Juan 21:16 - Kalinga Butbut

¹⁶ Kun piniggwan Hesus gway manggwana, “Simon gway ana' Juan ad ipatpatognus sa'on?” Anan Pedro an sija, “Oon Apu, akammumay ipatpatog'us si'a.” Kun anan Hesus an sija, “Whantajam chanan mamati an sa'on gway isun chanan kernero.”

Juan 21:16 ပူးပေါင်းရင်းမြစ်များ

Mateo 2:6

‘Cha'ajuway takud Betlehem san ilid Judea, wha'on kus anan chanan mangituyay ad Judea gway mangudchi aju ili tan merpu an cha'aju nan mangituyay gway mangijamuut sasan taku' gway ijIsrael.’ ”

Mateo 25:32

Ad naayus san sangu' nan losanay taku ad nan'aggwao' koggwaon chicha san isun nan o'oon nan mampaspastur sasan ajam gway pinasigna chanan kernero sasan erching.

Mateo 26:72

Kun asin ahos Pedro insulib gway nansapata gway manggwana, “Achi' kun akammu nan sanatay taku.”

Lukas 19:10

Tan sa'ad as sa'on gway Ana' nan Taku ummaliya' ta anapo' ja takuwo' chanan takuway nataya'.”

Juan 18:17

Kun anan chay huwhai an Pedro, “Ad achi si'a hos nan osa sasan pasuyut nan sachi taku?” Kun anan Pedro, “Wha'ona' kun.”

Juan 18:25

Sissija as Simon Pedro gway summisi'ad gway manaannichu. Kun anancha an sija, “Ad achi si'a hos nan osa sasan pasuyutna?” “Wha'ona' kun,” anana gway nangisulib.

Juan 21:17

Kun pinitlun Hesus anan an sija, “Simon gway ana' Juan, ad ipatpatognus sa'on?” Kun lummagwing nan somsomo' Pedro san impitlun Hesus anan an sijaon, “Ad ipatpatognus sa'on?” Kun anan Pedro an sija, “Apu, akammum nan losan. Akammumay ipatpatog'us si'a!” Kun anan Hesus an sija, “Whantajam chanan mamati an sa'on gway isun chanan kernero.

Apostoles 20:28

Ad ammanju ilan nan whijagju ja chanan losanay maayuayusay namati gway impaijachug nan Ispilitun Apudyus an cha'ajuway mangipangpangu. Aygwananju chanan maayuayusay namati an Apudyus gway sina'ana kapu san chayan nan Ana'na.

Hebreo 13:20

Ta'okot nu as Apudyus gway mangipagkulin an cha'aju an sija nan manggwa an cha'aju as maid man'uyanganju san losanay whayu tot oonju nan whayugwona pa'gwa. As sija nan nanaku an Apu ta'uway Hesus gway sija nan Angatuwanay Mampaspastur gway mangaaygwan an chita'uway kernerona. Tinakuna as Hesus tot kapu san chayana gway ummigwang sachi nan nangipailaay na'atuyag as Apudyus an chita'u as ingkaingkana. Ta'okot nu as Apudyus kapu an Hesu Kristu nan manggwa an chita'u as takuna gway masomana. Machaychajaw as sija as ingkaingkana. Amen.

1 Pedro 2:25

Mijagwat aju sasan kernero gway maid kun akammuchas tuyungoncha gwon san sana nanagkulin aju an Kristu gway Mangipastur ja Mangijaachug an cha'aju.

1 Pedro 5:2

Anna amma' iwhaka an cha'ajuway aygwananju chanan takun Apudyus as isun nan mampaspastur gway aygwanana chanan kernerona. Oonju na wha'on kusan mapilit aju gwon oonjuway merpu san somsomo'ju tan sijana nan whayugwon Apudyus. Oonjuway wha'on kusan mangkamkam aju gwon ikakadto'juway mansilwhi.

Nipaakammu 7:17

Tan sija mangaaygwan an chicha nan Uyhunay Kernero gway summisi'ad san sangun nan tukaw nan mangituyay. Ichayanna chicha san obob gway mangatod san whijag. Ad Apudyus nan mamunad san losanay luwacha.”