Lukas 6:21 - Kalinga Butbut

²¹ Piyan aju, cha'ajuway mawhitil san sana tan awni ad mapno' aju. Piyan aju, cha'ajuway maniwhiiwhil san sana tan awni ad majo'jo' aju.

Lukas 6:21 ပူးပေါင်းရင်းမြစ်များ

Mateo 5:4

Piyan chanan takuway mansasanga kapu san whersu tan liwligwaon Apudyus chicha.

Mateo 5:6

Piyan chanan takuway amod nan mamayuchaay manggwa san whayugwon Apudyus gway amachas mawhiwhittil ja mauuwaw tan mapno'cha.

Lukas 1:53

Sa'ad chanan mawhiwhittil inatchana chicha sasan whayu ingkanas nangopcha, kun sa'ad chanan whawha'nang pinerjawna chicha gway namu'yungawcha.

Lukas 6:20

Intollong kun Hesus chachay pasuyutna anana, “Piyan aju, cha'ajuway whawha'sigwot tan mitapi aju sasan takuway ituyajan Apudyus.

Lukas 6:22

“Piyan aju nu kuyaon cha'aju sasan taku, nu ila'sig cha'aju, nu pawhainan cha'aju ancha ananchaon lagwing ajuway taku kapu san manuyutanju an sa'on gway Ana' nan Taku.

Lukas 6:25

Amod a'oogjat nan ma'gwa an cha'ajuway mamabsug san sana tan awni ad nawhitil aju. Amod a'oogjat nan ma'gwa an cha'ajuway majo'jo' san sana tan awni ad nansasanga ajus amod ja maniwhil aju.

Juan 11:35

Sachi kun nalluwa as Hesus.

Juan 4:10

Kun anan Hesus gway summungwhat, “Sa'ad nu inakammum nu ngachan nan atchon Apudyus ja nu ngachanna as sa'on gway man'ochaw an si'a san chanum, si'a otjan nan man'ochaw an sa'on ad inatcha' si'a san chanumay mangatod san whijag.”

Juan 6:35

Anan Hesus an chicha, “Sa'on nan tinapay gway mangatod san whijag. Nu ngachan nan umali an sa'on achi kun puyus mawhitil ja nu ngachan nan mamati an sa'on achi kun puyus mauwaw.

1 Corinto 4:11

Ingkana san sana, mawhiwhittil ami ja mauuwaw ami, nawhiswhis'i nan silupmi ja masaplisaplitan ami ancha maid kun ustu as ingkagwanmi.

2 Corinto 11:27

Naunguungerra' ahos ja naliglikatana'ay nanterwhasu as i'ataku', nadnachi masuyapana', inippong'u nan mawhitil, nadnachi mallauna', inippong'u nan ma'umog ja ma'uyangan san silup as mangipachornat san longag'u.

2 Corinto 12:10

Sija nan kapu an Kristu mapno'a' san ina'apsut'u, san mapabpawhainana', sasan likat'u, sasan palikat'u kapu an Kristu ja a'oogjatay ma'ma'gwa. Tan sa'ad nu chimpun nan umapsuta', pumigsaa'.

2 Corinto 6:10

Ta'on nu nadnachi pasangaon cha'ami, patinajunay nayagsa' ami. Wha'sigwot ami gwon ama ekas impawha'nangmi nan angsanay taku kapu san pammaticha. Maid kun mawhalinmi gwon nan inatuttugwaana agwad nan losan an cha'ami kapu an Apudyus.

Santiago 1:12

Piyan nan takuway anna nan chachagsonon nan somsomo'na gway mangilan san pammatina. Tan sa'ad nu iyyattomna chi agwatona nan whijag gway maid kun pungpungna as makanabna gway sija nan ingwhawhagkan Apudyus gway atchona san mallajad an sija.

Nipaakammu 21:3

Kun chingngor' nan towhakay kinga gway nerpu san tukaw nan mangituyay gway manggwana, “Chongyom, hummu'nag nan chimpuna gway sa'ad nan ingkagwan Apudyus chanan taku ad na'aumilis sija an chicha. Chicha nan takuna ja sa'ad as sija iingkaw an chicha ja sija nan Apudyuscha.

Nipaakammu 7:16

Achicha kun puyus asin mawhitil ja mauwaw. Achicha kun puyus ki'naon asin nan init ja maid kun i'alin nan amochay atung nan init san longagcha.