Lukas 12:37 - Kalinga Butbut

³⁷ Piyan chanan mansilsilwhi gway sa'ad nan amucha kinatngana chicha gway hummawhangon. Tuttuwa iwhaka' an cha'aju gway manuser san usern nan mansilsilwhis sija ad impatu'chuna chicha san oo''anan ad chinurnguwana chicha pa'anan.

Lukas 12:37 ပူးပေါင်းရင်းမြစ်များ

Mateo 24:42

“Sija nan patinajunay na'asakana aju tan achiju kun akammu nan umaliyan Apuju.

Lukas 12:36

Isugwonju chanan mansilsilwhiyay manguullay san amucha gway ummoy na'abyay tot humu'nag ad ja man'ab'ab, manijigkatcha san onob.

Lukas 12:43

Piyan na sanatay mansilsilwhi nu humu'nag nan amuna gway ochasanas sija gway manggwamanggwa san terwhasuway nitayo' an sija.

Lukas 17:8

Wha'on! Gwon sija iwhakam an sija nan, ‘Isakanam nan ano' ad asi'aot mansu'at ad chinurnguwana' sanna mangamangana' ad mappunga' ad mangan asi'aot mipasu mangan.’

Lukas 21:36

Ammanju whantajan nan losanay chimpu, ilugwayuju ta agwad pigsajuway lumisi san losanay ma'gwa ja mawhalinay sumangu aju an sa'on gway Ana' nan Taku.”

Lukas 22:27

Tan ngachan nan napatpatog, chay osa tummu'chu san oo''anan gwinnu chay osa mansilwhi an sija? Ad wha'on say tummu'chu san oo''anan? Gwon sa'ad as sa'on gway anna an cha'aju sa'on nan mansilwhi an cha'aju.

Juan 12:26

Nu ngachan nan mansilwhi an sa'on maserpu mitunud an sa'on. Ad sa'ad nu agwan nan agwad'u agwad ahos as sija. Nu ngachan nan mansilwhi an sa'on ichajaw Ama.”

1 Corinto 2:9

Gwon anana san nilistaay Ukud Apudyus, “Nan achin kunan taku inila ja chingngor ancha achina kun namnamaonay ma'gwa, insakanan Apudyus sasan mangipatog an sija.”

Filipos 1:21

Tan an sa'on, mawhijaka' tot pachajagwa' as Kristu. Ad nu matoja' sinumamod whayu tan iya' an sija.

Filipos 1:23

Mansikab as piliyon na. Whayugwo'ay sumina sanna whijag ad ummoja' nijamung an Kristu tan sinumamod na whayu an sa'on.

2 Pedro 1:11

Ad mallaylajad as Apudyus gway mangipakatong an cha'aju san maid pungpungnaay mantuyajan Apu ta'uway Hesu Kristu gway Manaku an chita'u.

2 Pedro 3:14

Sija nan, patpatko'ay susunud san pammati, sa'ad tan sijana nan uullajonju igkaju nan lobhongju ta nachayus aju ja maid ma'gwaniyanju san mangilan Apudyus ja sissija nan ma'ahubuyunanju an sija.

Nipaakammu 14:13

Sachi kun chingngor' nan kinga nerpud langit gway manggwana, “Ilistam nannaja: Malluki san sana, piyan chanan matoy san mansilwhiyancha an Apu!” “Sija,” anan nan Ispilitun Apudyus. “Achicha kunon mapalikatan tan suwhalitan Apudyus nan whayuway inggwacha.”

Nipaakammu 16:15

Anan Hesus, “Chongyonju, maanaliya' gway isun nan manaa'aw! Piyan nan taku hummawhangon ja nansasagkanas silupna tot achis sija manadchayan gway nampoponnas ja achi miwhawhain sasan taku!”

Nipaakammu 3:21

Nan mangawha' san lagwing, atcha' as alintokanay ma'atu'chu an sa'on gway ma'atuyay gway isu'ay nangawha' kun na'atu'chuwa' an Ama gway na'atuyay an sija.

Nipaakammu 7:17

Tan sija mangaaygwan an chicha nan Uyhunay Kernero gway summisi'ad san sangun nan tukaw nan mangituyay. Ichayanna chicha san obob gway mangatod san whijag. Ad Apudyus nan mamunad san losanay luwacha.”