Mateo 2:2 - Kalinga Butbut

² Kun inimuscha sasan taku gway manggwanaon, “Agwan nan agwachan nan sachi ana'ay nijana' gway mangngachan alin chanan Hudyu? Inilami nan whituwon gway nampaila san chumungitan nan init gway nangipailaay nijana' as sija. Sija nan ummali ami tot chajagwonmis sija.”

Mateo 2:2 ပူးပေါင်းရင်းမြစ်များ

Nipaakammu 22:16

“Sa'on gway Hesus nan nangiwhaun san anghel'u ta iwhakana nannachaja an cha'ajuway maayuayus gway namati. Sa'on nan Kana' Dabid ja nan Amwhikaton gway amod nan padchana.”

Juan 18:37

Gwot anan Pilato an sija, “Ad ali'aot?” Anan Hesus gway summungwhat, “Si'a nan nangiwhaka gway aliya'. Ummaliya' ad asna luhung ja nijana'a' tot ipano'no''u nan atuttugwaan. Nan losanay agwad san atuttugwaan manchongor san iwhaka'.”

Hebreo 1:6

Sa'ad san mangipaaliyan Apudyus san osossa''anay ana'na ad asna luhung anana, “Cha'ajuway a'anghel'u maserpu chajagwonju losan as sija.”

Lukas 23:38

Kun iningkaw ahos nan nilista san ngatugwon nan wha''ag Hesus gway anana, “Annaja nan Alin chanan Hudyu.”

Lukas 23:3

Kun inimus Pilato an sija gway manggwana, “Si'a nan Alin chanan Hudyu?” Anan Hesus gway summungwhat, “Si'a nan nangiwhaka gway aliya'.”

Juan 5:23

tot chajagwona' san losanay taku as isun nan manchajagwancha an Ama. Ad sa'ad nan achi manchajaw an sa'on gway Ana'na achina kuhos chajagwon as Ama gway nangiwhaun an sa'on.

Juan 1:49

Kun anan Natanael gway summungwhat, “Mistuyu, si'a nan Ana' Apudyus! Si'a nan Alin chanan ijIsrael!”

Lukas 19:38

Anancha, “Piyan nan Ali gway umali san ayobhongan Apudyus! Kapu an sija na'aosossaan ta'u an Apudyus ja machaychajaw as Apudyus ad langit!”

Lukas 2:11

San sana lawhi san ilin Dabid, nijana' nan manaku an cha'aju. Sija nan Kristu gway Apu!

Juan 9:38

Kun anan chay laya'i, “Tuttugwao' si'a, Apu!” Kun nanchajaw an Hesus.

Juan 19:19

Iningkaw ahos nan impailistan Pilato kun inigkacha san krus gway anana, “Hesus gway iNazaret, nan Alin chanan Hudyu.”

Juan 12:13

nangayacha san tuhun nan palma kun ummoycha inahot as Hesus. Kun ip'aip'awchaay manggwana, “Hosanna! Piyan as sija gway umali san ayobhongan Apudyus. Machaychajaw as sija gway Alin chanan ijIsrael!”

Mateo 27:11

Sachi kun impasanguchas Hesus an Pilato gway kuwhinnachur kun inimus nan kuwhinnachur as sija gway manggwana, “Si'a nan Alin chanan Hudyu?” Kun anan Hesus, “Si'a nan nangiwhaka gway aliya'.”

Juan 20:28

Kun anan Tomas gway summungwhat an sija, “Si'a nan Apu' ja Apudyus'u!”

Mateo 21:5

“Iwhakaju san umilid Jerusalem gway manggwana: Chongyonju na, sa'ad nan Aliju umali an cha'ajuway ingwhawhana nan longagna gway nangaabwhaju san uyhun nan asno.”

Mateo 2:3

Chingngorn kun Ali Herod nan mipangkop san nanimusancha, nakuyu nan somsomo'na ja ama ahos chanan angsanay taku ad Jerusalem.