Juan 12:46 - Kalinga Butbut

⁴⁶ Sa'on nan silaw gway ummalid asna luta tot nu ngachan ad nan mamati an sa'on achi kun iingkaw san manghulingot.

Juan 12:46 ပူးပေါင်းရင်းမြစ်များ

Juan 8:12

Gwot inasin Hesus iyagwat sasan taku gway manggwana, “Sa'on nan silaw nan luhung. Nu ngachan nan mitunud an sa'on achi kun puyus manadchayan san manghulingot jon agwad an sija nan silaw gway mangatod san whijag.”

Juan 9:5

Sa'ad sannaay agwacha' ad asna luta sa'on nan silaw gway mamadcha san somsomo' chanan taku ad asna luta.”

Apostoles 26:18

Ipaakammum an chicha nan ukud'u tot manchu'kancha nan manghulingot ad intuyungnu chicha san padcha ja ituyungnu hos chicha san ayobhongan Apudyus manipud san ayobhongan Satanas tot ligwatan Apudyus chanan whersucha ja mitapicha sasan takuway niit'on as ugwan Apudyus kapu san pammaticha an sa'on.’

Juan 3:19

Amasna nan i'aman Apudyus gway mangu'um sasan taku: Tan ummali ad asna luhung as Hesus gway anig silaw tot padchaana nan somsomo' chanan taku san atuttugwaan gwon sija impatpatogcha nan manghulingot nu nan padcha kapu tan lagwing nan o'ooncha.

Juan 1:9

Sa'ad nan kadto'ay silaw gway mamadcha san somsomo' chanan taku, sija nan umali ad asna luhung.

Mateo 4:16

Nawhiwhijag san manghulingot chanan taku ad aschi gwon ma'ailacha san amod gway padcha. Ta'on nu agwadcha san manghulingot ja umogjatcha matoy mapadchaancha san silaw.”

Efeso 5:14

tan nan losanay mapadchaan pumadcha. Sija nan niwhakaay, “Humangon'a, si'aay nasusujop ja mataku'a san otoy ad pinadchaan cha'a an Kristu.”

Lukas 2:32

Mijagwat as sija san silaw gway mangipaakammu san mipangkop an Apudyus sasan wha'on kus Hudyu ja kapu an sija mapachajagwan chanan takum gway ijIsrael.”

Juan 9:39

Kun anan Hesus, “Ummaliya' ad asna luta ta u'umo' chanan taku tot sa'ad chanan na'uyap atcha' chichas ilancha ja sa'ad chanan anna ilana mangngachancha na'uyap.”