Juan 16:20 - Kalinga Butbut

²⁰ Tuttuwa iwhaka' an cha'aju gway humu'nag nan chimpuway maniwhil aju ja mansimo' aju gwon sa'ad chanan takud asna luta mallagsa'cha. Sa'ad as cha'aju sumanga aju jon nan sasangaju mangwhalin lagsa'.

Juan 16:20 ပူးပေါင်းရင်းမြစ်များ

Mateo 21:38

“Gwon inilan ku chachay mansasamer nan ana' nan sin'ugwa asi'a'anancha, ‘Annaja nan mangila'sun. Gwayyu ta otojon ta'us sija ad nan'ugwa ta'u nan la'sunna.’

Mateo 5:4

Piyan chanan takuway mansasanga kapu san whersu tan liwligwaon Apudyus chicha.

Mer'us 14:72

Sachi kun ekay impiggwan nan awwit gway mangu''uu' kun simsimmo' Pedro chay ingwhakan Hesus an sija gway manggwana, “Chaan ad nan awwit ipiggwaay mangu''uu', namitlum sa'on isulib.” Kun naniwhil as Pedro san amod gway somsomo'na.

Mer'us 16:10

Kun ummoy Maria ingwhaka sasay nansimo' ja naniwhil gway huhuyun Hesus.

Lukas 22:45

Lummiggwat kusan nappung nallugwayuwot ummoy san agwachan chachay pasuyutna, inchasana chichaay nanassuy tan amod nan sasangacha.

Lukas 22:62

Lummagwa kus Pedro ap pagway naniwhil san amod gway somsomo'na.

Lukas 23:27

Kun nituntunud an Hesus nan amochay taku ja chanan hubhuwhai gway asisasanga ja asijiiwhil kapu an sija.

Lukas 24:17

Kun anan Hesus an chicha, “Ngachan nan ukuukuchonjuway manadchadchayan?” Kun summinongchaay mansasanga.

Lukas 24:21

Sa'ad as cha'ami ninamnamamiyay as sija nan mawwajagwaja san Israel. Wha'on ekas ahus chi, mi'atlu erkaw san sana nan lummaus manipud san na'gwaan nina.

Lukas 6:21

Piyan aju, cha'ajuway mawhitil san sana tan awni ad mapno' aju. Piyan aju, cha'ajuway maniwhiiwhil san sana tan awni ad majo'jo' aju.

Juan 16:33

Ingwhaka' nannachaja an cha'aju tot kapu an sa'on maatchan ajus somsomo' gway maid machanakanju. San annaja luhung mapalikatan aju jon papigsaonju nan somsomo'ju tan inawha''u nan lagwingay pigsan nan luhung!”

Juan 16:6

Kapu tan ingwhaka' an cha'aju nannachaja lumagwing nan somsomo'ju.

Juan 20:20

Ingwhakana kunan sachi impailana nan imana ja huti'na an chicha. Amod nan lagsa' chachay pasuyut san inilacha nan Apu.

Apostoles 5:41

Nallaylajad as amod chanan apostoles gway lummajaw san agwachan nan Sanhedrin tan whinigwhig Apudyus chicha as miwhilang gway mallikat san miwhawhainan kapu an Hesus.

Roma 5:11

Wha'on kus ahus chi, mallagsa' ta'u hos an Apudyus kapu an Apu ta'uway Hesu Kristu gway nangipagkulin an chita'u san sana an Apudyus.

2 Corinto 6:10

Ta'on nu nadnachi pasangaon cha'ami, patinajunay nayagsa' ami. Wha'sigwot ami gwon ama ekas impawha'nangmi nan angsanay taku kapu san pammaticha. Maid kun mawhalinmi gwon nan inatuttugwaana agwad nan losan an cha'ami kapu an Apudyus.

Galacia 5:22

Gwon annachaja nan maila san mawhiwhijag san ayobhongan nan Ispilitun Apudyus: lajad, lagsa', maid manchanakan, inaattom, manggwas whayu san uchum, maid kun a'gwaniyan san uchum, inapudnu,

1 Tesalonica 1:6

Ad sa'ad as cha'aju, sinuyutju as cha'ami ja as Apu Hesu Kristu gway ta'on nu amod nan pinachasju san nangagwatanju san Whayuway Chamag gway mipangkop an Hesus, sissijaay nayagsa' aju kapu san Ispilitun Apudyus.

Santiago 1:2

Susunud'u san pammati, nu agwad man'aya'ayasi as chachagsonon nan somsomo'ju gway mangilan san pammatiju iwhilangju chachi as lumagsa'anju

Judas 1:24

As Apudyus nan ahus as mangijaachug an cha'aju tot achi aju humersu ja sija nan mangipayang an cha'aju gway maid ma'gwaniyanju san inachajawna gway mallaylajad aju san sanguna.

Nipaakammu 11:10

Ad sa'ad chanan takud asna luta gway achi mamati mayagsa'ancha kapu san natojan nannaja chugwa. Ad nallagyagsa'cha ja naninnatodcha san atodcha tan sa'ad nannaja chugwa profeta chicha nan nangipaali san nallikatan chanan taku ad asna luta.

Nipaakammu 18:7

Nu ngachan nan ininoncha nangipangas san longagcha ja nawhijag as lamay as amod, sachi nan topong nan atchonju palikat ja sasanga an chicha. Tan anancha san somsomo'cha, ‘Mantutuyay amiyay amas reyna. Wha'on kus isumi chi nawhayu ja achi ami kun puyus mansasanga.’