I SAMUEL 5:3 - Navajo Bible

³ Áádóó Áshdad dine'é abíínídą́ą́' nízhdiijéé' nít'éé', shoo, Déígan éí ni'jį' Bóhólníihii bitsits'aa' dílzinii yiyaajį' tsé'yaa íítłizh lá. Ákohgo Déígan nídazhdiidzį́įzgo nídabidziisį'.

I SAMUEL 5:3 ပူးပေါင်းရင်းမြစ်များ

I KINGS 18:26

Áko dóola beíltínígíí nídeidiidzį́įzgo hasht'edayiilaa, áko abínídóó ałní'ní'ą́ąjį' Béíyal bízhi' dayózhíigo ádaaní, Béíyal nílíinii, nihich'į' ééhonísįįh. Doo nidi háádę́ę'da iinéé' dazdiizts'ą́ą' da, doo nidi háádę́ę'da ha'oodzíi' da. Áko bikáá' náá'iiniihí ádayiilaaígíí yinaagóó nída'dilzhish.

PSALMS 115:7

Bíla' dahólǫ́ǫ nidi, doo yee nida'ach'id da. Bikee' dahólǫ́ǫ nidi, doo yee nidaakai da, áádóó azooł dah dijoolígíí dahólǫ́ǫ nidi, doo yee yádaałti' da.

PSALMS 97:7

Be'elyaii yich'į' nidahałáii, be'elyaii yee ádaa daha'niihii t'óó ádaa yádandzin le'. Diyin danihidi'níinii t'áá ánółtso, Bóhólníihii bich'į' nidahohłá.

EXODUS 12:12

Háálá díí tł'éé' Ííjip kéyah biyi'góó ch'ídeeshááł, áko diné alą́ąjį' bá nidahaazhchíinii áádóó naaldlooshii alą́ąjį' nidahaazhchíinii ałtso ádeeshdįįł, índa Ííjip kéyahgi diyin dabidi'níinii ałtso t'áá óoshłe' góne' bá nihodiyeesh'ááł. Shí Bóhólníihii nishłį́.

ISAIAH 19:1

Ííjip dine'é át'ée dooleełii ch'ét'ą́. Bóhólníihii éí tsxį́įłgo k'os bił yilzhoł go Ííjip kéyahjį' doogááł, jó'akon. Bóhólníihii binááł Ííjipgi eda'alyaii éí daditsxiz doo, índa Ííjip dine'é t'óó bił ádahodoodįįł.

ISAIAH 40:20

Bahojoobá'íii díí e'elyaii neidiyoołnihgo doo yíneel'áanii éí tsin doo diłdzidii shóidoołt'eeł, áádóó iichįįhgo tsin neik'ęęhí éí tsin e'elyaii doo hidólnááł át'éégóó há íidoolííł biniyé hazhdínóotaał.

ISAIAH 41:7

Áko kin ííł'íní éí óola yitsidii chánah áyiilaa, áádóó bee atsidí yee adiiłkǫǫhii béésh nitł'izii yitsidii ííłní, Ahididoolyįh biniyé hasht'eelyaa, áádóó ił adaalkaałí bee niłdzil doo biniyé yił adeiskaal.

ISAIAH 46:7

Bidiyin bidi'níinii biwosgi dah nídeiłtéehgo t'áá bí bá haz'ą́ągi dah nídayiisįįh; bá haz'ą́ą́dóó doo nahjį' kódoolníił da; t'áá aaníí, ła' yich'į' ná'iidookąął, nidi doo hach'į' hadoodzih da, doo nidi bee hach'į' nahwii'náanii biyi'dóó hááhodoołtéeł da.

JEREMIAH 10:8

Nidi t'áá óozyį́į́ nít'éé' doo nitsídaakees da nidahalin áádóó doo ádahalyą́ą da. Be'elyaii éí tsin t'éiyá át'éego bee na'nitinii t'áadoo biniyéhí da.

ZEPHANIAH 2:11

Ts'ídá t'óó báhádzidígi át'éego Bóhólníihii hak'ijį' dooleeł, áko nahasdzáán bikáá' diyin dabidi'níinii t'áá ałtso yaa nididoodaał, áádóó ał'ąą dine'é t'ááłá'í nítínígo t'áá bił nahaz'ą́ą́dę́ę́' t'áá ałtso hach'į' nidahałáa doo.

MARK 3:11

Áádóó níłch'i danchxǫ́'ígíí nídahoołtséehgo hayaajį' anída'diilghą́ąhgo éí yéego háádadilwoshgo ádaaní, Diyin God biYe' nílíinii ánít'į́.

I SAMUEL 6:1

Bóhólníihii bitsits'aa' dílzinii éí Filístiya dine'é bikéyahdi si'ą́ągo tsosts'id nídeezid.

I SAMUEL 6:5

Éí bąągo ííshją́ą́ ch'ozh áádóó na'ats'ǫǫsí éí kéyah dayííłchxǫ'ígíí ádá bééda'doohdlííł, áádóó Ízrel dine'é biDiyin God baa dahohniih; eii shį́į́ áko Bóhólníihii bibee atí'él'íinii nihits'ą́ąjį' kwíidoolííł, índa nihidiyin danilíinii áádóó nihikédaayah ałdó' bits'ą́ąjį' kwíidoolííł.