Lukas 4:18 - Kalinga Butbut

¹⁸ “Anna an sa'on nan Ispilitun Apudyus tan chinutu'anas sa'on as mangiwhaka san Whayuway Chamag sasan whawha'sigwot. Ingwhauna' as mangipaakammu sasan whayud gway magwajagwajaancha ancha ma'aila chanan na'uyap ja tot magwajaan chanan milaylajusan.

Lukas 4:18 ပူးပေါင်းရင်းမြစ်များ

Mateo 11:5

Ananjuwon sa'ad chanan na'uyap anna nan ilancha ja sa'ad chanan napilay manadchayancha, sa'ad chanan naleprosi hummayucha ja sa'ad chanan natuyong anna nan chongyoncha, sa'ad chanan natoy natakucha ja sa'ad chanan whawha'sigwot nipaakammu nan Whayuway Chamag an chicha.

Mateo 12:18

“Annaja nan mansilsilwhiyo' gway pinili', sija nan ipatpatog'u ja mamasoma'. Payo' nan Ispilitu' gway ingkaw an sija, ad impailana nan ustu i'aman'uway mangu'um san losanay taku.

Mateo 12:20

Lumoy as sija sasan takuway apsut nan pammatina, ja naanus sasan takuway achicha kun matuyungan nan longagcha. Ituttuyuynaay manggwasna ingkanas mangawha' nan whayu san lagwing.

Mateo 4:16

Nawhiwhijag san manghulingot chanan taku ad aschi gwon ma'ailacha san amod gway padcha. Ta'on nu agwadcha san manghulingot ja umogjatcha matoy mapadchaancha san silaw.”

Mateo 5:3

“Piyan chanan takuway sija ekay ahus as panu'choncha as Apudyus tan mitapicha sasan takuway ituyajan Apudyus.

Lukas 4:17

gwot inatodcha an sija nan nayu'utay papil gway illistan profeta Isaias. Kun whinitwhitna nan nayu'utay papil gwot inchasana nan nisuyatan nan ananaon:

Lukas 6:20

Intollong kun Hesus chachay pasuyutna anana, “Piyan aju, cha'ajuway whawha'sigwot tan mitapi aju sasan takuway ituyajan Apudyus.

Lukas 7:22

Kun anan Hesus gway summungwhat sasay ingwhaun Juan, “I'aju iwhaka an Juan nan inilaju ja chingngorju. Ananjuwon, ‘Sa'ad chanan na'uyap anna nan ilancha, sa'ad chanan napilay manadchayancha, sa'ad chanan naleprosi hummayucha, sa'ad chanan natuyong anna nan chongyoncha, sa'ad chanan natoy natakucha ja sa'ad chanan whawha'sigwot nipaakammu nan Whayuway Chamag an chicha.’

Juan 1:41

Kun sija ummunana inggwa nan ummoyna inanap as Simon gway sunudna kun anana an sija, “Inchasanmi nan Mesias.”

Juan 12:46

Sa'on nan silaw gway ummalid asna luta tot nu ngachan ad nan mamati an sa'on achi kun iingkaw san manghulingot.

Juan 3:34

Tan sa'ad chay ingwhaun Apudyus gway ana'na iwhakana nan ukud Apudyus kapu tan naatod an sija nan losanay ayobhongan nan Ispilitun Apudyus.

Apostoles 10:38

“Akammuju nan mipangkop an Hesus gway iNazaret san namiliyan Apudyus an sija ja nangipaaliyana san Ispilituna ja nangatchana san ayobhongana an sija. Ummoy as Hesus san ailiili nanggwa san whayu ja impawhayuna chanan pinalikatan Chijabyu tan anna as Apudyus an sija.

Apostoles 26:18

Ipaakammum an chicha nan ukud'u tot manchu'kancha nan manghulingot ad intuyungnu chicha san padcha ja ituyungnu hos chicha san ayobhongan Apudyus manipud san ayobhongan Satanas tot ligwatan Apudyus chanan whersucha ja mitapicha sasan takuway niit'on as ugwan Apudyus kapu san pammaticha an sa'on.’

Apostoles 4:26

Nansakanachaay ma'akuwhat chanan ali san annaja luhung, Naayus chanan papangat gway humursu an Apudyus ja san Kristuna.’

Apostoles 4:27

“Tan tuttuwaay ad asna Jerusalem naayus gway nanuukud cha Herod an Poncio Pilato, nitapi ahos chanan aachugwan gway wha'on kus Hudyu ja chanan ijIsrael. Whinursuchas Hesus gway mansilsilwhiyom gway maid whersuna gway sija nan pinilim as Kristu.

Colosas 1:13

Insaya'na chita'u san ayobhongan Satanas kun intapina chita'u san mantuyajan nan patpatkonaay Ana'na.

Santiago 2:5

Patpatko'ay susunud, chongyonju na. Chanan whawha'sigwot sanna luhung nan pinilin Apudyus as wha'nang san pammati ad chicha nan mitapi sasan takuway ituyajana gway sija nan ingwhawhagkana sasan mallajad an sija.

1 Pedro 2:9

Gwon sa'ad as chita'u, chita'u nan takuway pinilin Apudyus. Chita'u nan papachin Apudyus gway Ali, chita'u chanan takuway niit'on as mansilwhi an Apudyus, chita'u chanan takuway ugwan Apudyus tot ipaakammu ta'u nan whayuway o'oona. Sija nan nangipayagwa an chita'u san agwachan ta'u san manghulingot gway sikuchay lagwingay ingwhihwhijag ta'u kun san sana agwad ta'u san a'erjad gway padchana gway inakammu ta'us sija.