Juan 11:44 - Kalinga Butbut

⁴⁴ Kun lummagwa chay natoy gway napuputtiputan nan i'ina ja imana san luput ja nahungut nan hoserna san panju. Kun anan Hesus an chicha, “U'whachonju nan niputiput an sija ad ainnugwana manadchayan.”

Juan 11:44 ပူးပေါင်းရင်းမြစ်များ

Mer'us 5:43

Gwot pinuyung Hesus chicha losan ta achicha iwhagwhaka nan na'gwa. Kun anana hos an chicha, “Pa'ananjus sija.”

Lukas 19:20

“Kun ummoy nan osa ahosay mudchachu kun anana, ‘Apu, ilam, annaja chay mina gway inatodnu gway inulihuta' san panju kun intayu'.

Lukas 7:15

Kun tummu'chu chay natakuway natoy kun kumminga. Kun inatod Hesus san inana.

Juan 10:30

Sa'ad as sa'on ja as Ama osossa''an ami.”

Juan 11:39

Kun anan Hesus, “Aanonju nan whatuway onobna.” Gwon anan Marta gway chay sunud nan natoy, “Apu, manakub san sana tan mi'apat nan erkawnad kanad san natojana.”

Juan 11:43

Ingwhakana ku sachi impa'uyna gway manggwana, “Lazaro, lumagwa'a!”

Juan 19:40

Kun inayacha nan lachag Hesus kun whinichiwhichancha san nanginaay luput gway na'gwaan san whangwhangyu tan sachi nan ukalin chanan Hudyu nu ilhoncha nan matoy.

Juan 20:5

Kun nayyu'ungay nangisiim ad chayo' kun inilana nan niwhawhannatay luput gwon achi kun nilumno' as sija.

Juan 20:7

ja chay panjuway nihungut san wha''ag Hesus. Achi kun nijamung say luput gwon nayu'ut gway nat'on san sawhali.

Juan 5:21

Tan sa'ad nan manakuwan Ama sasan natoy ja mangatchana an chicha san whijag, isuna hos an sa'on gway Ana'na gway atcha' san whijag nan whayugwo'ay atchan.

Juan 5:25

Iwhaka' an cha'aju nan tuttuwa, umali nan chimpu ad annaja angkay gway hummu'nag gway chongyon chachay natoy nan kingan nan Ana' Apudyus. Ad sa'ad chanan mangngor ja manggwa san iwhakana ma'awhijagcha an sija as ingkaingkana.

Filipos 3:21

Sija nan manghos san apsut gway longag ta'u ad inggwanas isun nan ina'erjad nan longagna kapu san ayobhongana gway mangituyay san losan.

Nipaakammu 1:18

Sa'on nan Mawhiwhijag! Natoja' gwon ilam, annaa' gway matattaku san sana as ingkaingkana. Sa'on nan singwhijang gway manaku sasan natoy ja ad Hades gway ikaw chanan natoy.