Juan 20:15 - Kalinga Butbut

¹⁵ Kun anan Hesus an sija, “Ka'a man maniwhiiwhilay? Ngachan nan anaanapom?” Anan eka Mariaon sija nan mangkerkerchin, sija nan anana an sija, “Apu, nu illajawnus sija iwhakam nu agwan nan nangijajam an sija ta iya' ayan.”

Juan 20:15 ပူးပေါင်းရင်းမြစ်များ

Mateo 12:34

Isuju chanan nasi'ap gway uyog! Sa'ad tan lagwing ajuway taku maid kun ininonjuway manapapat as whayu. Tan nu ngachan nan iwhakan nan tupo' sachi nan merpu san somsomo'.

Mateo 28:5

Kun anan chay anghel sasay hubhuwhai, “Achi aju umogjat tan akammu'ay as Hesus gway chay nilansa san krus nan anaanaponju.

Mer'us 16:6

Kun anan chay laya'i an chicha, “Achi aju mataag. Umali ajuway manganap an Hesus gway iNazaret gway chay nilansa san krus. Nataku as sija, maid kun sannaja. Ilanju nan nangigkaancha san lachagna.

Lukas 2:44

Anancha kunnu agwad san huyogcha sija nan inerkawcha manadchadchayanay lumajaw. Awni kun iyukudcha as sija sasan chochogkacha ja huhuyuncha.

Lukas 24:5

Ummogjatcha kun ja nampa'yobcha san luta anan chachay chugwa laya'i an chicha, “Kajuman anaanapon nan mawhiwhijag san ikaw chanan natoy?

Juan 1:38

Nantulili kus Hesus inilana chichaay mituntunud an sija. Kun anana an chicha, “Ngachan nan anaponju?” Kun anancha an sija, “Rabbi, agwan nan iingkagwam?” (Nan pijaona anan nan apapat gway “Rabbi”, Mistuyu.)

Juan 18:4

Sa'ad tan aagkammun Hesus nan losanay ma'gwa an sija ummoy nijahot an chicha kun anana an chicha, “Ngachan nan anaponju?”

Juan 18:7

Kun asin Hesus inimus an chicha gway manggwana, “Ngachan nan anaponju?” Kun anancha, “As Hesus gway iNazaret.”

Juan 20:13

Kun inimuscha an sija gway manggwana, “Ka'a man maniwhiiwhil?” Kun anana an chicha, “Illajawcha nan Apu' kun achi' kun akammu nu agwan nan nangijajancha an sija!”