí' dooleełii Bóhólníihii nihiDiyin God beididoo'áłígíí ádíí' ádayiilaajį' bíká adoohjah, ákohgo nihí kéyah bich'į' nát'ą́ą́' nídoohkahgo ádíí' ádadoohłííł áádóó baa nihił dahózhǫ́ǫ doo; éí kéyah Jórdan tooh wóshch'ishdi ha'a'aahjigo haz'ánígi nihaidiní'ą́.

JOSHUA 4:12

Rúben dine'é áádóó Géed dine'é índa Manáseh dine'é ałníí'dóóígíí Ízrel dine'é yilą́ąjį' anaa' yiniyé hasht'e'ádadiilyaago tsé'naa niikai; Mózes hach'į' yee haadzíi'ii bik'eh ída'jiilaa.

REVELATION 17:4

Díí asdzání, naak'ą' tsídídééh nahalingo łichí'ígíí áádóó naak'ą' ałchxíí' yee hadít'é, áádóó óola, tsé da'ílíinii índa diichiłí yee naashch'ąą'. Doo daaldinii índa t'óó baa'ihgo na'ageh yee tsi'naagháii óola bee adlání bii' hadeezbingo dah yookááł.