Juan 11:24 - Kalinga Butbut

²⁴ Anan Marta an sija, “Akammu'ay mataku as sija san matakuwan nan natoy san udchin nan erkaw.”

Juan 11:24 ပူးပေါင်းရင်းမြစ်များ

Lukas 14:14

Ad piyan'a tan achicha kun mawhajachan as si'a tan whajachan cha'a an Apudyus san manakuwana sasan nalintokay taku.”

Juan 11:23

Anan Hesus an sija, “Mataku nan sunudnu.”

Juan 6:39

Ad annaja nan whayugwon nan nangiwhaun an sa'on gway losanay intayo'na an sa'on achi' kun taya'on chicha jon takuwo' chicha san anungus nan erkaw.

Juan 6:40

Tan annaja nan whayugwon Ama gway sa'ad nan losanay mangakammu an sa'on gway Ana'na ja mamati an sa'on ma'awhijag an Apudyus as ingkaingkana. Ad takuwo' chicha san anungus nan erkaw.”

Apostoles 24:15

Mannamnamaa' an Apudyus as isun ahos nannachaja taku gway manuullay san matakuwan chanan natoy gway nalintog ja wha'on kus nalintog gway taku.

Hebreo 11:35

Kapu san pammatin chanan uchumay hubhuwhai an Apudyus nipauli nataku chachay ahumerjanchaay natoy. Sa'ad nan uchumay taku napalikatanchas amod tan achicha kun isulib nan pammaticha. Pinilicha nan miwhayud nu san magwajagwajaan tan mamaticha gway amod whayu nan whijagcha san matakuwancha san otoy.