Lukas 2:35 - Kalinga Butbut

³⁵ Ipayosgwana nan nitatayuway somsomo'cha. Ad sa'ad as si'a amod nan sasangam.”

Lukas 2:35 ပူးပေါင်းရင်းမြစ်များ

1 Corinto 11:19

Whayu nin ahos nu makoggwakoggwa aju tot maila chanan kadto' nan pammaticha.

1 Juan 2:19

Ta'on nu sikuchay huyun ta'u chicha, summiyancha an chita'u tan wha'oncha kus kadto'ay huyun ta'u. Tan nu kadto'ay huyun ta'u chicha, inainnugwancha otjan an chita'u jon summiyancha tot mipailaay wha'on kus huyun ta'u chicha losan.

Juan 19:25

Gwon agwachay summisi'ad san achani san krus Hesus as inana ja nan sunud inana ja as Maria gway asagwan Cleofas ja as Maria gway iMagdala.

Lukas 2:34

Kun ingwhakanaay pawhayugwon Apudyus nan whijagchaay sinana' an Hesus kun anana an Maria, “Chongyom na, sa'ad nannaja ana' chinutu'an Apudyus gway sija nan kapun nan lumagwingan ja matakuwan nan angsanay ijIsrael. Sija ahos nan imatun gway lagwingon nan angsanay taku.

Lukas 2:36

Sachi kun sa'ad nan osa profetaay huwhai ummoy ummachayug an chicha. Sa'ad nan ngachanna as Ana gway ana' Fanuel gway kana' Aser. Pitun tagwon nan nanaassawwancha an asagwana kun nawhayus sija ingkanas gwayumpuyu ja opat nan tagwonna. Sijasija umoy san Templo gway manchajaw an Apudyus san inerkaw ja nilawhi gway nadnachi mallugwayu ja mallaun. Nanjaman as sija an Apudyus kapu san ana'ay Kristu kun ingwhakana nan mipangkop san ana' san losanay manuullay san Mesias gway umali ta gwajagwajaana nan ijIsrael.