I SAMUEL 3:3 - Navajo Bible

³ éí Bóhólníihii bikin bii' sohodizinii biyi' góne' Diyin God bitsits'aa' dílzinii si'ánígi bee hool'iní t'ah doo nitséésgóó Sámuel éí iizhdoołhosh biniyé jineeztį́įgo

I SAMUEL 3:3 ပူးပေါင်းရင်းမြစ်များ

II CHRONICLES 13:11

Áádóó t'áá ákwíí bíní áádóó e'e'áahgo Bóhólníihii bich'į' didlidgo nááhániihii índa tsin bijeeh dilidgo łikání halchinii nínáádayiiłnih, áádóó Diyin God bich'į' bááh nááhániihii ałdó' éí bikáá adání chin bąąh ádinii yikáá' ninádei'nił índa bee dahool'iní bá yada'ii'áhígíí éí bee dahool'iní t'áá bił óola bee ályaaígíí ak'ah bił e'e'áahgo dadiltłi' biniyé hasht'éédayiil'įįh, háálá nihí éí Bóhólníihii nihiDiyin God yich'į' nihííł'aadígíí bik'eh dahoniil'į́, nidi nihí éí yóó'adahosidoo'ą́.

PSALMS 27:4

Ts'ídá t'ááłá'í t'éí Bóhólníihii bííkeed: éí íiyisí hásht'į́įgo Bóhólníihii yee ayóó ánóolninii haasíidgo bikin bii' sohodizin biyi' na'ídíshkid doo biniyé bii' kééhasht'į́įgo shíyoołkáał dooleeł.

PSALMS 29:9

Bóhólníihii biinéé' diits'į́įhgo bįįhtsa'ii nida'iiłchíihgo ííł'į́; dahodíłch'ilgóó hałdééh, índa kin bii' sohodizin góne' t'áá ałtso ayóó ájít'éii yee haa yádaałti'.

PSALMS 5:7

Nidi shí sézį́įgi aa a'ááh nínízinii t'óó ahayóígíí bik'ehgo nikin góne' yah adeeshááł; nidíínísingo diyingo nikin bii' sohodizin si'áníjígo nahashłáa doo.

EXODUS 25:31

Bee hool'iní bá yadaa'áhígíí éí óola t'áá bízhání bee ádadoohłííł. Óola hasht'e'nibí'dííłniiłgo bá si'ánígíí índa dego bá yadaa'áhígíí áádóó bílátah dah na'azką́ągo ak'ah biih náhádzídígíí áádóó éí bitł'ááh ní'deeskǫ'ígíí índa ch'ilátah hózhóón bee naashch'ą'ígíí éí t'áá ła' bizhi'ee ádadoohłííł.

I SAMUEL 1:6

Bóhólníihii éí doo ajiłchíígóó áhósinígíí bąą hade íinízinii hwé'éts'ihgo áhósin.

I SAMUEL 1:9

Ákohgo Sháíloh haz'ánígi da'jííyą́ą́' índa doodlį́įłii dajoodlą́ą́'dóó bik'ijį' Hánnah nízhdii'na'. Áko náá'iiłniihii Íílai éí Bóhólníihii bikin bii' sohodizinii bich'éédą́ą'gi dah sidá.