I SAMUEL 3:4 - Navajo Bible

⁴ Bóhólníihii éí Sámuel yiyíízhi'. Áko ájíní, Kǫ́ǫ́ sétį́.

I SAMUEL 3:4 ပူးပေါင်းရင်းမြစ်များ

GENESIS 22:1

Áádóó ákódzaadóó bik'ijį' Diyin God éí Éíbraham yíneeztą́ą'go áyidííniid, Éíbraham! Áko ázhdííniid, Kǫ́ǫ́ sédá.

GENESIS 22:11

Nít'éé' Bóhólníihii bidiyingo naal'a'í yá'ąąsh biyi'dę́ę́' hózhíigo áháłní, Éíbraham, Éíbraham! Áko ázhdííniid, Kǫ́ǫ́ sézį́.

PSALMS 99:6

Mózes áádóó Éran éí Bóhólníihii binááda'iiłniihii atah nilį́į́ nít'éé'. Sámuel ałdó' házhi' dayózhíii bitah jílį́į́ nít'éé'. Bóhólníihii yich'į' sodadilzingo bich'į' énáhoosįįł nít'éé'.

EXODUS 3:4

Éí bich'į' nizhníyáago jinééł'į́į'go Diyin God hoołtsą́ągo dówózhii diltłi'ígíí biyi'dę́ę́' áhá łní, Mózes, Mózes. Áko ázhdííniid, Kǫ́ǫ́ sézį́.

ISAIAH 6:8

Áádóó Bóhólníihii biinéé' diséts'ą́ą'go ání, Háí lá deesh'aał lá, índa háí lá ákǫ́ǫ́ nihá doogááł lá? Áko ádíshní, Kǫ́ǫ́ sézį́; shidíł'á.

ACTS 9:4

Áko ni'jį' ajíígo'go ła' hadzoodzíi'go jidiizts'ą́ą́', Saul, Saul, ha'át'íishą' biniyé atíshíł'į́?

I CORINTHIANS 12:28

Áko Diyin God éí da'oodlání áłah nídaadleehígíí bitahgi ła' niinínil, átséhé góne' daal'aadii, naakií góne' Diyin God yá dahalne'ii, táá' góne' nida'nitinii, áádóó Diyin God bibee adziilii bee éédahózinii álílee k'ehgo yaa nidaakaii, índa hadaałt'é ánída'oodlíiłii, áádóó áká anídaajahii, áádóó ándaha'áii, índa álílee k'ehgo yáti' yee yádaałti'ii.

I SAMUEL 3:5

Áko Íílai baa jílwodgo ájíní, Shíínízhi'go bąą naa níyá. Nidi áháłní, Doo níízhi' da; nílááh, náníteeh. Áko názneeztį́.