I SAMUEL 10:3 - Navajo Bible

³ Áádóó nówehjį' náás dah náádooht'áazhgo Téíbor chéch'il sikaadíjį' woh'ashgo diné tált'éego Béthel haz'ání góde Diyin God yich'į' nidahodoohłaał yiniyé yikahgo bidááh dooh'ash: ła' éí tł'ízí yázhí táa'go yoojih doo, náánáła' éí bááh táa'go yoojih doo, áádóó náánáła'ígíí éí tó abid yee wáin yoołtsos doo.

I SAMUEL 10:3 ပူးပေါင်းရင်းမြစ်များ

GENESIS 35:3

Áko sołtį', Béthel góde dii'nééł; áadi Diyin God bich'į' náádi'yeesh'nih biniyé bikáá' náá'iiniihí ádeeshłííł; shich'į' nahwii'ná yę́ędą́ą́' éí shich'į' ééhoosinii éí t'áá naasháágóó shaa áhályą́ą́ nít'éé'.

GENESIS 35:1

Diyin God éí Jéíkab áyidííniid, Dah diinéehgo Béthelgóó dínééh; áadi kénááhót'į́į doo; ákwe'é Diyin God bich'į' náádi'yííłnih biniyé bikáá' náá'iiniihí ádíílííł; nínaaí Íísa bits'ą́ą́' yóó'íínílwod yę́ędą́ą́' ákwii nich'į' yit'íní í'diishyaa.

GENESIS 28:22

áádóó tsé íí'áago íishłaaígíí éí Diyin God bighan doo, áádóó t'áá ałtso shaa hidí'aahígíí neeznáá daníjaa'ígíí éí t'ááłá'í shijaa' naa náhidish'aah doo.

GENESIS 28:19

Ákwe'é Béthel hoolyée doo, jidííniid; bitséédą́ą́' Luz hoolyéego kin haal' áá nít'éé'.

PSALMS 89:12

Náhookǫs índa shádi'ááh íinilaa, Dził Téíbor áádóó Dził Hérman bił hózhǫ́ǫgo nízhi' yaa haniih.

JUDGES 8:18

Ákohgo Zííbah índa Zalmóna ábizhdííniid, Dził Téíborgi diné nidasoołtseedígíí haa daat'éé shį́įshą' ádaał'į́? Áko ánááhodoo'niid, Ni ánít'éhígi ádaat'éé nít'éé'; éí t'ááłá'í nítínígo aláahgo naat'áanii biye'ké nidahalin nít'éé'.

JUDGES 4:12

Abínowam biye' Bérak éí Dził Téíbor si'ánígóó ííyá, ha'níigo Sísera hoł hóóne'.

JUDGES 4:6

Áko Abínowam biye' Bérak éí Kéídesh-náftalai kin haal'áagi kééhat'íinii bíká ajííł'a'go ábizhdííniid, Ízrel dine'é biBóhólníihii Diyin God díí yee ná haadzíí': Nílááh, Náftalai dine'é índa Zébyulan dine'é bisiláo neeznáadi míilgo nił yinéeł doo.

JOSHUA 19:22

Téíber kin shijaa', Shéíha-záímah kin shijaa' índa Beth-shíímesh kin shijaa' áádóó Jórdan tooh bihoodiidzo; kin dah naazhjaa'ígíí t'áá bił hastą́'áadahgo kin hadaas'áhígíí Ísakar dine'é bíí' daazlį́į́'.

JOSHUA 19:12

Séírid kin shijaa'dóó náánáłahjigo ha'a'aahjigo háá'át'áhígíí bich'į'go Kíslath-téíber kin shijaa' bihoodzooígíí bich'į'go hodeesdzo; éí áádóó Dáberath kin shijaa'góó índa Jafáíya kin haal'áá góde hodeesdzo,

LEVITICUS 23:13

Índa ómer bee í'neel'ąąhí bee ak'áán dibahí naakidi haaką́ągo éí ak'ah bił ałtahgo náádahołniih doo; éí didlidgo łikání halchingo Bóhólníihii bich' į' nááhániihii át'é, áádóó yanáadzi'go nááhániihii éí wáin t'ááłáhídi yikááł bíighahgo náádahołniih doo.

LEVITICUS 7:13

Díí bááh éí díík'ǫsh bił bááh ályaii óóltą'go nááhidoonihii ahééh hwiindzingo hózhǫ́ǫ́jí binááhániihii yił néidiyoołnih.

LEVITICUS 3:12

Néidiyoołnihii éí tł'ízí néidiyoołnihgo éí Bóhólníihii binááł nááyiiłniih doo.

LEVITICUS 3:6

Náájidi'yoołnihgo nááhidoonihii éí hózhǫ́ǫ́jí nááhániihii Bóhólníihii bich'į' nááhizhdoołnihígíí éí dibé nanilkaadii biką'ii, doodaii' bi'áadii hadaałt'éii ła' nízdidoolóosgo nááhizhdoołnih.

LEVITICUS 1:10

Áádóó nááhizhdoołnihii éí dibé bitahdę́ę́' dibé ła', doodaii' tł'ízí ła' didlidgo nááhizhdoołnihgo éí biką'ii hadaałt'éii nááhizhdoołnih.

I SAMUEL 10:4

Áko, Yá'át'ééh, danihididooniiłgo bááh naakigo nihaidooniłígíí nídidoohnił.

JEREMIAH 32:8

Nít'éé' shidá'í biye' Hanámiyel éí Bóhólníihii bizaad k'ehgo awáalyaa bich'éédą́ą'gi shaa níyá, áádóó áshidííniid, Bénjamin bikéyahdi Ánathath hoolyéedi shikéyahígíí shaa nahíłniih, háálá nahidííłnihgo níí' dooleełígíí bee ná haz'ą́, áko ádá nahíłniih. Áadi índa díí Bóhólníihii ádííniidii shił bééhoozin.

JUDGES 20:18

Áko Ízrel dine'é dah diikaigo Béthel haz'ánígóó eekai, áádóó Diyin God nideídíłkidgo haash yit'éego dooleeł, deidííniid. Nihí háidíígíishą' átsé Bénjamin dine'é yich'į' anaa' ádahodoolííł? Nít'éé' Bóhólníihii áhodííniid, Júdah dine'é átsé.

JUDGES 20:23

Áko Ízrel dine'é ákóde anááhaaskaigo Bóhólníihii yinááł daachago i'íí'ą́. Áko haash yit'éego dooleeł Bóhólníihii deidííniid, Bénjamin dine'é nihik'isóó danilíiniísh bit'ááh náádiijahgo bich'į' anaa' ánáádahodiilnííł? Áko Bóhólníihii áhodííniid, Nílááh, bik'i náánáohjeeh.

JUDGES 20:27

Áko Ízrel dine'é danilíinii Bóhólníihii bíndabízhdééłkid, (áko éí yoołkááł yę́ędą́ą́' Diyin God bitsits'aa' dílzinii éí bee aha'deet'áanii bii' sinilii ákwii si'ą́