I SAMUEL 1:2 - Navajo Bible

² Éí hwe'asdzą́ą́ naaki, ła' éí Hánnah wolyé, ła'ígíí éí Piinínah wolyé. Áko Piinínah ba'áłchíní hólǫ́, nidi Hánnah éí ba'áłchíní t'ah doo haleeh da.

I SAMUEL 1:2 ပူးပေါင်းရင်းမြစ်များ

GENESIS 11:30

Nidi Sérai doo ałchíígóó ba'áłchíní doo hólǫ́ǫ da.

GENESIS 25:21

Áádóó Áízak hwe'asdzą́ą́ doo ałchíi dago biniinaa Bóhólníihii nídzooskan, áko Bóhólníihii hodiizts'ą́ą'go hwe'asdzą́ą́ Rebékah i'niiltsąąd.

GENESIS 29:31

Bóhólníihii éí Líyah bijijoodláago bił bééhózin, áko jooltsą́ągo áhoolaa, nidi Réíchel éí doo ałchíi da.

GENESIS 4:19

Áádóó Léímek ba'ákéí naaki: ła' Éídah wolyé, náánáła'ígíí Zílah wolyé.

GENESIS 4:23

Léímek ha'ákéí ábijiní: Éídah áádóó Zílah, shizaad yínółts'ą́ą́'; Léímek ba'ákéí nohłínígíí, ádísh'nínígíí yínółts'ą́ą́', Háálá diné shijizhgishígíí biniinaa hoséłhį́, Índa diné ániid naagháii atíshijiilaaígíí biniinaa hoséłhį́.

MATTHEW 19:8

Áko ábijiní, Nihijéí doo binídahaz'áhígíí biniinaa niheda'asdzą́ą́ yóó'adahidoh'aahgo Mózes t'áá yee nihá has'ą́ą́ nít'éé', nidi hodeeyáádę́ę́' éí doo ákót'ée da nít'éé'.

LUKE 1:7

Ha'áłchíní ádin, háálá Elízabeth doo ałchíi da, áádóó t'áá ájíłah t'áá hazhó'ó hadzistih.

LUKE 2:36

Áádóó asdzání léi' Diyin God yá halne'ii nilį́įgo Anna yolyé, Fányowel bitsi', éí Ásher bidóone'é nilį́, t'óó ahayóí binááhai, ch'ikę́ę́h jílį́į́dą́ą́' hahastiin hazlį́į'go bił jiináago tsosts'id nááhai,

JUDGES 13:2

Áko ákwii Zórah kin haal'áádóó diné léi' Dan dine'é jílį́įgo Manówah joolyéé lá. Áko hwe'asdzą́ą́ doo ałchíígóó ha'áłchíní doo haleeh da.

JUDGES 8:30

Áko Gídiyan haye'ké tsosts'idiin, t'áá íiyisí t'áá hó ha'áłchíní, háálá hwe'asdzą́ą́ t'óó ahayóí.