Juan 16:1 - Kalinga Butbut

¹ Intuyuy Hesus gway manggwana, “Ingwhaka' nannachaja an cha'aju tot achiju ijakay san pammatiju.

Juan 16:1 ပူးပေါင်းရင်းမြစ်များ

Mateo 11:6

Ad ananju hoson piyan chanan takuway achi kun manchugwachugwa san mipangkop an sa'on.”

Mateo 13:21

Gwon isucha chachay minuya gway achi kun lummamut sija nan chadchaan kun na'yuycha. Ad isuna hos nu humu'nag nan likat an chicha gwinnu matupotupo'cha kapu san mamatiyancha ad chadchaan ad nanchu'kancha nan pammaticha.

Mateo 13:57

Ad sija nan achicha kun patkon as sija. Gwon anan Hesus an chicha, “Ngachammanay iliyay umajan nan profetan Apudyus, whigwhikonchas sija. Gwon nan kadto'ay ailijana ja chanan chochogkana, achicha kun whigwhikon as sija.”

Mateo 24:10

Ad angsan nan mangijakay gway mamati an sa'on ja sa'ad nan uchum ijiwhitcha ancha kuyaoncha nan huyuncha namati.

Juan 15:11

“Ingwhaka' nannachaja an cha'aju tot sa'ad nan lagsa''u agwad an cha'aju ad nan lagsa'ju maid uyangna.

Juan 16:4

Jon ingwhaka' nannachaja an cha'aju tot humu'nag ad nan chimpu gway ma'gwa chana somsom'onjuway ingwhaka' an cha'aju nannaja. “Sa'ad nannachaja achi' kun ingwhaka an cha'aju san chamchamu tan iniingkagwa' an cha'aju.

Roma 14:21

Whayu nu achi'a mansicha san ischa, uminum san humutong gwinnu manggwa san ngachan sinatay ngumajaan nan huyunnu.

Filipos 1:10

tot mapiliju nu ngachan nan awhayugwan ta mawhijag ajuway nachayus ja maid ma'gwaniyanju ingkana san managkulinan Kristu

1 Pedro 2:8

Ja anana hos san Ukud Apudyus, “Sija nan isun chi whatuway michungpuyancha ja mawhaya'chuchancha.” Michungpurcha tan achicha kun chumngor san Ukud Apudyus ja sachi hos nan ingwhakan Apudyus gway ma'gwa an chicha.