Juan 12:27 - Kalinga Butbut

²⁷ Kun intuyuy Hesus gway manggwana, “San sana anna nakuyu nan somsomo''u. Ad ngachamma iwhaka'? Ana'on, ‘Ama, ilisiya' san likat gway ippong'u?’ Wha'on tan annaja nan kapun nan ummaliya' san sana chimpu.

Juan 12:27 ပူးပေါင်းရင်းမြစ်များ

Mateo 11:25

San sachi uyas nallugwayus Hesus gway manggwana, “Manjamana' an si'a Ama gway Apun nan losanay agwad ad langit ja anna san luta tan sa'ad nan achim pun impaakammu sasan man'asilib ja naacher taku impaakammum sasan takuway wha'on kus naacher.

Mateo 11:26

Tuttuwa, Ama, inggwam nan amasna kapu tan annaja nan masomam.”

Mateo 26:42

Mipidgwa kunay ummachaju as Hesus nallugwayu gway manggwana, “Ama, nu maid awhalinana ja nu maserpu mapalikatana' as amod ma'gwa nan whayugwom.”

Mateo 26:45

Gwot nanagkulin sasan pasuyutna kun anana an chicha, “Ka'aju patho' ekay mamassuy ja umiillong? Ilanju ad takangay nan uyas ad as sa'on gway Ana' nan Taku mijiwhita' sasan humersuwhersu.

Lukas 22:44

Ummamamod kunan sikab nan somsomo'na impapatina' amochay nallugwayu, ad sa'ad nan lingotna nangngachan amas todtod chi chayaay tumiyotiyong san luta.

Lukas 22:53

Awhikawhikat peekay iniingkagwa' an cha'aju san Templo gwon achiya' kun chimpap. Jon annaja nan chimpuju ja chimpun Satanas gway mangituyay san manghulingot.”

Juan 11:41

Gwot inaancha chay whatuway onobna. Kun nantangad as Hesus gwot anana, “Ama, manjamana' tan chingngorm as sa'on.

Juan 12:23

Kun anan Hesus gway summungwhat an chicha, “Hummu'nag nan chimpuway michajagwa' gway Ana' nan Taku.

Juan 13:21

Nappung kun Hesus iwhaka chi nakuyu as amod nan somsomo'na kun impaakammuna gway manggwana, “Tuttuwa iwhaka' an cha'aju gway osa an cha'aju nan mangijiwhit an sa'on.”

Juan 18:37

Gwot anan Pilato an sija, “Ad ali'aot?” Anan Hesus gway summungwhat, “Si'a nan nangiwhaka gway aliya'. Ummaliya' ad asna luhung ja nijana'a' tot ipano'no''u nan atuttugwaan. Nan losanay agwad san atuttugwaan manchongor san iwhaka'.”

1 Timoteo 1:15

Annaja nan kadto'ay ukud gway maserpu lobhongnaay agwaton ja tuttugwaon gway sa'ad as Kristu Hesus ummalid asna luta ta takuwona chanan humersuwhersu. Sa'on nan aamochan nan whersuna an chicha.

Hebreo 2:14

Sa'ad nannachaja inagwakan Apudyus as anana'na, takucha gway matoy. Sija nan sa'ad as Hesus nangngachan ahos taku tot matoy tot kapu san matojana mampapokona nan ayobhongan Satanas gway anna nan ayobhongana mangtoy sasan taku.

Hebreo 5:7

Sa'ad san chimpun nan nawhijakan Hesus ad asna luta, nallugwayu gway nan'ochaw as tuyung an Apudyus gway mawhalinay mangisaya' an sija san otoy. Nallugwayu an Apudyus gway tinowhagna nan kinganaay naniwhil kun chingngorn Apudyus as sija kapu san nangipawhawhaana san longagna gway mamatpati san whayugwon Apudyus.