Lukas 6:14 - Kalinga Butbut

¹⁴ Annachaja nan ngachancha: Simon gway nginadnanas Pedro ja as Andres gway sunudna, cha Santiago an Juan, cha Felipe an Bartolome,

Lukas 6:14 ပူးပေါင်းရင်းမြစ်များ

Mateo 10:2

Annachaja nan ngachan chanan nasagwayan as chugwaay apostoles: Umuunna ad ekas Simon (gway ma'gwaniyon Pedro) asiyot as Andrew gway sunudna, Santiago gway ana' Zebedeo ja as Juan gway sunudna.

Mateo 10:3

Asiyot cha Felipe an Bartolome, Tomas, Mateo gway manchachakup san hugwis, Santiago gway ana' Alfeo ja as Tadeo,

Mateo 4:18

Sa'ad san manadchadchayanan Hesus san tayantag nan whaywhay gway Galili, inilana nan chugwa mansunud gway Simon gway mangngachan Pedro ja Andres. Ikaokaobcha nan akaidcha san whaywhay tan mangii'ancha.

Mateo 4:21

Ummachajucha kusan nanadchadchayanancha inilana nan chugwa mansunud gway Santiago an Juan gway ana' Zebedeo. Iniingkawcha san whang'a gway huyunchas Zebedeo gway amacha gway iperroperrogcha nan akaidcha kun inajakan Hesus chicha.

Mer'us 1:19

Akagcha kun ummachaju san nanadchadchayanancha inilan Hesus nan mansunud gway Santiago an Juan gway ana' Zebedeo. Iniingkawcha san whang'acha gway iperroperrogcha nan akaidcha.

Mer'us 1:29

Lummagwa ku cha Hesus san sinagoga ummoycha ancha Santiago an Juan san hoyoy cha Simon an Andres.

Mer'us 14:33

Inghuyogna kun cha Pedro, Santiago ja Juan illukinaay sumanga as amod ja nakuyu nan somsomo'na.

Mer'us 3:16

Annachaja nan chinutu'anaay nasagwayan as chugwa: Simon (gway nginachanan Hesus as Pedro);

Mer'us 5:37

Kun iyachin Hesus chanan taku mihuyog an sija. Ahus as Pedro ja cha Santiago an Juan gway mansunud as iyujanaay mihuyog.

Mer'us 9:2

Lummaus ad nan onom gway erkaw inghuyog Hesus as Pedro ja cha Santiago an Juan kun iyoyna chicha san nata'nang gway whilig gway ahuscha ekay. Gwot nanohos nan ilan Hesus san sakkangcha.

Lukas 5:10

Nataag ahos nan huhuyunnaay cha Santiago an Juan gway anana' Zebedeo. Kun anan Hesus an Simon, “Achi'a umogjat, malluki san sana taku chanan ayusom gway mamatiyom chicha an sa'on.”

Lukas 5:8

Inilan kun Simon Pedro nan na'gwa nampalintumong san sangun Hesus kun anana, “Apu, achajugwana' tan humersuwhersuwa'!”

Lukas 6:13

Mawhikat kun inajakana chachay pasuyutna kun pummili an chicha as nasagwayan as chugwa gway inagwakana hos as apostoles.

Lukas 6:15

cha Mateo an Tomas, as Santiago gway ana' Alfeo ja as Simon gway ananchaon Patriota,

Juan 1:45

Kun inanap Felipe as Natanael gwot inchasana kun anana an sija, “Inchasanmis sija gway chay illistan Moses san nibyun nan Lintog ja illistan ahos chachay profetan Apudyus. Sija as Hesus gway iNazaret gway ana' Josep.”

Juan 14:8

Anan Felipe, “Apu, ipailam an cha'ami as Ama ta mapno' ami.”

Juan 6:5

Mantollong kus Hesus gwot inilana nan angsanay takuway umoy an sija, anana an Felipe, “Agwan na inta'u malla'uwan as tinapay as ipa'an ta'u sannachaja taku?”

Juan 6:8

Anan nan osa sasan pasuyutna an sija gway as Andres gway sunud Simon Pedro,

Apostoles 1:13

Hummu'nagcha kun ad Jerusalem ummoycha san nangngatuway ugwertun nan hoyoy gway iningkagwancha. Sa'ad chanan naayus cha Pedro, Juan, Santiago, Andres, Felipe, Tomas, Bartolome, Mateo, Santiago gway ana' Alfeo, Simon gway Zelotes ja Judas gway ana' Santiago.

Apostoles 12:2

Kun impakungsurna as Santiago gway sunud Juan.

2 Pedro 1:1

As Simon Pedro na gway apostol Hesu Kristu ja mansilsilwhi an sija. Annaja nan suyat'u an cha'ajuway nangagwat san osossa''anay pammati gway inagwat ta'u kapu an Hesu Kristu gway Apudyus ta'u ja Manaku an chita'u gway patinajunay manggwa san whayu ja ustu.