DANIEL 4:3 - Navajo Bible

³ Dooládó' bibee éédahózinii ayóó ádaat'ée da áádóó t'óó bik'eda'ayóii ayóó ábóodziil da; aláahgo bee bóhólníihgo bił haz'áanii éí hool'áágóó bee bóhólníihgo bił haz'ą́; éí oochííłdę́ę́' áádóó oochííłgóó hólǫ́.

DANIEL 4:3 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 25:2

Diyin God t'éiyá nant'á áádóó dólzin; agháníhóó'áadi hózhǫ́ǫgo bił haz'ą́ągo áhósin.

PSALMS 104:24

Bóhólníihii nílíinii, dooládó' binishínílnishii lą'í ał'ąą ádaat'ée da! Baa honíyą́ągo t'áá ałtso ádeinilaa. Nahasdzáán bii' nit'íinii hadeezbin.

PSALMS 105:27

Éí Ham bikéyahdi Bóhólníihii bibee éédahózinii índa t'óó bibik'eda'ayóii yit'íní áyiilaa.

PSALMS 145:13

Bee nóhólníihgo bił haz'áanii hool'áágóó hólǫ́ índa oochííłgóó t'áá ałtso bee nóhólnííh.

PSALMS 66:7

Bidziil yee hool'áágóó nant'á. Ał'ąą dine'é haisííd. Dooda yee nidaalteehii ayóó át'éego áda'dólne' lágo. Síilah.

PSALMS 72:18

Bóhólníihii Diyin God baa ha'niih le'! T'áá bí Ízrel dine'é yiDiyin God nilį́. Éí t'éiyá t'óó bik'eda'ayóii áyoolííł.

PSALMS 77:19

Tónteel biyi'góó nik'eh honít'i'; tó ayóó át'éii bii'góó ne'atiin, nidi nikék'eh hashchíín doo bééhózin da.

PSALMS 86:10

Háálá ni ayóó ánít'é, áádóó t'óó bik'eda'ayóii baa naniná; t'áá ni t'éí Diyin God nílį́.

PSALMS 92:5

Bóhólníihii nílíinii, dooládó' ninaanish ayóó ádaat'ée da! Nintsíkees t'áadoo yééhoníyąądí da!

ISAIAH 25:1

Bóhólníihii nílíinii, ni lá shiDiyin God nílį́ ni; ayóó ánít'éego ándeeshłíiłgo nííníshíigo naa hashniih doo, háálá ayóó ádaat'éii baa nisíníyáhígíí éí ałk'idą́ą́' ninahat'a' éí ba'ahódlíii índa t'áá aaníinii ádaat'é.

ISAIAH 28:29

Díí ałdó' t'áá ałtsoní bee Bóhólníihii bits'ą́ą́dę́ę́' nihwiileeh; éí ayóó ánóolningo na'nitin áádóó ayóó át'éego naanish áyoolííł.

ISAIAH 9:7

David bibikáá'dóó nahat'áii índa bee bóhólníihgo bił haz'áanii éí kodóó índa ahool'áágóó ts'ídá t'áá ó'óle' góne' át'éii áádóó t'áá ákogi át'éii chánahgo áádóó bidziilgo íidoolíiłgo bibee hoot'áałii índída bibee asht'ehodít'éii ts'ídá doo bá nihonít'i'góó k'ee'ąą yilzhish dooleeł. T'áá ałtsoní bee Bóhólníihii t'áá íiyisí bóhoneedlį́įgo díí yi'doolííł.

JEREMIAH 10:10

Nidi Bóhólníihii éí t'áá aaníí Diyin God nilį́; Diyin God hináanii nilį́įgo hool'áágóó Aláahgo Naat'áanii nilį́. T'óó báhádzidgo yee atí'éł'íinii yidiiłnáahgo nahasdzáán hidi'nááh, áko doo bił hazhǫǫhígíí yik'ee ał'ąą dine'é doo yich'į' hada'ólníi da.

DANIEL 2:2

Ákohgo aláahgo naat'áanii yaa nayiizyeelígíí bee bił náhodoonih biniyé álílee k'ehgo ída'ooł'įįłii áádóó déest'į́į́' ádeił'íinii áádóó álíleego yee nidahałáii índa Kaldíya dine'é dahóyáanii t'áá ałtso hágo yididooniiłgo yee haadzíí'. Ákohgo nidahaaskaigo aláahgo naat'áanii yidááhdóó áłah silį́į́'.

DANIEL 2:44

Áko aláahgo naat'áanii danilíinii bídayéełkaah bijį́ yá'ąąshiidę́ę́' Diyin God éí bee óhólníihgo bił haz'áanii chánah íidoolíiłii ts'ídá doo wóchxǫǫh át'ée da doo. Ts'ídá doo ła'da bee hóhólníih da doo; díí bee óhólníihgo bił dah nidahaz'áanii ałtso bił nihoníyáa doo, nidi éí bee óhólníihgo bił haz'áanii hool'áágóó hólǫ́ǫ doo.

DANIEL 4:17

Hada'ídées'į́'í yee hadaasdzíi'ii binahjį' áádóó diyingo nidaal'a'í bizaad binahjį' yee nihoní'ą́, áko diné dahináanii díí bił béédahózin doo: Aláahgo Ayóó'át'éii éí diné yee bóhólníihgo bił nahaz'ą́ą́góó yinant'á áádóó t'áá bí íinízinígíí bik'ehgo t'áá háiida yeididoo'ááł índa ts'ídá diné a'ohgo át'éii yeidiyii'aah.

DANIEL 7:14

Áádóó bee óhólníihii áádóó ayóó át'éii índa bee óhólnííh bił haz'áanii baa deet'ą́, áko diné danilíinii, ał'ąą dine'é danilíinii índa bizaad ał'ąą át'éego yee yádaałti'ii ts'ídá t'áá ałtso há nidaal'a' dooleeł. Hool'áágóó bee óhólníihii hólǫ́ǫgo éí ts'ídá doo bił yóó'ahodoogáał da índa bee óhólníihgo bił haz'áanii ts'ídá doo ádooldįįł da.

DANIEL 7:27

Áko yádiłhił biyaagi t'áá náhwiiz'ą́ą́ nít'éé' bee óhólníihgo bił haz'áanii áádóó yee nant'áii índa yee ayóó át'éii éí Aláahgo Ayóó'át'éii bidiyį́į́' bidine'é danilíinii baa didoot'ááł; bee bóhólníihgo bił haz'áanii éí hool'áágóó bee bóhólníih doo áádóó bídahólníihii bá nidaal'a' doo índa bik'eh dahół'į́į dooleeł.

ROMANS 11:33

Dooládó' Diyin God hóyą́ągo t'áá ałtsoní bił bééhózin da! Dooládó' yee nihwii'aahii doo bik'izh'dootą́ą́' át'ée da! Dooládó' bihonít'i'ii doo bééjółkaah át'ée da!

DEUTERONOMY 4:34

Doodaii' da' Diyin God kóhoolaaígíí náánáła' dine'é bitahdę́ę́' náhodiinilgo t' áá bí bidine'é jidooleełgo, na'íhonitaah yee, bee éédahózinii yee, álílee k'ehgo áhooníłígíí yee, anaa' hwiindzin yee, bíla' yee ayóó ábóodziilgo yee, bigaan bits'áhoníyée'ii yee, ts'ídá t'áá íiyisí bik'e'íyé'ígíí yee ádáásh náhodiinil? Éí Bóhólníihii nihiDiyin God nilíinii Ííjip kéyahgi t'áá ałtsojį' nihinááł nihá ákwáát'įįd.

I TIMOTHY 1:17

Doo nihonít'i'góó hoogáałii biyi' Aláahgo Naat'áanii, doo daatsaahii, doo yit'íinii, t'áá bí t'éí Diyin God [hóyáanii], hool'áágóó ahóyéel'áágóó ił nilį́į doo, índa baa ha'niih doo! T'áá ákót'ée doo.

HEBREWS 1:8

Nidi biYe' nilíinii éí kwííłní, Diyin God nílíinii, bikáá'dóó nahó'áii bikáá'dóó hóó'áałgo hool'áágóó ahóyéel'á, bee nóhólníihgo bił haz'áanii biyi' nóhólníihgo bee nééhózingo naat'á gish éí ts'ídá t'áá ákogi át'éego dah yítį́į́ł.

HEBREWS 2:4

Diyin God t'áá bí ałdó' bibee adziilii bee béédahózinii áádóó bik'ee t'óó ił ahayóigo ádahooníiłii índa lą'ígóó álílee k'ehgo ádahooníiłii bee t'áá aaníinii át'éego yaa hoolne'. Áádóó Diyin God t'áá bí íinízingo Níłch'i Diyinii ainíláii yee t'áá aaníinii át'éego yaa hoolne'.

I PETER 4:11

T'áá ałtsojį' Jesus Christ biniit'aa Diyin God baa ha'niih doo biniyé t'áá háiida hadziidziihígíí t'áá Diyin God t'éí báhadziidziih doo; t'áá háiida áká aníjílwo'ígíí t'áá Diyin God bee adziilii hainíláhígíí bíighahgo bee áká aníjílwo' doo. Jesus Christ éí hool'áágóó ahóyéel'áágóó baa ha'niih índa bóhólníih doo. T'áá ákót'ée doo.

REVELATION 11:15

Ákohgo diyingo naal'a'í tsosts'id góne'ígíí bidilní yee ádííniidgo, yá'ąąshdi ayóó át'éego iinéé' dadiists'ą́ą'go kódadííniid, Nihokáá' bee óhólníihgo bił haz'áanii éí nihiBóhólníihii índa biChrist bee bóhólníihgo bił haz'áanii silį́į́', éí hool'áágóó ahóyéel'áágóó yinant'áa doo.