JOSHUA 1:11 - Navajo Bible

¹¹ Nihílááh, dah oonéłígíí bitahgóó dohkááh, áko bił ch'ídahonoh'aahgo ádabidohní, Nihist' e' hasht'edaahłééh, háálá táá' yiską́ągo Jórdan tooh ha'naagóó nídidoohnééł; kéyah nihíí' ádadoohłíiłgo Bóhólníihii nihiDiyin God nihaidiní'ánígíí ádíí' ádadoohłííł.

JOSHUA 1:11 ပူးပေါင်းရင်းမြစ်များ

II KINGS 20:5

T'ą́ą́' nídídáahgo shidine'é yinanit'a'í Heziikáíyah bił hólne', Bóhólníihii éí nizhé'é David yę́ę biDiyin God kóní, Nisodizin diséts'ą́ą́'; ninák'eeshto' yiiłtsą́; jó, nándeesdzih; táá' yiską́ągo Bóhólníihii bikin bii' sohodizin góde díínááł.

EXODUS 19:11

Díí jį́į́dóó naaki yiską́ąjį' ałtso hasht'e'ádazhdidoolnííł, háálá tágí jį́ aleeh góne' diné t'áá ádzíłtso hanááł Dził Sáínai bikáa'jį' Bóhólníihii hadadooleeł.

HOSEA 6:2

Naaki yiską́ą́dóó bik'ijį' hinááh ánánihidoodlííł; táá' yiską́ągo náánihididoołjahgo binááł dahinii'náa dooleeł.

DEUTERONOMY 11:31

Áko Bóhólníihii nihiDiyin God éí kéyah danihíí' dooleełgo nihaidiní'ánígíí bich'į' Jórdan tooh ha'naa nidoohnééł, áádóó ádíí' ádadoohłííł, índa ákwii kéédahoht'į́į doo.

DEUTERONOMY 3:18

Áko íídą́ą́' bee ánihidííniidgo ádíshní, Bóhólníihii nihiDiyin God díí kéyah nihaidiní'ánígíí nihíí' ádaahłééh. Doo nídanilyéesii danohłíinii, bee na'abaahí hasht'eet'éego ádaahłéehgo nihik'isóó Ízrel dine'é danilíinii bilą́ąjį' ha'naa nidooh'nééł.

DEUTERONOMY 9:1

Ízrel dine'é danohłíinii, hazhó'ó da'íísółts'ą́ą́'; díí jį́ Jórdan tooh ha'naagóó ana'í nihiláahdi ayóó ádaat'éii áádóó ayóó ádabóodziilii dabikéyah ádíí' ádadoohłííł biniyé bich'į' ha'naa ninohnééh, kin hadaas'áago ayóó ádaat'éii áádóó k'asdą́ą́' yá bídaneel'ą́ągo tsé ditą́ągo ahéédaastł'inii t' áá bił.

JOSHUA 1:10

Áko Jáshowa éí diné aląąjį' naazíinii yich'į' haadzíi'go ání,

JOSHUA 1:2

Mózes shinaal'a'í yę́ę daaztsą́; éí bąą nílááh, Jórdan tooh ha'naagóó dohnééh; díí dine'é t'áá ałtso éí kéyahígíí baa dideesh'áałgo Ízrel dine'é bíí' át'é.

JOSHUA 3:2

Áádóó ákódzaago táá' yiską́ą́dóó bik'ijį' diné naat'áanii danilíinii dah da'ínéhígíí yitahgóó tádookaigo