Lukas 7:22 - Kalinga Butbut

²² Kun anan Hesus gway summungwhat sasay ingwhaun Juan, “I'aju iwhaka an Juan nan inilaju ja chingngorju. Ananjuwon, ‘Sa'ad chanan na'uyap anna nan ilancha, sa'ad chanan napilay manadchayancha, sa'ad chanan naleprosi hummayucha, sa'ad chanan natuyong anna nan chongyoncha, sa'ad chanan natoy natakucha ja sa'ad chanan whawha'sigwot nipaakammu nan Whayuway Chamag an chicha.’

Lukas 7:22 ပူးပေါင်းရင်းမြစ်များ

Lukas 4:18

“Anna an sa'on nan Ispilitun Apudyus tan chinutu'anas sa'on as mangiwhaka san Whayuway Chamag sasan whawha'sigwot. Ingwhauna' as mangipaakammu sasan whayud gway magwajagwajaancha ancha ma'aila chanan na'uyap ja tot magwajaan chanan milaylajusan.

Santiago 2:5

Patpatko'ay susunud, chongyonju na. Chanan whawha'sigwot sanna luhung nan pinilin Apudyus as wha'nang san pammati ad chicha nan mitapi sasan takuway ituyajana gway sija nan ingwhawhagkana sasan mallajad an sija.

Mateo 21:14

Kun ummoy ummachayug an sija chanan na'uyap ancha napilay san Templo kun impawhayuna chicha.

Apostoles 26:18

Ipaakammum an chicha nan ukud'u tot manchu'kancha nan manghulingot ad intuyungnu chicha san padcha ja ituyungnu hos chicha san ayobhongan Apudyus manipud san ayobhongan Satanas tot ligwatan Apudyus chanan whersucha ja mitapicha sasan takuway niit'on as ugwan Apudyus kapu san pammaticha an sa'on.’

Lukas 7:21

Sa'ad san sachi chimpu impawhayuna chanan angsanay masa'sa'it san na'aya'ayasiyay sa'it ja pinerjawna chanan chimunju ancha inaanna nan uyap nan angsanay na'uyap.

Apostoles 8:7

Tan asipapa'uy chanan chimunju gway lummagwa san angsanay taku gway nilumno'ancha. Kun angsan ahos chanan napalalais ja chanan napilay gway hummayu.

Juan 1:46

Kun anan Natanael an sija, “Ama' agwad whayu as merpud Nazaret?” Kun anan Felipe an sija, “Gwaynu ta umalim ilan.”

Mateo 11:5

Ananjuwon sa'ad chanan na'uyap anna nan ilancha ja sa'ad chanan napilay manadchayancha, sa'ad chanan naleprosi hummayucha ja sa'ad chanan natuyong anna nan chongyoncha, sa'ad chanan natoy natakucha ja sa'ad chanan whawha'sigwot nipaakammu nan Whayuway Chamag an chicha.

Lukas 7:23

Ad ananju hoson piyan chanan takuway achi kun manchugwachugwa san mipangkop an sa'on!”