I SAMUEL 7:9 - Navajo Bible

⁹ Ákohgo Sámuel éí dibé yázhí t'ahdii ałt'o'ii didlidgo nááhániihii t'áá át'é Bóhólníihii yich'į' nááyiisnii', áádóó Sámuel éí Ízrel dine'é bá níjookąąhgo Bóhólníihii hodiizts'ą́ą́'.

I SAMUEL 7:9 ပူးပေါင်းရင်းမြစ်များ

PSALMS 50:15

Nihide áhoot'įįhgo nídashiinohkąąh, áko yisdánihideeshnił áádóó ayóó át'éego shaa dahohniih doo.

PSALMS 99:6

Mózes áádóó Éran éí Bóhólníihii binááda'iiłniihii atah nilį́į́ nít'éé'. Sámuel ałdó' házhi' dayózhíii bitah jílį́į́ nít'éé'. Bóhólníihii yich'į' sodadilzingo bich'į' énáhoosįįł nít'éé'.

JEREMIAH 15:1

Ákohgo Bóhólníihii áshidííniid, Azhą́ Mózes áádóó Sámuel shidááhdóó yiizį' nidi, díí dine'é bich'ijí aséłtą́ągo t'áadoo tsídíkéez da. Doo shá biyeet'į́į́' ánízáágóó yówehjį' aníłkaad.

LEVITICUS 22:27

Dóola yázhí, doodaii' dibé yázhí, doodaii' tł'ízí yázhí yichíihgo bimá t'áá yił naa'aashgo tsosts'id yidoołkááł, áko tseebíí yiską́ą́dóó bik'ijį' índa éí Bóhólníihii bich'į' didlidgo nááhániihii át'éego dínóodzįįł.

DEUTERONOMY 9:26

Éí bąą Bóhólníihii bich'į' sodiszingo ádíshní, Dooládó' Bóhólníihii Diyin God nílíinii, nidine'é índa níí' danilíinii doo adííłdįįł da; jó, t'áá ni bee ayóó ánít'éhígíí bee bik'é niná'íínídlá, áádóó nidziilii ayóó át'éhígíí bee Ííjip kéyahdę́ę́' ch'ííní'eezh.

JAMES 5:16

Áko ałch'į' bąąhági ádaaht'ínígíí ahidiníłnáago bee ádaa dahołne', áádóó doo ádanoht'éhí da nídadoohdleeł biniyé ahá sodadołzin. Diné ts'ídá t'áá ákogi át'éii bisodizin éí t'áá íiyisí bidziilgo idééłní.

JUDGES 6:26

Áko Bóhólníihii niDiyin God bich'į' díí tsé'éłkáa'gi é'él'íinii bik'ehgo bikáá' náá'iiniihí ádíílííł; dóola naaki góne'ígíí éí didlidgo nááhániihii Ashíírah daolyéii ahidííníł ne'ígíí bee didííłił.

JUDGES 6:28

Áko t'ah abíínígo kintahdóó dine'é nídiijéé' nít'éé'; jó, Béíyal bich'į' nahadláii bibikáá' náá'iiniihí nihidítąąd índa bíighahgóó Ashíírah daolyéego naazkaad yę́ę łeeh bí'ootsxéél lá áádóó dóola naaki góne'ígíí bikáá' náá'iiniihí ályaii bikáa'gi nááhaaznii' lá.

I SAMUEL 10:8

Áko Gílgal haz'ání góyaa shilą́ąjį' díínááł, áádóó, jó, shí ałdó' ákóyaa nich'į' deesháałgo didlidgo nááhániihii áádóó nááhidoonihii hózhǫ́ǫ́jí nááhániihii ałdó' nááhidiilnih. Tsosts'id jį́ shiba' sínídáa doo; naa níyáago índa ádíílíłígíí nił bééhodeesįįł.

I SAMUEL 12:17

Díí jį́į́sh doo tł'oh naadą́ą́' dadiigaii da? Bóhólníihii baa néideeshkąąłgo adi'níigo nahałtingo íidoolííł, áko baa ákodadínóohsįįłígíí índa dadínóoł'įįłígíí éí ts'ídá ayóó át'éego doo yá'áshónígi ádaot'įįdígíí yee' Bóhólníihii binááł ádaot'įįd; jó, aláahgo naat'áanii ádá dayínóokeed.

I SAMUEL 16:2

Áko Sámuel ádííniid, Haash yit'éego ákǫ́ǫ́ deeshááł? Jó, Saul shaa hodidoots'į́įłgo shidiyoołhééł. Áádóó Bóhólníihii ádííniid, Béégashii yáázh bi'ádígíí ła' yílóosgo kódidííniił, Bóhólníihii bich'į' náádi'yeeshnih biniyé níyá.

I SAMUEL 2:35

Áádóó náá'iiłniihii ba'ahódlíii ádá nídideeshtéłígíí éí shijéí yinízinii áádóó baa nitséskeesii yik'eh hół'į́į doo, áádóó náás oochííłgóó shá naal'a' doo, índa ak'ah bik'i yaadziidgo yilzį́į'ii shíhígíí yinááł hináago ahool'áa doo.

I SAMUEL 7:17

Ákohgo Réímah kin shijaa'gi ninájiidááh nít'éé', háálá ákwe'é haghan, áádóó ákwe'é ałdó' Ízrel dine'é bá nihozhdiyii'aah nít'éé'. Áádóó ákwe'é Bóhólníihii bá bikáá' náá'iiniihí ájiilaa.

I SAMUEL 9:12

Nít'éé' ádahodííniid, Aoo', kwe'é naaghá; jó, t'áá nihítséedi níyá. Tsxį́įłgo óht'į́, jį́į́dą́ą́' díí kin haal'áhígi níyá, háálá aláahdi yanáalk'id bikáa'gi díí jį́ diné nááda'iiłniihgo yaa nídiikai.