I SAMUEL 3:9 - Navajo Bible

⁹ Éí bąą Íílai éí Sámuel ábizhdííniid, Nílááh, náníteeh, náánooji'go ábididííniił, Bóhólníihii, handziih, háálá ná naal'a'í nishłíinii íísísts'ą́ą́'. Áko Sámuel dashdiiyáago t'áá jinitéhígi níjineestį́.

I SAMUEL 3:9 ပူးပေါင်းရင်းမြစ်များ

PSALMS 85:8

Diyin God Bóhólníihii yee hadoodzihii dideests'į́į́ł. Bidine'é índa bidiyį́į́' danilíinii bee asht'ehodít'éii yee yich'į' hadoodzih, nidi t'ááká doo áháyą' yich'į' t'ą́ą́' dah nínáádookááh yíila'.

PSALMS 85:9

T'áá aaníí, diné dabidósinii t'áá áyídígi bee yisdá'iildéehii bá hólǫ́, áko nihikéyahgi bee baa ha'niihii hólǫ́ǫ doo.

EXODUS 20:19

Áko Mózes ádayidííniid, T'áá ni nihich'į' yáníłti', áko daníísíilts'ą́ą' doo, nidi háni'dii Diyin God t'áadoo nihich'į' yáłti'í dooleeł, áko doo dadíníi'néeł da.

ISAIAH 6:8

Áádóó Bóhólníihii biinéé' diséts'ą́ą'go ání, Háí lá deesh'aał lá, índa háí lá ákǫ́ǫ́ nihá doogááł lá? Áko ádíshní, Kǫ́ǫ́ sézį́; shidíł'á.

DANIEL 10:19

Áko áshidííniid, Diyin God ayóó'ánó'níinii nílíinii, t'áadoo nił yé'í; nich'į' hózhǫ́ǫ doo, nidziilgo í'díínílzin, t'áá aaníí nidziilgo í'díínílzin. Áko shich'į' haadzíi'go bee shitah náhóółdziłgo ádíshní, Shibóhólníihii bíni' shich'į' yáníłti', háálá ts'ídá shidziilgo ánáshiinidlaa.

ACTS 9:6

Áko hatah hoditłidgo áádóó t'óó hoł ahayóigo ájíní, Bóhólníihii, ha'át'íísh baa nizhdoogaał shííní'ní? Áko Bóhólníihii áhodííniid,] Nídiidáahgo kin haal'áajį' dínááh, ákwe'é baa nidíínaałii bee nił hodoonih.

JOSHUA 5:14

Áko éí diné ání, Dooda, nidi k'ad Bóhólníihii bisiláo dah deínéehii binanit'a'í nishłį́įgo níyá. Áádóó Jáshowa ni'jį' yaa ádziidzaago nahodzisá, áko ábijiní, Shinanit'a'í binaal'a'í nishłį́įgo ha'át'íí lá shiłní?

I SAMUEL 3:10

Áádóó t'áá áłtséédą́ą́' ádzaa yę́ęgi át'éego Bóhólníihii haa honíle'go yiizį'go nááhooji'go ání, Sámuel! Sámuel! Áádóó Sámuel ání, Handziih, ná naal'a'í nishłíinii íísísts'ą́ą́'.

I SAMUEL 3:8

Ákohgo táadi aleeh góne' Bóhólníihii éí Sámuel nááyiyíízhi'. Áko nínáázhdii'na'go Íílai baa náájílwodgo ájíní, T'áá aaníí nááshííníji'go bąą naa nááníshwod. Ákohgo Íílai ákozniizį́į'go Bóhólníihii éí ashkii yózhíí lá.