Lukas 1:33 - Kalinga Butbut

³³ Ad sija nan man'alin chanan kana' Jacob as ingkaingkana. Ad sa'ad nan mantuyajana maid kun mappungana.”

Lukas 1:33 ပူးပေါင်းရင်းမြစ်များ

Hebreo 1:8

Gwon nu mipangkop san Ana'na, anana, “Sa'ad nan mantuyajam Apudyus, ingkaingkana ja nalintog nan intuttuyaynu san mantuyajam.

Nipaakammu 11:15

Ad sa'ad nan mi'apituway anghel sinapujana nan tangkujubna. Kun iningkaw chanan towhakay kinga nerpud langit gway manggwana, “Malluki san sana, maid kun uchum as mantuyay san losanay taku nu achi ahus as Apudyus ta'u ja nan Kristuway impaalinad asna luta ad sija nan mantuyay as ingkaingkana.”

Mateo 28:18

Ummachayug kus Hesus anana an chicha, “Naatod an sa'on nan losanay ayobhongan ad langit ja ad asna luta.

Galacia 3:29

Ad sa'ad tan agwad aju an Kristu, miwhilang aju as kana' Abraham ja ma'augwa aju san ingwhawhagkan Apudyus an Abraham.

Roma 9:6

Ta'on nu aachugwan sasan ijIsrael nan achi kun namati an Kristu, wha'on kus ana'on achi kun natungper nan ingwhawhagkan Apudyus gway atchona an chicha. Tan wha'on kus losanay ijIsrael takun Apudyus.

Galacia 6:16

Pawhayugwon Apudyus nan whijag chanan mawhiwhijag sannachaja tudtuchu ja achakugwana chicha losan. Chicha nan kadto'ay takun Apudyus.

Filipos 3:3

Gwon chita'u nan kadto'ay nasuglitan tan chita'u nan manchaychajaw an Apudyus kapu san whachang nan Ispilituna. Ipangpangas ta'u as Kristu Hesus ad wha'on kus sija mantayo'an ta'u chanan lintog ja ukali gway iwhakan chanan taku gway maserpu suyuton ta'u

Mateo 1:1

Annachaja nan listaan nan nerpugwan Hesu Kristu gway nerpu san kana' Ali Dabid gway nerpu ahos san kana' Abraham.

Lukas 1:34

Kun anan Maria san anghel, “Ininonma ninaay ma'gwa ama' agwad nanghog an sa'on?”