Juan 17:15 - Kalinga Butbut

¹⁵ “Wha'on kus ochagwo' gway aanom chicha ad asna luhung jon whantajam chicha an Satanas.

Juan 17:15 ပူးပေါင်းရင်းမြစ်များ

Mateo 5:37

Gwon iwhakam ekay ‘Oon,’ nu oon gwinnu ‘Wha'on,’ nu wha'on. Nu ngachan sinat nan ijutupju sannaja merpu an Satanas.”

Mateo 6:13

Achi cha'ami ituyung san masulisukanmi jon iligtas cha'ami san lagwingay o'oon Satanas.’

Lukas 11:4

Ligwatam chanan whersumi as isun nan malligwatanmi sasan whersun chanan na'awhersu an cha'ami. Ad achim ituyung gway masulisukan ami.’ ”

Lukas 22:32

Gwon illugwayuwa' si'a, Simon tot achi mampapog nan pammatim. Ad sa'ad nu managkulin'a an sa'on papigsaom nan pammatin chanan huhuyunnu.”

Galacia 1:4

Inatod Kristu nan whijagna gway matoy tot machayusan ta'u san whersu tot kapu an sija agwad ininon ta'u mangijakay san lagwingay ayanggwa gway o'oon nan taku san sana chimpu. Inggwana na kapu tan sachi nan whinayun Apudyus gway Ama ta'u

2 Tesalonica 3:3

Gwon mantayo'an as Apu Hesus. Papigsaona cha'aju ja whantajana cha'aju san Satanas.

2 Timoteo 4:8

Sa sana, agwad nan niterterponay makanab'u kapu tan nawhijaka'ay ustu san mangilan Apudyus. Sa'ad as Apudyus gway ustu'ustu manguu'um, atchona an sa'on chi san erkaw gway mangu'umana. Ad wha'on kus ahusa' as maatchan sina gwon losan chanan mamayu ekajay manguullay san managkulinana.

1 Juan 5:18

Akammu ta'uway sa'ad nan ana' Apudyus wha'on kus ituttuyuynaay humersu tan whantajan Apudyus nan ana'na ad sa'ad as Satanas achina kun ano''on as sija.

1 Juan 5:19

Akammu ta'uway anana' chita'u an Apudyus ja losanay taku gway achi kun mamati ituyajan Satanas chicha.