Lukas 1:77 - Kalinga Butbut

⁷⁷ ta ipaakammuna nan matakuwan chanan takuna kapu san malligwatana sasan whersucha.

Lukas 1:77 ပူးပေါင်းရင်းမြစ်များ

Apostoles 10:43

As sija nan ipano'no' chanan losanay profeta gway kapu an sija ligwatan Apudyus chanan whersun nan losanay mamati an sija.”

Apostoles 5:31

Sa'ad as Hesus impangatun Apudyus gway impatu'chunas sija san machigwananna as Mangipanguyu ja Manaku tot magwajaan ta'uway ijIsrael gway manchu'kan ta'u chanan lagwing gway o'oon ta'u tot ligwatan Apudyus chanan whersu ta'u.

Apostoles 2:38

Kun summungwhat as Pedro an chicha gway manggwana, “Manchu'kanju chanan whersuju ad nampahonjag nan gwaschi osa an cha'aju gway mangipaakammu gway Apuju as Hesu Kristu tot ligwatan Apudyus nan whersuju ad chagwatonju nan Ispilitun Apudyus gway atchona gway maid kun oyosna.

Apostoles 3:19

Sija nan manchu'kanju nan whersuju ja managkulin aju an Apudyus tot ligwatana chanan whersuju

Juan 1:34

Ad kapu tan inila' nannaja na'gwa an Hesus, ta'choya' gway sija nan Ana' Apudyus.”

Juan 1:29

Mawhikat kun inilan Juan as Hesus gway takangay mi'atum an sija kun anana, “Anchiya nan Kerneron Apudyus gway michatun gway malligwat san whersun nan losanay takud asna luta!

Lukas 3:6

Ad nailan nan losanay taku nan manakuwan Apudyus.’ ”

Lukas 3:3

Gwot ummoy as Juan san losanay ili gway nampali'gwos san gwanggwangay Jordan kun impaakammuna sasan taku gway manchu'kancha chanan whersucha ad nampahonjagcha tot ligwatan Apudyus nan losanay whersucha.

Efeso 1:7

Kapu san chayan Kristu gway ummigwang san natojana, nagwajagwajaan ta'u gway pijaona ukuchon niligwatan Apudyus nan whersu ta'u. Na'gwa nannaja kapu san inawhayun Apudyus gway maid kun mijisugwana

Roma 3:25

Impaalin Apudyus as sija gway matoy san krus gway mangi'ayu san chusan nan whersun nan taku tot ligwatan Apudyus nan whersucha kapu san mamatiyancha gway sija nan nichatun san whersucha. Amaschi nan inggwan Apudyus tot ipailanaay ustu nan o'oona. Tan sa'ad nan na'gwa san nugwan, inanusana ja impayausna nan whersun chanan taku. Gwon san sana achina kun ipayaus nan whersun chanan taku tot ipailanaay ustu nan o'oona ja iwhilangna as ustu san mangilana chanan mamati an Hesus.

Apostoles 19:4

Kun anan Pablo, “Sa'ad nan nanghonjakan Juan, sija nan mangillan san manu'ukancha san lagwingay o'ooncha. Ingwhakawhakana gway maserpu tuttugwaoncha nan umali mipasu an sija gway as Hesus.”