I SAMUEL 1:3 - Navajo Bible

³ Díí diné éí t'áá nináháhááh bik'eh hakin shijaa'dóó Sháíloh haz'áníjį' ałnáájídááh nít'éé'. T'áá ałtsoní bee Bóhólníihii bich'į' nináhojiłaah doo áádóó bich'į' náá'jiiłniih doo biniyé ałnáájídááh. Ákwii Íílai biye' Háfnai índa Fíniyas éí náá'iiłniihii nilį́įgo Bóhólníihii yá naal'a'.

I SAMUEL 1:3 ပူးပေါင်းရင်းမြစ်များ

PSALMS 78:60

Áko Sháílohdi diné bitahgi níbaal bii' hodílzinii niiní'ą́ągo bii' bighanígíí yóó'iidíí'ą́.

EXODUS 23:14

Táadi shich'į'go dahodíínóhsingo áłah náhdleehgo nínáhah doo.

EXODUS 23:17

Nínáhahjį' táadi nidiné t'áá ałtso Bóhólníihii Diyin God yich'į' ninákah doo.

EXODUS 34:23

Nidinéhígíí t'áá ałtso Bóhólníihii Diyin God, t'áá éí Ízrel dine'é biDiyin God nilíinii yich'į' nináhákáahgo táadi ná'ádleehgo nínáhah doo.

LUKE 2:41

Hodílzingo áłah ná'ádleeh, éí atis'adeesdzá bee bééhániihígíí t'áá baa náhwiilzhíísh góne' t'ááłá'í nináháháahgo Jesus bishchíinii Jerúsalemgóó ałnánát'ash.

DEUTERONOMY 16:16

Nínáhahjį' táadi nihí diné danohłíinii t'áá ánółtso Bóhólníihii nihiDiyin God binááł Bóhólníihii náhodidoo'áłígi bich'į' nináhkah doo; díík'ǫsh t'áágééd bááh ályaii áádóó tsosts'idi damį́įgo ná'ádleeh biiłkáhí índa chaha'ohgi hodílzingo áłah nída'adleehgi Bóhólníihii binááł náádahaniihii doo t'áágééd nídaahkah da doo.

JOSHUA 18:1

Áko Ízrel dine'é t'áá át'é Sháílohgi áłah silį́į'go ákwii níbaal bii' dahozdísinii nideiz'ą́. Ízrel dine'é éí kéyahgi kéédahat'íinii t'áá ałtso yik'eh dadeesdlį́į́'.

JUDGES 18:31

Ákohgo Máíkah bi'e'elyaii áyiilaaígíí Dan kin haal'áagi dah sizį́įgo ádayiilaa; Diyin God biníbaal bii' hodílzinii Sháíloh haz'ą́ągi si'ą́ yę́ędą́ą́' ákódayósin nít'éé'.

JUDGES 21:19

Áko ánáádadi'ní, Bóhólníihii baa áłah ná'ádleeh t'áá nináháhááh bik'eh néit'aahígíí éí Sháíloh haz'ánígi éí Béthel kin shijaa' náhookǫsjígo, Bétheldóó Shííkem kin haal'áajį' atiinígíí ha'a'aahjígo índa Lebónah kin shijaa' shádi'ááhjígo t'éí bá náhoot'aah.

I SAMUEL 1:21

Áko Elkéínah haghandóó danilíinii t'áá ałtso bił dashdiikaigo t'áá nináháhááh bik'eh Bóhólníihii bich'į' náá'iiniih nídajiił'aahígíí bik'ehgo náázhdiyoołnih áádóó ádee hazdoodzihígíí bizhdoolííł biniyé dashdiikai.

I SAMUEL 1:9

Ákohgo Sháíloh haz'ánígi da'jííyą́ą́' índa doodlį́įłii dajoodlą́ą́'dóó bik'ijį' Hánnah nízhdii'na'. Áko náá'iiłniihii Íílai éí Bóhólníihii bikin bii' sohodizinii bich'éédą́ą'gi dah sidá.

I SAMUEL 14:3

Íílai biye' Fíniyas wolyéii biye'ké Aháítab áádóó Íkabad wolyé. Áko Aháítab biye' éí Aháíjah joolyéii Sháílohgi Bóhólníihii bá náá'iiłniihii jílį́įgo íífad wolyéii biih níjídááh nít'éé'. Áko Jánathan dah diiyáhígíí diné doo bił béédahózin da.

I SAMUEL 2:19

Áádóó Sámuel hamá éí éétsoh yázhí há ánáyiil'įįhgo haa néíłtsos; t'áá nináháhááh bik'eh Hánnah áádóó hahastiin bił náázhdi'yoołnihgóó ałnáájít'ashgo nááhidoonihii náájiiłniih.

I SAMUEL 2:34

Áko díí bee nich'į' ééhózin doo: éí niye' nidilt'éego bik'i hwiidooleeł, Háfnai áádóó Fíniyas t'áá ła'óo jį́ t'áá ájíłah jidínóonéé ł.

I SAMUEL 3:13

Jó, hoł hweeshne'go ádííniid, Ha'áłchíní náás ahoolchíiłii beinísht'į́įgo ahool'áa doo; jó, doo ákwii áhát'íinii baa ákoznízingo haye'ké ádík'ijį' hoolchxį'go índa doo yóweh bijiníígóó bá nihodeesh'ááł.

I SAMUEL 4:11

Áádóó Diyin God bitsits'aa' dílzinii nídiit'ą́, áádóó Íílai biye' nidilt'éhígíí, Háfnai áádóó Fíniyas, t'áá áłah nabi'diztseed.

I SAMUEL 4:4

Áko diné danilíinii Sháílohgóó ada'as'a', áko t'áá ałtsoní biBóhólníihii bitsits'aa' dílzinii éí bee aha'deet'áanii bii' sinilii áádę́ę́' nídeidoo'ááł; éí Bóhólníihii jílíinii diyingo naal'a'í chérabim wolyéii bita'gi wódahdi hojílǫ́, áko Íílai biye'ké Háfnai áádóó Fíniyas áadi Diyin God bitsits'aa' dílzinii éí bee aha'deet'áanii bii' sinilii yéské.