II SAMUEL 7:3 - Navajo Bible

³ Áádóó Néíthan éí aláahgo naat'áanii áyidííniid, Nílááh, baa nitsíníkeesígíí t'áá át'é ánílééh; jó, Bóhólníihii nił hólǫ́.

II SAMUEL 7:3 ပူးပေါင်းရင်းမြစ်များ

II SAMUEL 7:4

Ákódzaago éí bitł'éé' Bóhólníihii t'áá bí bizaad yee Néíthan kwíidííniid,

I KINGS 1:8

Nidi náá'iiłniihii Zéídak áádóó Jiihóíyada biye' Biinéíyah áádóó Diyin God yá halne'ii Néíthan áádóó Shímiyai áádóó Ríyai índa diné dahayóii David yich'ijí danilínígíí éí doo Adonáíjah yich'ijí danilį́į da.

II KINGS 4:27

Nít'éé' dziłghą́ą'di Diyin God yá naal'a'í baazhníyáago bikee' dziiłtsood, áádóó Giihéízai nahjį' ahodoodzį́į́s biniyé áajį' niníyá. Nidi Diyin God yá naal'a'í ání, T'áadoo baa nánít'íní, háálá bii' sizíinii bide áhoot'é; éí Bóhólníihii shits'ąą neinił'ingo doo yee shił hoolne' da.

I CHRONICLES 22:7

Áádóó David éí Sálaman ííłní, Shiye' nílíinii, Bóhólníihii shiDiyin God bízhi' baa ha'niih doo biniyé kin ádeeshłííł nisin nít'éé'.

I CHRONICLES 28:2

Áko aláahgo naat'áanii David yiizį'go ání, Dashíínółts'ą́ą́', shik'isóó índa shidine'é danohłíinii, t'áá ádíiyi'ídóó kwíiniizį́į́', tsits'aa' dílzinii Bóhólníihii bibee aha'deet'áanii bii' sinilii hasht'e'si'ą́ą doogi índa nihiDiyin God bibikáá' dah adées'eezí si'ą́ą doogi ádeeshłíłígíí bá hasht'edideesh'nííł.

I CHRONICLES 29:29

David deeshnishdóó binaanish ninít'i'jį' Sámuel náásgóó áhodoonííł yaa halne'ii binaaltsoos bikáá' áádóó Néíthan éí Diyin God yá halne'ii binaaltsoos bikáá' índa Géed náásgóó áhodoonííł yaa halne'ii binaaltsoos bikáá' nídaháasdzo,

II CHRONICLES 29:25

David áádóó aláahgo naat'áanii bá náásgóó áhodoonííł yaa halne'ii Géed índa Diyin God yá halne'ii Néíthan éí nidahaz'áanii bik'ehgo niinínil. Éí béésh ahídí'niłgo diits'a'ígíí áádóó tsin tł'óół neeznáá bąąh daneelzhee'go bee nida'a'néii índa tsin tł'óół naakits'áadah bąąh daneelzhee'go bee nida'a'néii Líívai dine'é dah deíjáahgo Bóhólníihii bikin bii' sohodizin góne' niinínil, háálá kót'éego Bóhólníihii bá dahalne'ii yee haadzíí' nít'éé'.

PSALMS 20:4

Nijéí yídin nilíinii bik'ehgo neidó'ááł, índa ninahat'a' t'áá ałtso ná bohoolníiłgo áyósin le'!

PSALMS 37:4

Áádóó ałdó' Bóhólníihii baa nił nihoozhǫǫh, áko nijéí bee bídin nílíinii neidiyii'aah doo.

I John 2:27

Nidi nihí Christ bee Níłch'i Diyinii nihii' hazlį́į'go ła'da nanihizhnitin dooleełígíí doo bee nihich'į' anídahazt'i' da, háálá Níłch'i Diyinii t'áá ałtsoní yínanihiniłtin. T'áá aaníinii, éí doo wooch'ííd át'éégóó yínanihiniłtin. Áko éí bik'eh dahonoł'į́įgo t'áá áłahjį' Christ bii' dahonohłǫ́.

I SAMUEL 10:7

Áko díí bee éédahózinii nich'į' ádzaago baa nidíínaałígíí baa nanináa doo, háálá Diyin God nił hólǫ́.

I SAMUEL 14:7

Áko habee na'abaahí há neijaahígíí áhodííniid, Nijéí bee baa nitsíníkeesígíí t'áá át'é ánílééh, áádóó jó, baa nitsíníkeesii bik'ehgo nił honishłǫ́.

I SAMUEL 16:7

Nidi Bóhólníihii éí Sámuel áyidííniid, Bííyis jinoolninígíí, doodaii' ázníłtsooígíí t'áadoo nabik'ítsíníłkeesí, háálá doo honisin da; jó, diné ha'asíidgo aníł'ínígi át'éego Bóhólníihii éí doo diné haisíidgo yiníł'į́į da, háálá nihokáá' dine'é éí diné ánoolninígíí yiníł'į́, nidi Bóhólníihii éí ajéí haisíidgo yiníł'į́.