Juan 9:5 - Kalinga Butbut

⁵ Sa'ad sannaay agwacha' ad asna luta sa'on nan silaw gway mamadcha san somsomo' chanan taku ad asna luta.”

Juan 9:5 ပူးပေါင်းရင်းမြစ်များ

Mateo 4:16

Nawhiwhijag san manghulingot chanan taku ad aschi gwon ma'ailacha san amod gway padcha. Ta'on nu agwadcha san manghulingot ja umogjatcha matoy mapadchaancha san silaw.”

Mateo 5:14

“Mijisu aju san silaw gway mamadcha san somsomo' chanan taku san luhung. Sa'ad nan cha'or iliyay agwad san tu'tu' nan whilig wha'on kus milingob.

Lukas 2:32

Mijagwat as sija san silaw gway mangipaakammu san mipangkop an Apudyus sasan wha'on kus Hudyu ja kapu an sija mapachajagwan chanan takum gway ijIsrael.”

Juan 12:46

Sa'on nan silaw gway ummalid asna luta tot nu ngachan ad nan mamati an sa'on achi kun iingkaw san manghulingot.

Juan 8:12

Gwot inasin Hesus iyagwat sasan taku gway manggwana, “Sa'on nan silaw nan luhung. Nu ngachan nan mitunud an sa'on achi kun puyus manadchayan san manghulingot jon agwad an sija nan silaw gway mangatod san whijag.”

Apostoles 13:47

Tan annaja nan ingwhilin Apudyus an cha'ami gway manggwana: ‘Chinutu'a' si'a as isun chi silaw gway mamadcha san somsomo' chanan wha'on kus Hudyu tot ipaakammum nan matakuwan chanan taku san intiluway luhung.’ ”

Apostoles 26:18

Ipaakammum an chicha nan ukud'u tot manchu'kancha nan manghulingot ad intuyungnu chicha san padcha ja ituyungnu hos chicha san ayobhongan Apudyus manipud san ayobhongan Satanas tot ligwatan Apudyus chanan whersucha ja mitapicha sasan takuway niit'on as ugwan Apudyus kapu san pammaticha an sa'on.’

Apostoles 26:23

gway sa'ad nan Kristu mapalikatan ja sija nan umunaay mataku san otoy tot sija nan mangipaakammu san silaw gway manaku sasan Hudyu ja sasan wha'on kus Hudyu.”

Efeso 5:14

tan nan losanay mapadchaan pumadcha. Sija nan niwhakaay, “Humangon'a, si'aay nasusujop ja mataku'a san otoy ad pinadchaan cha'a an Kristu.”

Nipaakammu 21:23

Ad nan sachi ili wha'on kus maserpuna nan init ja huyan gway mamadcha tan padchaan nan inachajaw Apudyus ja sa'ad nan silawna Uyhunay Kernero.