Juan 19:15 - Kalinga Butbut

¹⁵ Gwon impa'uycha gway manggwana, “Ipaotoynus sija! Ipaotoynus sija! Pailansam san krus!” Anan Pilato an chicha, “Whayugwonju pailansa' san krus nan aliju?” Kun anan chachay papangat nan papachi gway summungwhat, “Maid kun uchum as alimi nu achi ahus nan Emperador!”

Juan 19:15 ပူးပေါင်းရင်းမြစ်များ

Mateo 22:17

Ad iwhakamud an cha'ami nu ngachan nan anam sina. Ad mijuja san lintog gway mangwhajadta san hugwis san Emperador gwinnu achi?”

Lukas 23:18

Gwon nakigsan nampa'uy chanan taku gway manggwana, “Paotoynu nan sanatay taku ad impayagwam an cha'ami as Barrabas.”

Juan 18:31

Gwot anan Pilato an chicha, “Ilajawjus sija ad inu'umjus sija san mijaya san illilintogju.” Kun anan chachay Hudyu an sija, “Wha'on kus mijuja an cha'ami gway otojonmi nan osa taku.”

Juan 19:6

Gwot inilan ad chachay papangat nan papachi ja chachay mangijaachug san Templo as sija inip'awcha gway manggwana, “Pailansam san krus as sija! Pailansam san krus as sija!” Anan Pilato an chicha, “Ilajawjus sija ad cha'aju ekay nan mangilansa an sija san krus tan maid kun inchasa' as whersuna.”

Apostoles 13:28

Ta'on nu maid inchasancha as kapun nan mangipaotojancha an Hesus, impapilitchaay ipaotoy Pilato as sija.

Apostoles 21:36

Tan nituntunud chanan amochay taku gway asipapa'uy gway manggwana, “Otojonjus sija!”

Apostoles 22:22

Nanchochongngor chanan taku an Pablo ingkana san nangiwhagana san sachi gwot ummorjacha gway manggwana, “Otojonju nat! Wha'on kus lobhongna mataku nat!”