DANIEL 7:2 - Navajo Bible

² Daniel haadzíi'go ání, Tł'ée'go shił áhoodzaago yiiłtsánígíí shoo, yá'ąąshdę́ę́' t'áá dį́į́'dę́ę́' deeyolgo tónteel ayóó át'éii nayiisnáá'.

DANIEL 7:2 ပူးပေါင်းရင်းမြစ်များ

ISAIAH 17:12

Ge', tónteel ayóó íits'a' nahalingo áádóó ayóó át'éego tó t'óó ahayóí dzoołhał nahalingo ał'ąą dine'é t'óó ahayóí ayóó íits'a'go hahóół'á.

JEREMIAH 49:36

Áádóó Íílam dine'é éí t'áá dį́į́'dę́ę́' hach'į' daníyolgo ádeeshłíiłgo t'áá dį́į́'góó hoł taidooyoł. Áádóó Íílam dine'é ch'íneelkaadii éí ał'ąą dine'é t'áá ałtso bitahgóó tadzooswod doo.

JEREMIAH 51:42

Tónteel éí Bábilan kin haal'áii baa neel'ąądgo tónteel bíígháán náádiidáhígíí bik'i diilkǫ'.

DANIEL 11:4

Áko éí bee óhólníihgo bił haz'áanii nihidoodlałgo dį́į́'góó bits'ą́ą́' ałts'ádoodzoh; bits'ą́ą́dóó dayíchíihii éí doo baa didoot'áał da, doo nidi bidziilgo hoo'áałii bik'ehgo hoot'áał da doo, háálá bighadidoot'áałgo náánáła' baa dadidoot'ááł.

DANIEL 2:19

Ákohgo tł'ée'go Daniel bił áhoodzaago éí doo bééhózin da yę́ę bich'į' ííshjání silį́į́', áko Daniel éí Diyin God yá'ąąshdi hólóonii yaa haznih.

DANIEL 7:13

Tł'ée'go shił áhoodzaago, shoo, Diné Silį́į'ii nahalingo yá'ąąshdę́ę́' k'os bił yildohgo áádóó As'ahdę́ę́' Bíyoołkááł wolyéii yich'į' yigáałgo áádóó yił yaadaaskaigo yiiłtsą́.

DANIEL 7:7

Áádóó díí yiiłtsą́ągo shił ádzaaígíí nísh'į́į́ nít'éé', shoo, naaldlooshii dį́į́' góne'ígíí ts'ídá t'óó báhádzidgo áádóó t'óó bik'e'íyée'go índa ts' ídá ayóó ábóodziilgo béésh nitł'izii ayóó ádaníłtsoii biwoo'. Éí yee aldeeł áádóó adiséí índa yidziihígíí yik'i naayá. Nidaaldlooshii bilą́ąjį'ígíí éí doo yił ahedaałt'ée da; bidee' éí neeznáá yadaa'á.

DANIEL 8:2

Áko shił áhoodzaago yiiłtsánígíí éí Íílam nahós'a'gi Shúshan kin haal'áagi naashá nisin; shił áhoodzaago Yúlaii tooh nílínígíí bibąąhgi sézį́ nisin.

DANIEL 8:8

Ákohgo tł'ízíchǫǫh ayóó át'éii í'diilyaa, nidi bidziil silį́į'go bidee' ayóó át'éii k'é'éltǫ'go íí'á yę́ęgi adee' dį́į'go t'áadoo bahat'aadí hadaneesą́ągo t'áá dį́į́'góó yádiłhił bich'į'go dadeez'á silį́į́'.

ZECHARIAH 6:5

Nít'éé' diyingo naal'a'í áshidííniid, Díí yá'ąąshdę́ę́' níłch'i dį́į́' ał'ąą át'éego Bóhólníihii yidááhdóó naazį́į́ nít'ée'ii ni' nidahonees'ą́ą́góó dadeeskaígíí ádaat'į́.

MATTHEW 24:31

Áádóó dilní ayóó íits'a'go diists'ą́ą'go bidiyingo nidaal'a'í iidiyooł'aał, áko t'áá dį́į́'góó yádiłhił nidanees'ą́ą́dę́ę́' atah yiyiizláa'ii áłah ádeidoolííł.

REVELATION 17:15

Áádóó diyingo naal'a'í ánááshidoo'niid, Tooh yiniłtsánígíí, ałjiłnii yikáá' dah sidáhígíí, éí nihokáá' dine'é danilíinii áádóó diné t'óó ahayóí dayíl'áii áádóó ał'ąą dine'é bił dah nidahaz'áanii índa bizaad ał'ąą ádaat'éii éí ádaat'é.

REVELATION 7:1

Kódzaadóó bik'ijį' nahasdzáán bikáá'góó, doodaii' tónteel bikáá'góó, doodaii' tsin t'ááłá'í nidi doo bich'į' níyol da dooleeł biniyé, nahasdzáán bikáa'gi t'áá dį́į́'dę́ę́' diyingo nidaal'a'í dį́lt'éego naazį́įgo níyol dį́į'go t'ą́ą́' dayótą'go yiiłtsą́.