I SAMUEL 2:3 - Navajo Bible

³ T'áadoo ayóó át'éego ádaa hó'niihgo yáníłti'í; t'áadoo ádaa hodzódlí bee hahídziihí, háálá Bóhólníihii Diyin God t'áá ałtsoní bił bééhózin, áádóó bí t'éiyá baa nida'aldeehígíí t'áá ákóne' yeinít'į́.

I SAMUEL 2:3 ပူးပေါင်းရင်းမြစ်များ

I KINGS 8:39

yá'ąąshdi kééhót'į́įdi didííts'į́įłgo nida'iisí'ígíí bá yóó'ahidí'aah doo áádóó t'ááłá'í nítínígo diné dabijéí nił bééhózingo bá dahonít'i' bik'ehgo bá ádadííliił; (háálá t'áá ni t'éiyá nihokáá' dine'é t'áá ałtso dabijéí nił bééhózin;)

JOB Naaltsoos Biyi' Job Baa Hane'ii 31:6

háni'dii bee dah nídiidlohí doo bina'adlo'ii bee shééhodoozįįł, áko doo shina'adlo'góó Diyin God bił bééhodoozįįł.

PSALMS 147:5

NihiBóhólníihii ayóó át'éii nilį́, áádóó ayóó ábóodziilii nilį́; doo bóhonee'ą́ą́góó bił ééhózin.

PSALMS 17:10

T'áá bí dabijéí doo bił adahojoobá'ígóó ádaa dadzódlíigo yádaałti'.

PSALMS 31:18

Dabiyooch'íidii ádaa daha'niihgo diné t'áá ákogi ádaaníiłii doo bił danilį́į́góó dei'į́įgo nayíyádaałti'ii bíni'dii dadéesxéelgo ánílééh.

PSALMS 44:21

da' doósh éí Diyin God bił bééhodoozįįł da? Jó, bí ajéí biyi'di nidanil'inii bił bééhózin?

PSALMS 75:5

Ayóó lá áshóodziil ni, t'áadoo danohsiní índa t'áadoo ádaa dahohniihgo nihinídahaz'áago yádaałti'í.

PSALMS 94:4

Áshohódli' yee hadahadziih índa diné doo ákwii ádaaníiłii t'áá ałtso ádaa daha'niih.

PROVERBS 16:2

Diné ájít'éii t'áá ałtso yá'ádaat'ééh jinízin, nidi Bóhólníihii éí diné biniyé ájít'íinii bił bééhózin.

PROVERBS 24:12

Shoo, díí doo nihił bééhózin da lá, diníigo, Da' Diyin God éí diné bijéí haisíidiísh doo yaa nitsíkees da? Áádóó Diyin God éí nii' sizíinii yaa áhályáaniísh doo bił bééhózin da? Éí diné t'ááłá'í jinítínígo baa nidadziskaii bik'ehgo hach'į' ninádi'yoodlééł.

PROVERBS 8:13

Bóhólníihii jidósinii éí doo yá'áshóonii jijoołxáii át'é; ádaa ha'niih áádóó ádíhólnííh áádóó doo yá'át'éehii bił dahonít'i'ii índa saad bee ák'eh ha'į́ jooshłxá.

ISAIAH 26:7

Diné t'áá ákogi ááníiłii éí doo bina'adlo'góó k'éhézdon yigááł; t'áá ákǫ́ǫ́ ááníiłii nílíinii, diné t'áá ákogi ádaat'éii bá k'íhóółdǫǫł.

ISAIAH 37:23

Háísh baa'ihgo bá nahółt'i'go yínídzíí'? Háíyee' bich'į' t'áá na'níle'dii háínídzíí'? Háíyee' bich'į' ádaa dzíínídlíigo háíníghal? Ízrel dine'é biDiyin nilíinii bich'į' lą́ą.

JEREMIAH 17:10

Bóhólníihii nishłíinii diné t'ááłá'í nítínígo yee át'éii bik'ehgo, índa ádajooníłígíí bee bineest'ą' bik'ehgo hach'į' ninádi'yeeshdlééł biniyé hajéí haasííd áádóó háni' há nidaashkaah.

EZEKIEL 35:13

Áko shich'į' ádaa dzíínídlíigo shik'ijį' yáníłti'go áádóó shik'ijį' nílį́įgo saad t'óó ahayóí shich'į' ahíínínil; shí diséts'ą́ą́'.

DANIEL 4:37

Áko k'ad shí Nébukadnézzar yinishyéii yá'ąąshdi Aláahgo Naat'áanii baa hashniih áádóó agháago baa hashniih índa shił nilį́, háálá t'áá ałtsojį' ts'ídá t'áá ákogi át'éego áánííł índa yaa naagháii doo haada yit'ée da; t'áá háiida ádaa dzódlíigo yigáłígíí akéédę́ę́' niidoołt'eełgo yíneel'ą́.

DANIEL 5:27

Tííkel, nínígíí díí ááhyiłní: ałts'ą́ąhjį' dah hidiidlohí bee dah ni'diidlo'go a'oh níníl'ąąd.

MALACHI 3:13

Danihizaadígíí bee shidadoołkaal nít'éé', ní Bóhólníihii. Áko ádadohní, Ha'át'íishą' bee nidadiilkaalgo yádeiilti' nít'éé'?

HEBREWS 4:12

Háálá Diyin God bizaad éí hiná, áádóó bidziilgo naalnish. Diltłish ałts'ą́ąjį' deeníinii bilááh át'éego deeníigo ha'áni' índa hwii' sizíinii ałts'áyiinííł, ahadadit'ą́ índa awol nidi ałts'áyiinííł. Hajéí bii' nitsáhákees índa íiznízinii há neiłkaah.

JOSHUA 22:22

Diyin God, Diyin God, éí Bóhólníihii nilíinii, Diyin God, Diyin God, éí Bóhólníihii nilíinii, éí díí bił bééhózin, índa Ízrel dine'é t'áá bí bił béédahodoozįįł! Nideiilteehgo, doodaii' Bóhólníihii bich'į' doo ákǫ́ǫ́ ádeiit'į́į́góó, áko díí jį́ yisdánihóónííł lágo,

REVELATION 2:23

Áádóó asdzání ba'áłchíní bits'ą́ą́' nideestsił. Áko da'oodlání áłah nídaadleehii t'áá ałtso éí diné bintsíkees índa bijéí haisíidii nishłį́įgo bił béédahodoozįįł. Índa t'ááłá'í nootínígo ádaoht'įįdígíí bik'ehgo k'ééhodidoodlííł.

JUDGES 9:38

Ákohgo Zííbal áhodííniid, Háájíshą' ádííníniid yę́ę silį́į'go ádíní, Abímelekshą' ha'át'íí jílį́įgo há nideiil'a' dooleeł? Díí diné ni'ínígíísh ádaat'į́? K'ad nílááh, bił da'ahígą́.

I SAMUEL 16:7

Nidi Bóhólníihii éí Sámuel áyidííniid, Bííyis jinoolninígíí, doodaii' ázníłtsooígíí t'áadoo nabik'ítsíníłkeesí, háálá doo honisin da; jó, diné ha'asíidgo aníł'ínígi át'éego Bóhólníihii éí doo diné haisíidgo yiníł'į́į da, háálá nihokáá' dine'é éí diné ánoolninígíí yiníł'į́, nidi Bóhólníihii éí ajéí haisíidgo yiníł'į́.