I SAMUEL 1:4 - Navajo Bible

⁴ Áko Elkéínah náázhdi'yoołnihjį' anéíłkáahgo hwe'asdzą́ą́ Piinínah índa biyáázhké áádóó bich'é'éké t'áá ałtso éí náájiiłniihígíí łahjį' baa nízhdí'ááh,

I SAMUEL 1:4 ပူးပေါင်းရင်းမြစ်များ

LEVITICUS 3:4

áádóó bitsą́ áshk'azhí t'áá áłah áádóó bik'ah t'áá bąąhgo, éí atságah bidiit'i'ígíí, índa azid bíighahgi ak'ahígíí éí atsą́ áshk'azhí t'áá bił hazhdooniłgo t'áá bił náájiiłniih doo.

LEVITICUS 7:15

Atsį' náádahaniihii hózhǫ́ǫ́jí nááhaaznii'ii ahééh nízingo nááyiisnii'ígíí t'áá nááyiisnii' bijį́ doodį́į́ł; hoos'įįdjį' doo ła' t'áá áázdoohsįįł da.

DEUTERONOMY 16:11

Bóhólníihii nihiDiyin God binááł nihił nidahoozhǫǫh doo; nihí áádóó nihiye'ké áádóó nihitsi'ké áádóó diné nihá nidaal'a'í áádóó asdzání nihá nidaal'a'í áádóó Líívai dine'é nihitahgóó kéédahat'ínígíí áádóó dé'éyóní áádóó áłchíní bizhé'é ádaadinii índa asdzání bąąh áhásdįįdii nihitahgóó kéédahat'ínígíí éí Bóhólníihii nihiDiyin God bízhi' dólzingo óolzin doo biniyé náhodidoo'áłígi bił nihił nidahoozhǫǫh doo.